ជាតិ
សង្គមជាតិ
×![]()
ដោយ: លីម តុលា
ភ្នំពេញ៖ ទម្លាប់ប្រារព្ធពិធីបុណ្យប្រពៃណីចូលឆ្នាំចិន និងវៀតណាមនៅក្នុងសង្គមខ្មែរ អាចនឹងក្លាយទៅជាប្រពៃណី ដែលមិនអាចកែឡើងវិញបានឡើយ។ ពីមួយឆ្នាំទៅមួយឆ្នាំ ចំនួនអ្នកប្រារព្ធពិធីបុណ្យមួយនេះនៅកម្ពុជា ចេះតែបន្តកើនច្រើនឡើងៗគ្មានទីបញ្ចប់។ តើមូលហេតុអ្វីបានជាកូនខ្មែរសុទ្ធចង់ក្លាយជាកូនកាត់ចិននឹងគេដែរ? 
ក្នុងទសវត្សរ៍៨០ កូនខ្មែរកាត់ចិន ឬកូនចិនកាត់ខ្មែរភាគច្រើន មិនសូវហ៊ានបង្ហាញវត្តមានពេញលេញនៅក្នុងសង្គមខ្មែរឡើយ។ មូលហេតុ គឺដោយសារ កាលនោះ ប្រទេសកម្ពុជាស្ថិតនៅក្រោមការចង្អុលបង្ហាញមួយផ្នែកពីប្រទេសវៀតណាម ហើយប្រទេសវៀតណាម និងប្រទេសចិន ជាលក្ខណៈប្រវត្តិសាស្ត្រនយោបាយ មិនសូវត្រូវរ៉ូវគ្នាទេ។
ក្នុងអំឡុងឆ្នាំ៨០ ការប្រារព្ធពិធីបុណ្យចូលឆ្នាំចិន និងវៀតណាម ត្រូវបានគេធ្វើឡើងដែរ។ តែស្ថិតក្នុងរូបភាពតូចតាច។ ក្នុងទសវត្សរ៍៩០ នៅពេលដែលប្រទេសកម្ពុជាបើកចំហរសេដ្ឋកិច្ចទីផ្សារ បើកចំហរនយោបាយពហុបក្ស ពិធីបុណ្យប្រពៃណីចូលឆ្នាំចិន និងវៀតណាម កាន់តែត្រូវបើកចំហរខ្លាំងឡើងៗនៅក្នុងសង្គមខ្មែរ។ ក្នុងទសវត្សរ៍២០០០ និន្នាការចេះតែបន្តកើនឡើង និងកាន់តែកើនឡើងខ្លាំងថែមទៀតនៅពេលបច្ចុប្បន្ននេះ។ មិនថាកូនខ្មែរកាត់វៀតណាម ឬកូនវៀតណាមកាត់ខ្មែរ កូនខ្មែរកាត់ចិន ឬកូនចិនកាត់ខ្មែរ ឬកូនខ្មែរសុទ្ធទេ ពួកគេសុទ្ធតែចង់ប្រារព្ធពិធីបុណ្យចូលឆ្នាំចិន និងវៀតណាមទាំងអស់។ មិនថានៅក្នុងក្រុង ឬជនបទទេ។ ពិធីបុណ្យចូលឆ្នាំចិន ត្រូវបានគេអបអរសាទរដោយបង្ហាញទង្វើជាក់ស្តែងតាមរយៈការសែនព្រេន ឬអបអរដោយធ្វើឡើងតាមរយៈការចូលរួមសប្បាយជាផ្នែកអារម្មណ៍។
ដោយសារតែឥទ្ធិពលវប្បធម៌ សេដ្ឋកិច្ច និងនយោបាយចិនកំពុងតែគ្របដណ្តប់លើសង្គមខ្មែរខ្លាំងពេក អ្នកណាដែលមិនតាំងខ្លួនធ្វើជា«កូនកាត់ចិន»ហាក់បីដូចជាចម្លែកទៅវិញ។ ដូច្នេះ ចង់មិនចង់ សូម្បីតែកូនខ្មែរសុទ្ធសាធ ក៏ត្រូវតាំងខ្លួនធ្វើជា«កូនកាត់កូនចិន»ដើម្បីសម្របខ្លួនទៅនឹងគេដែរ៕
