ជាតិ
សង្គមជាតិ
អង្គការតម្លាភាពកម្ពុជារៀបចំពិព័រណ៌ គំនិតផ្តួចផ្តើមរបស់យុវជន
× អង្គការតម្លាភាពកម្ពុជាបានសហការជាមួយ ក្រុមយុវជនមួយក្រុម ក្នុងកម្មវិធីអ្នកដឹកនាំយុវជនវ័យក្មេង ជំនាន់ទីមួយ របស់អង្គការនេះ និងក្រុមប្រឹក្សាយុវជនឯកអគ្គរដ្ឋទូតសហរដ្ឋ អាមេរិក ដើម្បីរៀបចំការតាំងពិព័រណ៍មួយស្តីពី គំនិតផ្តួចផ្តើមរបស់យុវជន ដែលនឹងប្រព្រឹត្ត នៅថ្ងៃអាទិត្យនេះ នៅការិយាល័យអង្គការតម្លាភាពកម្ពុជា រយៈពេលពេញមួយថ្ងៃ។
យុវជនមួយចំនួនដែលដាក់បង្ហាញគម្រោងរបស់ពួកគេគឺជាអ្នកចូលរួមក្នុងកម្មវិធី «អ្នកដឹកនាំយុវជនវ័យក្មេង» ជំនាន់ទីមួយ ដែលជាការបណ្តុះបណ្តាលរយៈពេលប្រាំសប្តាហ៍ គាំទ្រ ដោយអង្គការតម្លាភាពកម្ពុជា។ ក្រុមយុវជនផ្សេងៗទៀតមកពី ក្រុមប្រឹក្សាយុវជនឯកអគ្គរដ្ឋទូតសហរដ្ឋអាមេរិក។
ពិព័រណ៌នេះនឹង បង្ហាញពីគម្រោងគំនិតផ្តួចផ្តើមរបស់យុវជនដែលបានដឹកនាំ និងអនុវត្ត នៅទូទាំងប្រទេស ក្នុងគោលបំណងដើម្បីលើកកម្ពស់សុចរិតភាព ការប្រឆាំងអំពើពុករលួយ ក៏ដូចជាការ ដោះស្រាយបញ្ហាបរិស្ថាន បញ្ហាយែនឌ័រ និងបញ្ហាសង្គមផ្សេងៗទៀត។ ហើយវាក៏ជាឱកាសដ៏ល្អមួយ ប្រសិនបើយុវជន មានចំណាប់អារម្មណ៍ក្នុងការងារស្ម័គ្រចិត្ត និង ស្វែងរកគម្រោងដែល យុវជនមានចំណាប់អារម្មណ៍ផងដែរ។
លើសពីនេះទៅទៀតនោះ ដោយអង្គការតម្លាភាពកម្ពុជា កំពុងជ្រើសរើសអ្នកចូលរួមកម្មវិធី អ្នកដឹកនាំយុវជនវ័យក្មេង ជំនាន់ទីពីរ។ វាជាឱកាសដ៏ល្អមួយសម្រាប់យុវជនទូទៅដែលចង់ចូលរួមកម្មវិធីនេះ និងចង់ក្លាយជាអ្នកដឹកនាំដែលប្រកបដោយក្រមសីលធម៍ និងរួមចំណែក្នុងការ លើកកម្ពស់សុចរិតភាព ការប្រឆាំងអំពើពុករលួយ បញ្ហាបរិស្ថាននិងបញ្ហាសង្គមផ្សេងៗទៀត៕
© រក្សាសិទ្ធិដោយ thmeythmey.com