ក្រសួងចំនួន១៣ផ្សាយឈ្មោះ និងលេខទូរសព្ទអ្នកនាំពាក្យរបស់ខ្លួនជាសាធារណៈ

ជាតិ

នយោបាយជាតិ

ក្រសួងចំនួន១៣ផ្សាយឈ្មោះ និងលេខទូរសព្ទអ្នកនាំពាក្យរបស់ខ្លួនជាសាធារណៈ

26, Feb 2015 , 4:24 pm

រូបភាព

លោក ខៀវ កាញារីទ្ធ រដ្ឋមន្ត្រីក្រសួងព័ត៌មាន

ដោយ: រួបរួម

ក្រុមការងារអន្តរក្រសួងសម្របសម្រួលសមរភូមិ នៃទីស្តីការគណៈរដ្ឋមន្ត្រី រួមទាំងលេខាធិការដ្ឋានក្លិបមន្ត្រីព័ត៌មាន និងអ្នកនាំពាក្យ បានចេញផ្សាយជាសាធារណៈនូវឈ្មោះ និងលេខទូរសព្ទ ក្រុមអ្នកនាំពាក្យផ្លូវការនៅតាមក្រសួងចំនួន១៣ក្នុងចំណោមក្រសួងទាំង២៧របស់រដ្ឋាភិបាលកម្ពុជា។

rnលោក ផៃ ស៊ីផាន អនុប្រធានប្រចាំការក្រុមការងារអន្តរក្រសួងសម្របសម្រួលសមរភូមិ និងជាអ្នកនាំពាក្យទីស្តីការគណៈរដ្ឋមន្ត្រីផងដែរនោះ បានសរសេរនៅលើសេចក្តីប្រកាសព័ត៌មានកាលពីថ្ងៃទី២៥ ខែកុម្ភៈថា ឈ្មោះ និងលេខទូរសព្ទទាំងនោះ ជាកិច្ចជួយសម្រួលនូវការប្រាស្រ័យទាក់ទងប្រកបដោយប្រសិទ្ធភាព។

បញ្ជីឈ្មោះ និងលេខទូរសព្ទមន្ត្រីនាំពាក្យនៅក្រសួងចំនួន១៣ ត្រូវបានរៀបចំឡើងបន្ទាប់ពីសិក្ខាសាលាមួយរបស់ក្លិបមន្ត្រីព័ត៌មាន និងអ្នកនាំពាក្យ ដែលបានប្រព្រឹត្តទៅនៅក្រសួងព័ត៌មាន ពីថ្ងៃទី២៣ ដល់ថ្ងៃទី២៤ ខែកុម្ភៈ ឆ្នាំ២០១៥ ។

យោងតាមទីភ្នាក់ងារព័ត៌មានជាតិ AKP លោក ខៀវ កាញារីទ្ធ រដ្ឋមន្ត្រីក្រសួងព័ត៌មាន បានណែនាំដល់មន្ត្រីព័ត៌មាន និងមន្ត្រីអ្នកនាំពាក្យនាពិធីបិទសិក្ខាសាលាកាលពីថ្ងៃទី២៤ ខែកុម្ភៈ ថា អ្នកនាំពាក្យត្រូវមានការប្រយ័ត្នប្រយែងក្នុងការប្រើប្រាស់ពាក្យពេចន៍ ហើយរាល់ការនិយាយមួយម៉ាត់ៗក្នុងទំនាក់ទំនងធ្វើយ៉ាងណាការផ្ដល់ព័ត៌មានគឺខ្លី និងមានន័យ គ្រប់គ្រាន់កុំឱ្យលើស និងក៏កុំឱ្យគេយកខ្លឹមសារ និងអត្ថន័យទៅបកស្រាយបានពីរបែប។

លោកលើកឡើងថា មន្ដ្រីព័ត៌មាន និងមន្ដ្រីអ្នកនាំពាក្យ ទាំងអស់ត្រូវនិយាយការពិត គ្រាន់តែការពិតខ្លះមិននិយាយ ប៉ុន្ដែដាច់ខាតមិន និយាយកុហកខុសពីការពិត ព្រោះនៅពេលដែលយើងនិយាយកុហក គឺបាត់បង់នូវ ទំនុកចិត្ដពីសាធារណជនជាមិនខានឡើយ៕

សូមទាញយកបញ្ជីឈ្មោះ និងលេខទូរសព្ទដូចខាងក្រោម៖