ពីនេះ ពីនោះ
បុគ្គលិកត្រូវធ្វើការបែបណា ទើបទទួលបានជោគជ័យ?
× ១. ចេះធ្វើការងារជាក្រុម៖ បុគ្គលិកដែលធ្វើការជាមួយគ្នាត្រូវចេះរៀបចំបែងចែក សហការ និងស្មារតីទទួលខុសត្រូវចំពោះការងារ ដើម្បីអនុវត្តន៍ឲ្យសម្រេចបាននូវគោលដៅដែលស្ថាប័នបានកំណត់។
២. ពូកែទំនាក់ទំនង៖ ក្នុងការបំពេញការងារចាំបាច់ត្រូវមានទំនាក់ទំនងល្អរវាងបុគ្គលិក ទៅអ្នកគ្រប់គ្រង និងពីអ្នកគ្រប់គ្រង ត្រឡប់មកបុគ្គលិកវិញ ដើម្បីបង្កើនភាពស្និទ្ធស្នាល និងភាពរស់រវើកក្នុងពេលបំពេញការងារ។
៣. ចេះចាត់អាទិភាពការងារ៖ បុគ្គលិកត្រូវបែងចែកពេលវេលា និងចាត់អាទិភាពការងារឲ្យបានច្បាស់លាស់ ថាតើការងារណាមួយត្រូវធ្វើបន្ទាន់ ការងារណាត្រូវធ្វើបន្ទាប់ និងការងារណាត្រូវទុកធ្វើចុងក្រោយ។
៤. ស្មារតីទទួលខុសត្រូវ៖ បុគ្គលិកម្នាក់ៗត្រូវមានទំនួលខុសត្រូវ ចំពោះការងារជាមុខនាទីផ្ទាស់ខ្លួនដែលមិនអាចបោះបង់ចោលបានឡើយ និងត្រូវមានទំនួលខុសត្រូវចំពោះលិទ្ធផលរបស់ក្រុមទាំងមូល បើទោះជាលិទ្ធផលនោះទទួលបានជោគជ័យ ឬបរាជ័យក្នុងកម្រិតណាក៏ដោយ។
៥. មានភាពជាអ្នកដឹកនាំក្នុងខ្លួន៖ បុគ្គលិកត្រូវមានភាពជាអ្នកដឹកនាំ មានគំនិតច្នៃប្រឌិត និងចេញមុខធ្វើការងារក្នុងក្រុមយ៉ាងសកម្មជាងសមាជិកដទៃ ហើយចេះលើកទឹកចិត្តជួយការងារគ្នាទៅវិញទៅមក ជាជាងស្តីបន្ទោស ឬច្រណែនគ្នាជាមួយនឹងសមាជិកក្រុម៕
© រក្សាសិទ្ធិដោយ thmeythmey.com