ជាតិ
ពីនេះ ពីនោះ
ជំនាញបួនសំខាន់ៗដែលឈានទៅរកភាពជោគជ័យក្នុងវិស័យការងារ?
× ការបំពេញការងារដែលប្រើប្រាជ្ញា គេចាំបាច់ណាស់ត្រូវការបុគ្គលិកដែលមានចំណេះ និងជំនាញមួយច្បាស់លាស់ក្នុងការបំពេញវា។ ប៉ុន្តែការបំពេញការងារក្នុងផ្នែក ឬជំនាញណាមួយនោះ គឺចាំបាច់ត្រូវតែមានជំនាញសំខាន់ៗបួនផ្សេងទៀត ទើបអាចឈានទៅរកភាពជោគជ័យយ៉ាងពិតប្រាកដក្នុងវិល័យការងាររបស់ពួកគេម្នាក់។ តើជំនាញបួននោះមានអ្វីខ្លះ?
១. ភាសាអង់គ្លេស៖ តម្រូវការការងាររបស់និយោជកក្នុងសតវត្សរ៍ទី២១នេះ គេចាំបាច់ត្រូវការបុគ្គលិកដែលមានសមត្ថភាពប្រើប្រាស់ភាសាអង់គ្លេសទាំងការអាន ការនិយាយ ការសរសរ និងអាចស្តាប់បានល្អបំផុត ទើបអាចបំពេញការងារបានជោគជ័យ។ ប្រសិនបើចេះភាសាផ្សេងទៀតកាន់តែប្រើសើរ។
២. ជំនាញទន់៖ ជាជំនួយមួយផ្នែកធំដែលបុគ្គលិកត្រូវតែមាននៅក្នុងខ្លួន ព្រោះជំនាញទន់នេះអាចជួយផ្គួបផ្សំការបំពេញការងាររបស់គេឲ្យកាន់តែមានប្រសិទ្ធភាព។ ជំនាញទាំងនេះរួមមាន៖ ការទំនាក់ទំនង ការលើកទឹកចិត្ត របៀបធ្វើការងារជាក្រុម របៀបដោះស្រាយបញ្ហា និងការគ្រប់គ្រង-ដឹកនាំ។ ល។
៣. បច្ចេកវិទ្យា៖ បច្ចេកវិទ្យាបានដើរតួយ៉ាងសំខាន់ក្នុងការជួយសម្រួលការងារឲ្យកាន់តែមានប្រសិទ្ធភាព និងឆាប់រហ័ស។ នៅក្នុងយុគសម័យអ៊ិនធឺណែតនេះ ប្រសិនបើបុគ្គលិកមិនចេះប្រើវាទេនោះ នោះប្រាកដជាមិនអាចធ្វើការទាន់នឹងការវិវដ្តរបស់ពិភពលោកឡើយ។ ចំណេះដឹងផ្នែកបច្ចេកវិទ្យាទាំងនេះមានដូចជា៖ Facebook, Line, Skype, Google search, Email,…។
៤. ចំណេះដឹងទូទៅ៖ ចំណេះដឹងទូទៅអាចអនុញ្ញាតឲ្យបុគ្គលិកមានគំនិតជជែកឆ្លងឆ្លើយក្នុងរឿងអ្វីមួយបានយ៉ាងទូលាយ នេះមានន័យថា បុគ្គលិកមានសមត្ថភាលើសពីជំនាញដែលពួកគេកំពុងធ្វើទៅទៀត។ យ៉ាងហោចណាស់ក៏ត្រូវយល់ដឹងលើផ្នែកផ្សេងៗក្នុងស្ថាប័នដែលពួកគេកំពុងបំពេញការងារនោះដែរ ចំណេះដឹងទាំងនេះមានដូចជា របៀបគ្រប់គ្រងមនុស្ស សេដ្ឋកិច្ច ច្បាប់ការងារ ចំណេះដឹងទាក់ទិននឹងរឿងរ៉ាវសង្គម និងចំណេះដឹងលើផ្នែកផ្សេងៗទៀត៕
© រក្សាសិទ្ធិដោយ thmeythmey.com