ជាតិ
សុខភាព
គួរអប់រំកូនពីបញ្ហាផ្លូវភេទដោយវិធីណា?
× នៅតាមផ្ទះគួរតែមានការអប់រំខាងផ្លូវភេទមួយចំនួនដល់ក្មេងៗជាពិសេសចំពោះយុវវ័យតែម្តង។ទោះបីជាយ៉ាងណាក៏ដោយឪពុកម្តាយនិងយុវវ័យទាំងអស់មានការភ័យខ្លាចមិនចង់និយាយនូវពាក្យសម្តីដែលទាក់ទងនឹងផ្លូវភេទទេព្រោះវាពិបាកស្តាប់ណាស់។យ៉ាងណាក៏ដោយឪពុកម្តាយម្នាក់ៗគួរតែត្រៀមខ្លួនសម្រាប់ការនិយាយជាមួយកូនរបស់ខ្លួនមុនពេលពួកគេស្វែងយល់នូវអត្ថន័យផ្សេងទៀតដើម្បីបង្កើនការយល់ដឹងនូវព័ត៌មានមួយនេះ។បើសិនជាអ្នកមិនដឹងពីរបៀបនិយាយអំពីបញ្ហាផ្លូវភេទទេយើងនឹងមានវិធីសាស្ត្រមួយចំនួនតូចសម្រាប់ជួយដល់អ្នកទាំងអស់គ្នាដែលមានដូចជា៖
បំបែកទឹកកក
ផ្នែកសំខាន់ៗបំផុតនៃការនិយាយអំពីរឿងផ្លូវភេទគឺជារបៀបធ្វើយ៉ាងណាអោយវាកើតមានតែម្តង។ចូរព្យាយាមចាប់ផ្តើមប្រធានបទក្នុងពេលដែលកំពុងនិយាយគ្នា។អ្វីដែលអាចជួយអោយអ្នកលើករឿងនេះមមបានគឺគួរតែលើកយកវាមកនិយាយខណៈពេលកំពុងតែពិភាក្សាគ្នាអំពីភាពយន្តថ្មីមួយឬការមើលទូរទស្សន៍ជាមួយគ្នា។
ស្មោះត្រង់និងតម្រង់ទិស
ភាពស្មោះត្រង់គឺជារឿងសំខាន់នៅពេលអ្នកកំពុងតែនិយាយអំពីរឿងផ្លូវភេទ។បើសិនជាអ្នកមានអារម្មណ៍ថាគ្មានផាសុខភាពទេចូរអោយកូនរបស់អ្នកដឹងអំពីរឿងនេះផងហើយចូរសង្កត់ធ្ងន់ទៅលើសារៈសំខាន់នៃប្រធានបទនោះទៅ។ចូរតម្រង់ទិសដែលផ្អែកទៅលើវិទ្យាសាស្ត្រជាមូលដ្ឋានខណៈពេលកំពុងតែរួមភេទ។ជាមួយគ្នានេះដែរចូរអប់រំពួកគេអំពីការរួមភេទតាមមាត់ការមានផ្ទៃពោះនិងជំងឺកាមរោគ។
ចូរពិចារណ៍អំពីសំណួររបស់ពួកគេ
មិនត្រូវអោយសម្តីដែលអ្នកនិយាយដូចជាមេរៀនឡើយចូរធ្វើយ៉ាងណាអោយការពិភាក្សាមួយនេះមានការបើកអោយសួរសំណួរ។ចូរបំបាត់នូវភាពសង្ស័យរបស់ពួកគេដោយគ្មានការកាត់សេចក្តីអ្វីទាំងអស់។នេះគឺជាពេលវេលាដែលត្រូវយកឈ្នះពួកគេនិងធ្វើអោយខ្លួនអ្នកកាន់តែខិតជិតទៅរកពួកគេកាន់តែច្រើន។
មិនត្រូវគ្រាន់តែផ្តោតទៅលើការពិតឡើយ
នៅពេលអ្នកប្រាប់ពួកគេអំពីការរួមភេទចូរអោយពួកគេដឹងអំពីអារម្មណ៍ដែលនឹងកើតមានចំពោះវាផង។ចូរនិយាយប្រាប់អំពីអារម្មណ៍សេចក្តីស្រលាញ់និងតម្លៃផ្សេង។ចូរបង្រៀនពួកគេអំពីក្រមសីលធម៌និងការទទួលខុសត្រូវនៅពេលកំពុងពិចារណាលើការរួមភេទ។
ពិភាក្សាអំពីការណាត់ជួបគ្នាភាពស្និទ្ធស្នាលខាងផ្លូវកាយនិងផលវិបាក
ការណាត់ជួបគ្នាអាចដាក់សម្ពាធដល់ពួកគេមួយចំនួនដើម្បីរួមភេទបាន។ចូរបង្រៀនពួកគេពីរបៀបគ្រប់គ្រងអារម្មណ៍និងអោយមានភាពក្លាហានគ្រប់គ្រាន់ក្នុងការនិយាយថា “ទេ” នៅពេលពួកគេមិនមានអារម្មណ៍ថាមានផាសុខភាពគ្រប់គ្រាន់។ស្នេហាប្រហែលជាមិនតែងតែមានន័យថាត្រូវការរួមភេទនោះទេ។ចូរអោយពួកគេដឹងអំពីផលវិបាកនៃការរួមភេទនិងរបៀបដែលវាធ្វើអោយមានផលវិបាកស្ត្រេសការមានផ្ទៃពោះឬជំងឺកាមរោគ។
ធ្វើខ្លួនជាមនុស្សដែលស្រួលនិយាយគ្នា
ចូរធ្វើយ៉ាងណាអោយទំនាក់ទំនងមានភាពបើកចំហរទាំងអស់នៅពេលដែលត្រូវពិភាក្សារឿងរួមភេទ។មិនត្រូវដាក់សម្ពាធទាំងអស់ទៅលើពួកគេដែលទាក់ទងនឹងការយល់ឃើញរបស់អ្នកឡើយ។ចូរអនុញ្ញាតអោយពួកគេគិតអំពីវានិងពិភាក្សាលើការយល់ឃើញរបស់គេជាមួយអ្នកទៅ។បើសិនជាអ្នកទុកចោលនូវអ្វីដែលពួកគេមិនខ្មាស់អៀនដើម្បីប្រាប់អោយ អ្នកដឹងអ្នកនឹងអាចជួយពួកគេបានកាន់តែល្អខណៈពេលដែលកំពុងតែដោះស្រាយរាល់បញ្ហាផ្សេង៕
ផ្តល់សិទ្ធិដោយ៖ www.health.com.kh
© រក្សាសិទ្ធិដោយ thmeythmey.com