ជាតិ
សង្គមជាតិ
អ្នកគ្រូ នាង ផល្លា៖ ជោគជ័យណាមួយដែលខ្ញុំទទួលបាន គឺជាជោគជ័យរបស់អង្គការ
×![]()
អ្នកស្រី នាង ផល្លា ជាបេក្ខជនម្នាក់ក្នុងចំណោម១០នាក់ចុងក្រោយដែលត្រូវបានជ្រើសរើសចេញពីបេក្ខជនរាប់ពាន់នាក់ទូទាំងពិភពលោកសម្រាប់ប្រជែងយករង្វាន់គ្រូឆ្នើមសកល Global Teacher Prize ដែលមានទឹកប្រាក់១លានដុល្លាអាមេរិក ក្រោមការរៀបចំរបស់មូលនិធិអប់រំ Varkey Foundation នៅទីក្រុងឌូបៃ ប្រទេសអារ៉ាប់រួម អេមីរ៉េត។ អ្នកគ្រូដែលមានបទពិសោធន៍ជាង២០ឆ្នាំលើការបង្រៀនកុមារពិការភ្នែកនៅកម្ពុជារូបនេះ បានសម្តែងនូវការរីករាយដែលការងាររបស់ខ្លួនមានការទទួលស្គាល់ជាសកល ហើយលោកស្រីបានបញ្ជាក់ថា ជោគជ័យណាមួយដែលលោកស្រីទទួលបានគឺជាជោគជ័យរួមរបស់អង្គការ មិនមែនសម្រាប់តែគាត់ម្នាក់នោះឡើយ។
យោងតាមការប្រកាសរបស់មូលនិធី Varkey Foundation កាលពីថ្ងៃទី១៣ ខែកុម្ភៈ ឆ្នាំ២០១៥ អ្នកស្រី នាង ផល្លា និងបេក្ខជន៩នាក់ទៀតត្រូវបានជ្រើសរើសចេញពីបញ្ជី៥០នាក់ចុងក្រោយសម្រាប់កម្មវិធី Global Teacher Prize។ បេក្ខជន៩នាក់ទៀត មាន លោក Azizullah Royesh (អាហ្វហ្គានីស្ថាន) លោកស្រី Kiran Bir Sethi (ឥណ្ឌា) លោក Guy Etienne (ហៃទី) លោកស្រី Jacqueline Jumbekahura (កេនយ៉ា) លោកស្រី Nancie Atwell (អាមេរិក) លោក Richard Spencer (អង់គ្លេស) លោក Stephen Ritz (អាមេរិក) លោកស្រី Naomi Volain (អាមេរិក) និងលោក Madenjit Singh (ម៉ាឡេស៊ី)។
អ្នកស្រី នាង ផល្លា បានចាប់ផ្តើមធ្វើការជាមួយកុមារពិការភ្នែកនាឆ្នាំ១៩៨៦ ក្នុងតួនាទីជានាយិកាសាលាមួយរបស់អង្គការសហប្រជាជាតិនៅជំរុំភៀសខ្លួន លើទឹកដីថៃ។ អ្នកស្រី បានវិលត្រឡប់មកកាន់កម្ពុជាវិញក្នុងឆ្នាំ១៩៩៣ ហើយបានក្លាយជាគ្រូបង្រៀនអក្សរប្រាយ (សម្រាប់កុមារពិការភ្នែក) ជាលើកដំបូងនៅកម្ពុជា។
អ្នកស្រី ផល្លា បានរួមចំណែកយ៉ាងផុសផុលក្នុងការបើកឲ្យមានសាលាកុមារពិការភ្នែក នៅក្នុងប្រទេស និងការបង្កើតអក្សរប្រាយជាភាសាខ្មែរ។ ក្រៅពីនេះ អ្នកគ្រូដ៏ឆ្នើមរូបនេះ បានបង្រៀនជំនាញយ៉ាងច្រើនដល់កុមារពិការភ្នែកដូចជាភាសាអង់គ្លេស និងកុំព្យូទ័រជាដើម។
អ្នកស្រី នាង ផល្លា ដែលបច្ចុប្បន្នជានាយិកាសាលាកុមារពិការភ្នែកភ្នំពេញថ្មី និងជាប្រធានសម្របសម្រួល កម្មវិធីអប់រំកុមារពិការភ្នែក និងគថ្លង់របស់អង្គការគ្រួសារថ្មី គឺជាបេក្ខភាពតែម្នាក់គត់របស់កម្ពុជាដែលត្រូវប្រជែងយកប្រាក់ រង្វាន់១លានដុល្លារអាមេរិកពីកម្មវិធី Global Teacher Prize។
