ជាតិ
ពីនេះ ពីនោះ
ខុង ជឺ៖ សន្តានចិត្តមនុស្សធ្លាក់ចុះអន់ថយ ព្រោះតែមិនបានដុសខាត់ជាយូរមកហើយ
× «នគរលូបច្ចុប្បន្ន ប្រព័ន្ធអប់រំរខេករខាកគ្មានគោលការណ៍ច្បាស់លាស់។ ការដាក់ទោសទណ្ឌបែរជាត្រូវយកមកប្រើតែពីសតែពាស។ ប្រជារាស្ត្រមិនទាំងដឹងថាអ្វីដែលខុសច្បាប់ ឬត្រូវច្បាប់ផង។ រឿងបន្តិចបន្តួចក៏ត្រូវគេចោទថាខុសច្បាប់ ហើយត្រូវទទួលទោសកាន់តែធ្ងន់ឡើងជាលំដាប់ ច្បាប់កាន់តែស្មុគស្មាញឡើង ឯប្រជារាស្ត្រក៏កាន់តែធ្វើខុសធ្ងន់ធ្ងរឡើងៗដែរ។ ឧទាហរណ៍ កំផែងខ្ពស់៣ហត្ថ រទេះសេះទទេ បរឡើងមិនរួចព្រោះវាជាល្បាក់ ប៉ុន្តែភ្នំខ្ពស់១០០យយិន (១យិន=៨ហ្វ៊ុត) រទេះសេះផ្ទុកទំនិញពេញ បែរជាសណ្តោងទៅលើកំពូលបានយ៉ាងស្រួល ព្រោះវាឡើងតាមជម្រាលបន្តិចម្តងៗ ។សន្តានចិត្តមនុស្សធ្លាក់ចុះអន់ថយដូចសព្វថ្ងៃនេះ ក៏ព្រោះតែមិនបានដុសខាត់អប់រំអស់ពេលជាយូរមកហើយ ទើបធ្វើអោយសីលធម៌ធ្លាក់ចុះបន្តិចម្តង។ ហេតុនេះ ការព្រាងច្បាប់យកមកកំញើញប្រជារាស្ត្រ ដើម្បីកុំឲ្យគេធ្វើខុសតទៅទៀត គ្មានផ្លូវនឹងសម្រេចឡើយ»។
ដកស្រង់ចេញពីសៀវភៅ ខុង ជឺ ដែលប្រែសម្រួលដោយលោក គឹម ចាន់ណា រក្សាសិទ្ធិដោយគ្រឹះស្ថានបោះពុម្ពផ្សាយ Minds Book។
© រក្សាសិទ្ធិដោយ thmeythmey.com