ក្នុងទសវត្សរ៍៨០ កូនខ្មែរកាត់ចិន ឬកូនចិនកាត់ខ្មែរភាគច្រើន មិនសូវហ៊ានបង្ហាញវត្តមានពេញលេញនៅក្នុងសង្គមខ្មែរឡើយ។ មូលហេតុ គឺដោយសារ កាលនោះ ប្រទេសកម្ពុជាស្ថិតនៅក្រោមការចង្អុលបង្ហាញមួយផ្នែកពីប្រទេសវៀតណាម ហើយប្រទេសវៀតណាម និងប្រទេសចិន ជាលក្ខណៈប្រវត្តិសាស្ត្រនយោបាយ មិនសូវត្រូវរ៉ូវគ្នាទេ។
ក្នុងអំឡុងឆ្នាំ៨០ ការប្រារព្ធពិធីបុណ្យចូលឆ្នាំចិន និងវៀតណាម ត្រូវបានគេធ្វើឡើងដែរ។ តែស្ថិតក្នុងរូបភាពតូចតាច។ ក្នុងទសវត្សរ៍៩០ នៅពេលដែលប្រទេសកម្ពុជាបើកចំហរសេដ្ឋកិច្ចទីផ្សារ បើកចំហរនយោបាយពហុបក្ស ពិធីបុណ្យប្រពៃណីចូលឆ្នាំចិន និងវៀតណាម កាន់តែត្រូវបើកចំហរខ្លាំងឡើងៗនៅក្នុងសង្គមខ្មែរ។ ក្នុងទសវត្សរ៍២០០០ និន្នាការចេះតែបន្តកើនឡើង និងកាន់តែកើនឡើងខ្លាំងថែមទៀតនៅពេលបច្ចុប្បន្ននេះ។ មិនថាកូនខ្មែរកាត់វៀតណាម ឬកូនវៀតណាមកាត់ខ្មែរ កូនខ្មែរកាត់ចិន ឬកូនចិនកាត់ខ្មែរ ឬកូនខ្មែរសុទ្ធទេ ពួកគេសុទ្ធតែចង់ប្រារព្ធពិធីបុណ្យចូលឆ្នាំចិន និងវៀតណាមទាំងអស់។ មិនថានៅក្នុងក្រុង ឬជនបទទេ។ ពិធីបុណ្យចូលឆ្នាំចិន ត្រូវបានគេអបអរសាទរដោយបង្ហាញទង្វើជាក់ស្តែងតាមរយៈការសែនព្រេន ឬអបអរដោយធ្វើឡើងតាមរយៈការចូលរួមសប្បាយជាផ្នែកអារម្មណ៍។
ដោយសារតែឥទ្ធិពលវប្បធម៌ សេដ្ឋកិច្ច និងនយោបាយចិនកំពុងតែគ្របដណ្តប់លើសង្គមខ្មែរខ្លាំងពេក អ្នកណាដែលមិនតាំងខ្លួនធ្វើជា«កូនកាត់ចិន»ហាក់បីដូចជាចម្លែកទៅវិញ។ ដូច្នេះ ចង់មិនចង់ សូម្បីតែកូនខ្មែរសុទ្ធសាធ ក៏ត្រូវតាំងខ្លួនធ្វើជា«កូនកាត់កូនចិន»ដើម្បីសម្របខ្លួនទៅនឹងគេដែរ៕
© រក្សាសិទ្ធិដោយ thmeythmey.com
«ស្មើរនេះ», «ថ្មើរនេះ» និង«ថ្មារនេះ» មួយណាត្រូវ?
ភ្នំពេញ 2 ថ្ងៃ
