ផលិតផលខ្មែរនឹងត្រូវដាក់បង្ហាញក្នុងពិព័រណ៍អន្តរជាតិនៅបារាំង និងចិន

ជាតិ

សេដ្ឋកិច្ច

ផលិតផលខ្មែរនឹងត្រូវដាក់បង្ហាញក្នុងពិព័រណ៍អន្តរជាតិនៅបារាំង និងចិន

21, Feb 2015 , 4:00 pm

រូបភាព

ដោយ: លីម តុលា

ភ្នំពេញ៖ សហព័ន្ធស្រូវអង្ករកម្ពុជា សមាគមលើកកម្ពស់ម្រេចកំពត និងពាណិជ្ជករខ្មែរដទៃទៀតត្រូវបានជំរុញអោយចូលរួមការតាំងពិព័រណ៍អន្តរជាតិនៅក្នុងខេត្ត Bordeaux នៃប្រទេសបារាំងចាប់ពីថ្ងៃទី៨ដល់ថ្ងៃទី ១៧ ខែ ឧសភា ឆ្នាំ២០១៥ខាងមុខនេះ និងនៅក្នុងប្រទេសចិននៅក្នុងខែមិថុនា។

សេចក្តីប្រកាសព័ត៌មានរបស់ក្រសួងពាណិជ្ជកម្មខ្មែរ បានរាយការណ៍បន្តថា អ្នកចូលរួមទស្សនាពិព័រណ៍អន្តរជាតិលើកទី៩៣នៅក្នុងប្រទេសបារាំងនេះ អាចមានចំនួនប្រមាណជា៣០ម៉ឺននាក់។ នេះគឺជាពិព័រណ៍កសិកម្ម និងពហុវិស័យផ្សេងទៀត។

ក្រោយពីពិព័រណ៍នៅក្នុងប្រទេសបារាំង ក្រុមហ៊ុនខ្មែរក៏ត្រូវបានគេអញ្ជើញអោយចូលរួមពិព័រណ៍ខ្នាតអន្តរជាតិនៅក្នុងខេត្តយូណាន់នៃប្រទេសចិនដែរចាប់ពីថ្ងៃទី៦ដល់ថ្ងៃទី១០ខែមិថុនាឆ្នាំ២០១៥ ។ ពិព័រណ៍នៅក្នុងខេត្តយូណាន់មានឈ្មោះថា«ពិព័រណ៍ពាណិជ្ជកម្មនាំចេញ-ចូល គុនមិញចិនលើកទី២៣ និងពិព័រណ៍ពាណិជ្ជកម្មចិន-អាស៊ីខាងត្បូងលើកទី៣» ។

ក្រុមហ៊ុនមកពីអាស៊ីអាគ្នេយ៍ និងពីភូមិភាគអាស៊ីខាងត្បូងត្រូវបានគេអញ្ជើញអោយចូលរួមដាក់បង្ហាញផលិតផលនៅទីនោះ។ ក្នុងរយៈពេលប៉ុន្មានឆ្នាំចុងក្រោយនេះ ផលិតផលខ្មែរបានបង្ហាញវត្តមានច្រើននៅលើទីផ្សាររបស់ខ្លួន។ ប៉ុន្តែគុណភាព និងសិល្បៈនៃការវេចខ្ចប់នៅចោទជាបញ្ហានៅឡើយ៕

សណ្ដែកកួរ ឡើងដល់៤ម៉ឺនរៀល ក្នុងមួយគីឡូក្រាម

6 ថ្ងៃ

«ប្រទានកម្ម»មានន័យដូចម្តេច?

5 ម៉ោង

«ប្រសប់»និង«ប្រសព្វ» មានសូរសព្ទដូចគ្នា តែន័យខុសគ្នា!

1 សប្តាហ៍

តើពេលណាដែលគេសរសេរ«បរិបូរ, បរិបូណ៌ និង បរិបូរណ៍»នៅក្នុងសំណេរភាសាខ្មែរ?

1 ថ្ងៃ

«រឭក»,«រំឮក»,«រំលឹក» និង«រម្លឹក» ពាក្យណាត្រឹមត្រូវ?

2 ថ្ងៃ

អត្ថបទពេញនិយមបន្ថែម