ក្នុងចំណោមបេក្ខជនទាំង៥០រូប មានមកពី២៦ប្រទេសផ្សេងៗគ្នា ដែលក្នុងនោះមានគ្រូបង្រៀនពីសហរដ្ឋអាមេរិកចំនួន១៦នាក់ កាណាដា៣នាក់ ឥណ្ឌា៣នាក់ អង់គ្លេស២នាក់ អូស្ត្រាលី២ អ៊ីតាលី២ ហ្ស៊កដានី២ រីឯបណ្តាប្រទេសដែលមានបេក្ខជនមួយរូបរួមមាន កម្ពុជា ចិន អាហ្វហ្គានីស្ថាន អាសៀបៃហ្សង់ អេស្តូនី ឥណ្ឌូនេស៊ី អាល្លឺម៉ង់ ហៃទី កេនយ៉ា ម៉ាសេដូនី ម៉ាដាហ្គាស្កា ម៉ាឡាវី ម៉ាឡេស៊ី ម៉ិកស៊ិក ម៉ារ៉ុក អេស្ប៉ាញ តង់ហ្សានី ហូឡង់ តួកគី និងអ៊ូហ្គង់ដា។
បេក្ខជនទាំង៥០រូបបានត្រូវជ្រើសចេញពីបេក្ខជនទាំង៥០០០នាក់ មកពី១២៧ប្រទេសទូទាំងពិភពលោក។ ១០នាក់ត្រូវបានជ្រើសរើសពី៥០នាក់ ខណៈជ័យលាភីដែលត្រូវឈ្នះប្រាក់រង្វាន់១លានដុល្លារអាមេរិក នឹងត្រូវប្រកាសនាវេទិកា Global Education and Skills Forum នៅក្នុងទីក្រុងឌូបៃ នាថ្ងៃទី១៦ ខែមិនា ឆ្នាំ២០១៥ ។
អ្នកគ្រូ ផល្លា បានលើកឡើងថា៖ «ជោគជ័យណាមួយដែលខ្ញុំទទួលបាន គឺជាជោគជ័យរួមរបស់អង្គការ មិនមែនជាស្នាដៃរបស់ខ្ញុំតែម្នាក់ឯងនោះឡើយ»។ អ្នកស្រី ក៏មិនបានដាក់ក្តីសង្ឃឹមខ្ពស់ដែរថា ខ្លួនអាចមានវាសនាឈ្នះទឹកប្រាក់១លានដុល្លារ ប៉ុន្តែគាត់រីករាយដែលខ្លួនឈានដល់តំណាក់កាល១០នាក់ចុងក្រោយ។
នារសៀលថ្ងៃចន្ទ ទី១៦ ខែកុម្ភៈ អង្គការគ្រួសារថ្មីដែលមានទីស្នាក់ការនៅភ្នំពេញថ្មី នឹងរៀបចំពិធីអបអរជូនដល់អ្នកគ្រូនាង ផល្លា ដោយមានការចូលរួមផងដែរពីតំណាងក្រសួងអប់រំ យុវជន និងកីឡា៕
យោងតាមការប្រកាសរបស់មូលនិធី Varkey Foundation កាលពីថ្ងៃទី១៣ ខែកុម្ភៈ ឆ្នាំ២០១៥ អ្នកស្រី នាង ផល្លា និងបេក្ខជន៩នាក់ទៀតត្រូវបានជ្រើសរើសចេញពីបញ្ជី៥០នាក់ចុងក្រោយសម្រាប់កម្មវិធី Global Teacher Prize។ បេក្ខជន៩នាក់ទៀត មាន លោក Azizullah Royesh (អាហ្វហ្គានីស្ថាន) លោកស្រី Kiran Bir Sethi (ឥណ្ឌា) លោក Guy Etienne (ហៃទី) លោកស្រី Jacqueline Jumbekahura (កេនយ៉ា) លោកស្រី Nancie Atwell (អាមេរិក) លោក Richard Spencer (អង់គ្លេស) លោក Stephen Ritz (អាមេរិក) លោកស្រី Naomi Volain (អាមេរិក) និងលោក Madenjit Singh (ម៉ាឡេស៊ី)។
អ្នកស្រី នាង ផល្លា បានចាប់ផ្តើមធ្វើការជាមួយកុមារពិការភ្នែកនាឆ្នាំ១៩៨៦ ក្នុងតួនាទីជានាយិកាសាលាមួយរបស់អង្គការសហប្រជាជាតិនៅជំរុំភៀសខ្លួន លើទឹកដីថៃ។ អ្នកស្រី បានវិលត្រឡប់មកកាន់កម្ពុជាវិញក្នុងឆ្នាំ១៩៩៣ ហើយបានក្លាយជាគ្រូបង្រៀនអក្សរប្រាយ (សម្រាប់កុមារពិការភ្នែក) ជាលើកដំបូងនៅកម្ពុជា។
