ជាតិ
មនុស្ស១៦នាក់ស្លាប់២២នាក់របួសក្នុងគ្រោះថ្នាក់ចរាចរណ៍ម្សិលមិញ
×
មនុស្សចំនួន១៦នាក់ និង២២នាក់បានរងរបួសធ្ងន់ និងស្រាលនៅក្នុងហេតុការណ៍គ្រោះថ្នាក់ចរាចរណ៍ដែលបានកើតឡើងចំនួន១១៧លើកនៅទូទាំងប្រទេស កាលពីថ្ងៃទី២៨ខែកុម្ភៈឆ្នាំ ២០១៥ម្សិលមិញ។ នេះបើយោងតាមការចុះផ្សាយនៅក្នុងគេហទំព័រអគ្គស្នងការនគរបាលជាតិ។
បើតាមប្រភពដដែល គ្រោះថ្នាក់ចរាចរណ៍ទាំង១៧លើកនោះ បានបណ្តាលឲ្យខូចខាតយានយន្តចំនួន២៧គ្រឿង ក្នុងនោះមានម៉ូតូចំនួន១៥គ្រឿង រថយន្តធុនតូច៧គ្រឿង និងរថយន្តធុនធំ៤គ្រឿង យានយន្តផ្សេង១គ្រឿង និងអ្នកថ្មើរម្នាក់។
មូលហេតុដែលនាំឲ្យកើតមានគ្រោះថ្នាក់ចរាចរណ៍ គឺបណ្តាលមកពីការបើកបរមិនប្រកាន់ស្តាំ៣លើក ប្រជែងគ្រោះថ្នាក់៣លើក ហួសល្បឿនចំនួន២លើក មិនគោរពសិទ្ធិ២លើក បត់គ្រោះថ្នាក់២លើក កត្តាយានយន្ត៤លើក ស្រវឹង១លើក ក្នុងនោះអ្នកគ្រោះថ្នាក់ជិះម៉ូតូមិនពាក់មួកសុវត្ថិភាពចំនួន២៣នាក់។
ដោយឡែកយានយន្តដែលទទួលរងការផាកពិន័យនៅអង្គភាពមានចំនួន៧៤៧គ្រឿង និងម៉ូតូចំនួន១,១៨០គ្រឿង៕
© រក្សាសិទ្ធិដោយ thmeythmey.com