មូលនិធិ Real Madrid និងអង្គការ Solidaridad Ayuda y Unión Crean Esperanza (SAUCE) ដែលមានមូលដ្ឋាននៅខេត្តបាត់ដំបង បានចុះអនុស្សារណៈនៃការយោគយល់គ្នាដើម្បីសាងសង់សាលារៀនខ្នាតអន្តរជាតិមួយសម្រាប់ជនពិការ។
ពិធីចុះហត្ថលេខាត្រូវបានធ្វើឡើងរវាង លោក Florentino Perez ប្រធានក្លិប Real Madrid និងលោក Enrique Figaredo ស្ថាបនិកអង្គការ SAUCE។ នេះបើតាមការបញ្ជាក់របស់គេហទំព័រផ្លូវការក្លិប Real Madrid ជាភាសាអេស្ប៉ាញនាថ្ងៃទី២០ ខែមីនា ឆ្នាំ២០១៥ ។
ក្រោមជំនួយរបស់មូលនិធិ Real Madrid សាលាដែលមានមូលដ្ឋាននៅខេត្តបាត់ដំបងនោះ នឹងក្លាយជាសាលាខ្នាតអន្តរជាតិទីមួយលើពិភពលោកផងដែរដែលភ្ជាប់កីឡា និងសង្គមសម្រាប់ជនពិកា។ សាលានោះ មានក្មេងអាយុពី៦ ទៅ១៧ឆ្នាំ ប្រមាណ១៦០នាក់ ដែលក្នុងនោះ ៥៩នាក់ ជាជនពិកាកាយសម្បទា។