ជាតិ
អាជ្ញាធរដាក់លូរំដោះទឹកជនលិចសាលារៀនចំនួន៨
× អាជ្ញាធររាជធានីភ្នំពេញបាននិងកំពុងអនុវត្តដាក់លូថ្មី ដែលមានប្រវែងសរុប១២០០ម៉ែត្រ ក្នុងទីធ្លាអនុវិទ្យាល័យចំនួន ៨ នៅរាជធានីភ្នំពេញ ដើម្បីដោះស្រាយបញ្ហាទឹកជន់លិចនៅតាមសាលារៀនទាំងនេះ។ នេះបើតាមការចុះផ្សាយរបស់សាលារាជធានីភ្នំពេញ។
បើតាមសាលារាជធានីភ្នំពេញបានឲ្យដឹងថា លទ្ឋផលគិតត្រឹមថ្ងៃទី១៣ខែកុម្ភៈ សាលាមួយចំនួនក្រុមការងារការដ្ឋានដាក់លូបានអនុវត្តរួចរាល់ហើយ។
សាលាទាំង៨នោះរួមមាន៖ អនុវិទ្យាល័យទឹកល្អក់ ប្រវែង៩៨ម៉ែត្រសម្រេចបាន ១០០ភាគរយ អនុវិទ្យាល័យអូរបែកក្អម ប្រវែង១៣៨ម៉ែត្រសម្រេចបាន ១០០ភាគរយ អនុវិទ្យាល័យជម្ពូវ័ន ប្រវែង១៤៨ម៉ែត្រ សម្រេចបាន ១០០ភាគរយ អនុវិទ្យាល័យចំរើនផល ប្រវែង១៨៨ម៉ែត្រ សម្រេចបាន ១០០ភាគរយ អនុវិទ្យាល័យពោធិ៏ចិនតុង ប្រវែង១១៨ម៉ែត្រសម្រេចបាន ១០០ភាគរយ អនុវិទ្យាល័យបុរី១០០ខ្នង ប្រវែង១២០ម៉ែត្រសម្រេចបាន ១០០ភាគរយ អនុវិទ្យាល័យឫស្សីកែវ ប្រវែង១៧៥ម៉ែត្រសម្រេចបាន ៩០ភាគរយ និងអនុវិទ្យាល័យព្រែកលាប ប្រវែង២១៥ម៉ែត្រ ៕
© រក្សាសិទ្ធិដោយ thmeythmey.com