ជាតិ
បទយកការណ៍ / បទសម្ភាសន៍
សង្គមជាតិ
អ្នកលក់«ស្លាបមាន់អាំង»ពេលរាត្រីទទួលបានប្រាក់ចំណេញស្មើនឹងប្រាក់ខែរដ្ឋមន្ត្រី!
×![]()
ភ្នំពេញ៖ លោក ជុំ សុភ័ស្ស ក្មេងកំព្រាម្តាយតាំងពីអាយុ៧ឆ្នាំ បច្ចុប្បន្នស្ថិតក្នុងវ័យ៣១ឆ្នាំ មានកូនស្រីពីរនាក់ ធ្លាប់បានឆ្លងកាត់ខ្សែជីវិតដ៏សែនលំបាកក្នុងនាមជាក្មេងកំព្រាម្តាយ ហើយឪពុកមានប្រពន្ធចុង។ រស់នៅជាមួយយាយតាំងពីអាយុ៧ឆ្នាំមក លោក សុភ័ស្ស ធ្លាប់លក់នំប៉ាវអស់រយៈពេលជិត១០ឆ្នាំ មុននឹងក្លាយជាអ្នកលក់ស្លាបមាន់អាំងពេលរាត្រីនៅពេលនេះ។
ក្នុងអំឡុងពេលដែលលោកលក់នំប៉ាវ លោកបានរុញរទេះដើរជាច្រើនគីឡូម៉ែត្រក្នុងមួយថ្ងៃ។ ពេលខ្លះ រូបលោកត្រូវបានក្រុមក្មេងជើងកាងវាយតប់សំឡុតយកប្រាក់អស់ក៏មានដែរ។ ដើរចេញពីមុខរបរលក់នំប៉ាវ ឪពុកកូនស្រីពីរនាក់រូបនេះ បានបោះទុនវិនិយោគទិញម៉ូតូ និងរទេះអស់ប្រាក់ប្រមាណជា៧០០ដុល្លារដើម្បីបង្កើតមុខរបរលក់ស្លាបមាន់អាំងពេលយប់នៅទីក្រុងភ្នំពេញ។ ជាមួយមុខរបរចុងក្រោយនេះ លោកមិនដើរថ្មើរជើងទៀតឡើយ។ ប៉ុន្តែលោកត្រូវបង្ខំចិត្តអត់ងងុយដើម្បីទទួលបានប្រាក់ចំណេញគួរសម។
ថ្លែងប្រាប់សារព័ត៌មានអេឡិចត្រូនិកថ្មីៗនាវេលាម៉ោងជិត១០យប់ លោក សុភ័ស្ស បានបញ្ជាក់ថា មុខរបរនេះលំបាកបន្តិចមែន។ តែវាជាមុខរបរទទួលបានប្រាក់ចំណេញច្រើនជាងបុគ្គលិកក្រុមហ៊ុនទៅទៀត ឬគេអាចនិយាយម្យ៉ាងទៀតថា មុខរបរនេះទទួលបានប្រាក់ចំណេញស្មើរនឹងប្រាក់ខែរដ្ឋមន្ត្រីនៅក្នុងប្រទេសកម្ពុជា។ ក្នុងមួយខែ លោក សុភ័ស្ស អាចរកប្រាក់ចំណេញបានប្រមាណជា៦០០ដុល្លារអាមេរិក។ ដើម្បីជ្រាបព័ត៌មានលម្អិត សូមអញ្ជើញស្តាប់បទសម្ភាសន៍រវាងលោក គី សុខលីម អ្នកសារព័ត៌មានអេឡិចត្រូនិកថ្មីៗ និងលោក ជុំ សុភ័ស្ស អាជីវករលក់ស្លាបមាន់ពេលយប់៕
ក្នុងអំឡុងពេលដែលលោកលក់នំប៉ាវ លោកបានរុញរទេះដើរជាច្រើនគីឡូម៉ែត្រក្នុងមួយថ្ងៃ។ ពេលខ្លះ រូបលោកត្រូវបានក្រុមក្មេងជើងកាងវាយតប់សំឡុតយកប្រាក់អស់ក៏មានដែរ។ ដើរចេញពីមុខរបរលក់នំប៉ាវ ឪពុកកូនស្រីពីរនាក់រូបនេះ បានបោះទុនវិនិយោគទិញម៉ូតូ និងរទេះអស់ប្រាក់ប្រមាណជា៧០០ដុល្លារដើម្បីបង្កើតមុខរបរលក់ស្លាបមាន់អាំងពេលយប់នៅទីក្រុងភ្នំពេញ។ ជាមួយមុខរបរចុងក្រោយនេះ លោកមិនដើរថ្មើរជើងទៀតឡើយ។ ប៉ុន្តែលោកត្រូវបង្ខំចិត្តអត់ងងុយដើម្បីទទួលបានប្រាក់ចំណេញគួរសម។
ថ្លែងប្រាប់សារព័ត៌មានអេឡិចត្រូនិកថ្មីៗនាវេលាម៉ោងជិត១០យប់ លោក សុភ័ស្ស បានបញ្ជាក់ថា មុខរបរនេះលំបាកបន្តិចមែន។ តែវាជាមុខរបរទទួលបានប្រាក់ចំណេញច្រើនជាងបុគ្គលិកក្រុមហ៊ុនទៅទៀត ឬគេអាចនិយាយម្យ៉ាងទៀតថា មុខរបរនេះទទួលបានប្រាក់ចំណេញស្មើរនឹងប្រាក់ខែរដ្ឋមន្ត្រីនៅក្នុងប្រទេសកម្ពុជា។ ក្នុងមួយខែ លោក សុភ័ស្ស អាចរកប្រាក់ចំណេញបានប្រមាណជា៦០០ដុល្លារអាមេរិក។ ដើម្បីជ្រាបព័ត៌មានលម្អិត សូមអញ្ជើញស្តាប់បទសម្ភាសន៍រវាងលោក គី សុខលីម អ្នកសារព័ត៌មានអេឡិចត្រូនិកថ្មីៗ និងលោក ជុំ សុភ័ស្ស អាជីវករលក់ស្លាបមាន់ពេលយប់៕
© រក្សាសិទ្ធិដោយ thmeythmey.com
«ប្រេសិត»មានន័យដូចម្តេច?
7 ថ្ងៃ