អ្នកស្រី ផល្លា បានរួមចំណែកយ៉ាងផុសផុលក្នុងការបើកឲ្យមានសាលាកុមារពិការភ្នែក នៅក្នុងប្រទេស និងការបង្កើតអក្សរប្រាយជាភាសាខ្មែរ។ ក្រៅពីនេះ អ្នកគ្រូដ៏ឆ្នើមរូបនេះ បានបង្រៀនជំនាញយ៉ាងច្រើនដល់កុមារពិការភ្នែកដូចជាភាសាអង់គ្លេស និងកុំព្យូទ័រជាដើម។
អ្នកស្រី នាង ផល្លា ដែលបច្ចុប្បន្នជានាយិកាសាលាកុមារពិការភ្នែកភ្នំពេញថ្មី និងជាប្រធានសម្របសម្រួល កម្មវិធីអប់រំកុមារពិការភ្នែក និងគថ្លង់របស់អង្គការគ្រួសារថ្មី គឺជាបេក្ខភាពតែម្នាក់គត់របស់កម្ពុជាដែលត្រូវប្រជែងយកប្រាក់ រង្វាន់១លានដុល្លារអាមេរិកពីកម្មវិធី Global Teacher Prize។
ក្នុងចំណោមបេក្ខជនទាំង៥០រូប មានមកពី២៦ប្រទេសផ្សេងៗគ្នា ដែលក្នុងនោះមានគ្រូបង្រៀនពីសហរដ្ឋអាមេរិកចំនួន១៦នាក់ កាណាដា៣នាក់ ឥណ្ឌា៣នាក់ អង់គ្លេស២នាក់ អូស្ត្រាលី២ អ៊ីតាលី២ ហ្ស៊កដានី២ រីឯបណ្តាប្រទេសដែលមានបេក្ខជនមួយរូបរួមមាន កម្ពុជា ចិន អាហ្វហ្គានីស្ថាន អាសៀបៃហ្សង់ អេស្តូនី ឥណ្ឌូនេស៊ី អាល្លឺម៉ង់ ហៃទី កេនយ៉ា ម៉ាសេដូនី ម៉ាដាហ្គាស្កា ម៉ាឡាវី ម៉ាឡេស៊ី ម៉ិកស៊ិក ម៉ារ៉ុក អេស្ប៉ាញ តង់ហ្សានី ហូឡង់ តួកគី និងអ៊ូហ្គង់ដា។
បេក្ខជនទាំង៥០រូបបានត្រូវជ្រើសចេញពីបេក្ខជនទាំង៥០០០នាក់ មកពី១២៧ប្រទេសទូទាំងពិភពលោក។ ១០នាក់ត្រូវបានជ្រើសរើសពី៥០នាក់ ខណៈជ័យលាភីដែលត្រូវឈ្នះប្រាក់រង្វាន់១លានដុល្លារអាមេរិក នឹងត្រូវប្រកាសនាវេទិកា Global Education and Skills Forum នៅក្នុងទីក្រុងឌូបៃ នាថ្ងៃទី១៦ ខែមិនា ឆ្នាំ២០១៥ ។
អ្នកគ្រូ ផល្លា បានលើកឡើងថា៖ «ជោគជ័យណាមួយដែលខ្ញុំទទួលបាន គឺជាជោគជ័យរួមរបស់អង្គការ មិនមែនជាស្នាដៃរបស់ខ្ញុំតែម្នាក់ឯងនោះឡើយ»។ អ្នកស្រី ក៏មិនបានដាក់ក្តីសង្ឃឹមខ្ពស់ដែរថា ខ្លួនអាចមានវាសនាឈ្នះទឹកប្រាក់១លានដុល្លារ ប៉ុន្តែគាត់រីករាយដែលខ្លួនឈានដល់តំណាក់កាល១០នាក់ចុងក្រោយ។
នារសៀលថ្ងៃចន្ទ ទី១៦ ខែកុម្ភៈ អង្គការគ្រួសារថ្មីដែលមានទីស្នាក់ការនៅភ្នំពេញថ្មី នឹងរៀបចំពិធីអបអរជូនដល់អ្នកគ្រូនាង ផល្លា ដោយមានការចូលរួមផងដែរពីតំណាងក្រសួងអប់រំ យុវជន និងកីឡា៕
© រក្សាសិទ្ធិដោយ thmeythmey.com
«ស្មើរនេះ», «ថ្មើរនេះ» និង«ថ្មារនេះ» មួយណាត្រូវ?
ភ្នំពេញ 6 ថ្ងៃ
