ជាតិ
សង្គមជាតិ
ឆ្នាំ២០១៤កម្ពុជាចំណាយថវិការ៣០លានដុល្លារដោះស្រាយគ្រោះមហន្តរាយ
×
រដ្ឋាភិបាលកម្ពុជាបានចំណាយថវិការ៣០លានដុល្លារ នៅក្នុងឆ្នាំ២០១៤ ក្នុងការដោះស្រាយបញ្ហាគ្រោះមហន្តរាយ ។ នេះបើតាមលោក ញឹម វណ្ណដា អនុប្រធានទី១ នៃគណៈ កម្មាធិការជាតិគ្រប់គ្រង គ្រោះមហន្តរាយ ។
ក្រោយពីជំនួបពិភាក្សាជាមួយ លោក ប៉ុល ហំម ប្រធានគណៈកម្មការទី៣ នៃរដ្ឋសភា សាកសួរពីដំណើរការតាក់តែងច្បាប់ស្ដីគ្រោះមហន្តរាយរួចមក លោក ញឹម វណ្ណដា បានឲ្យដឹងថា ក្នុងឆ្នាំ២០១៤កន្លងមក គ្រោះទឹកជំនន់មានតិចជាងគ្រោះរាំងស្ងួត ហើយរដ្ឋាភិបាលបានសង្គ្រោះបន្ទាន់មួយចំនួនដោយបានដោះស្រាយជាជំហានៗ ដូចជាថវិកា និងស្រូវពូជមួយចំនួនផងដែរ។
បើតាមអនុប្រធានទី១ នៃគណៈកម្មាធិការជាតិគ្រប់គ្រងគ្រោះមហន្តរាយរូបនេះកម្ពុជាបានត្រៀមបង្ការនូវស្បៀង ដោយមានអង្ករទុកបម្រុងប្រមាណជា២ម៉ឺនតោនជារៀងរាល់ឆ្នាំផងដែរ សម្រាប់ធ្វើការដោះស្រាយបញ្ហាគ្រោះធម្មជាតិនានា ។ ចំណែកចំនួនថវិការសម្រាប់ដោះស្រាយបញ្ហាគ្រោះមហន្តរាយ គឺកំណត់តាមគ្រោះមហន្តរាយដែលកើតឡើងប្រចាំឆ្នាំ ពោលគឺបានន័យថា ខូចខាតតិចឬច្រើន ។ នេះបើតាមលោក ញឹម វណ្ណដា ៕
© រក្សាសិទ្ធិដោយ thmeythmey.com