ជាតិ
អ្នកមានជម្លោះដីធ្លីដាក់ញត្តិនៅស្ថានទូតអាមេរិក សុំអន្តរាគមន៍ពីលោកស្រី មីហ្សែល អូបាម៉ា
×
ប្រជាពលរដ្ឋមកពីសហគមន៍មានជម្លោះដីធ្លី មានគ្នាជាង១០០នាក់ បានប្រមូលគ្នាមកដាក់ញត្តិនៅស្ថានទូតអាមេរិកនៅព្រឹកថ្ងៃអង្គារនេះ ដើម្បីស្នើឲ្យលោកស្រី មីហ្សែល អូបាម៉ា ភរិយារបស់ប្រធានាធិបតីអាមេរិក ជួយអន្តរាគមន៍លើបញ្ហាដីធ្លី និងដោះលែងសកម្មជនដីធ្លី ដែលកំពុងជាប់ពន្ធនាគារ ។
ការដាក់ញត្តិរបស់ប្រជាសហគមន៍ដីធ្លីនេះធ្វើឡើង ៣ថ្ងៃមុនដំណើរទស្សនកិច្ចរបស់លោកស្រី មីហ្សែល អូបាម៉ា នៅប្រទេសកម្ពុជា ដែលនឹងប្រព្រឹត្តិទៅពីថ្ងៃទី២១ ដល់ថ្ងៃ២២មិនា ។
គោលបំណងដែលលោកស្រី មីហ្សែល អូបាម៉ា នឹងមកបំពេញទស្សនកិច្ចនៅប្រទេសកម្ពុជា គឺដើម្បីបញ្ចូលគម្រោងកម្មវិធីមានឈ្មោះថា « ជំរុញឲ្យក្មេងស្រីរៀន» (Let Girls Learn Initiative)នៅក្នុងប្រទេសកម្ពុជា ក្នុងចំណោមប្រទេសចំនួន១១ ដែលជាអ្នកផ្ដួចផ្ដើមរបស់អង្គការ Peace Corps ៕
© រក្សាសិទ្ធិដោយ thmeythmey.com