ជាតិ
សង្គមជាតិ
×![]()
សៀមរាប៖ អាចជារឿងមួយដែលមិនគួរឲ្យជឿ តែវាជាការពិត។ អ្នកភូមិអង្គរ ឫពលរដ្ឋដែលមានលំនៅដ្ឋានមិនឆ្ងាយពីប្រាសាទអង្គរវត្តប៉ុន្មាន តែពួកគាត់មិនធ្លាប់មកលេង និងឃើញប្រាសាទអង្គរវត្តពីមុនមក រហូតដល់ពួកគាត់មានអាយុលើស៦០ ទៅ៧០ឆ្នាំទៅហើយនោះ។ តើមានមូលហេតុអ្វីឲ្យពិតប្រាកដ?
នៅព្រឹកថ្ងៃអាទិត្យនេះ ដោយមានការឧបត្ថម្ភពីក្លឹបអ្នកជិះកង់ដើម្បីសហគមន៍ ហៅកាត់ថា CCC ក្រុមមនុស្សចាស់ ដែលមានគ្នាប្រមាណ១០០នាក់ ក្នុងភូមិចំនួន៤ នៅឃុំរើ ស្រុកពួក ខេត្តសៀមរាប បានមកស្គាល់ប្រាសាទអង្គរវត្តជាលើកដំបូង។ ក្រុមមនុស្សចាស់ទាំងនោះ មានអាយុចន្លោះពី៦០ ទៅ៧០ឆ្នាំ មកពីភូមិក្បាលក្រពើ ភូមិសំបួរ ភូមិខ្នារឆ្នាំង និងភូមិអំពិល។
តាមការឲ្យដឹងពីប្រធានក្លឹបអ្នកជិះកង់ដើម្បីសហគមន៍ គោលបំណងសំខាន់ក្នុងការរៀបចំដំណើរទស្សនកិច្ចរបស់ក្រុមមនុស្សចាស់នេះឡើង គឺដើម្បីឲ្យពលរដ្ឋខ្មែរ ជាពិសេសចាស់ៗ ដែលពុំធ្លាប់ស្គាល់ប្រាសាទអង្គរវត្ត ដែលជាអច្ឆរិយរបស់ពិភព បានឃើញម្តងក្នុងមួយឆាកជីវិតរបស់ពួកគាត់។ លោក គឹម ប៊ុនថាន់ បញ្ជាក់ថា មូលហេតុដែលធ្វើឲ្យលោកមានគំនិតរៀបចំកម្មវិធីនេះឡើង ក្រោយពេលលោក និងសមាជិកឯទៀត ឧស្សាហ៍ចុះទៅតំបន់ដាច់ស្រយាល។ ពួកគេបានសួរក្រុមមនុស្សចាស់ពីអង្គរវត្ត ប៉ុន្តែពួកគាត់ឆ្លើយថា មិនធ្លាប់បានឃើញអង្គរវត្តទេពីមុនមក។ លោក ប៊ុនថាន់៖« វាបានធ្វើឲ្យយើងភ្ញាក់ផ្អើលមែនទែន នៅពេលដែលពួកយើង បានឮសំដីទាំងនោះ»។
លោកយាយ អែម រឿន អាយុ៧២ឆ្នាំ នៅក្នុងក្រុមមនុស្សដែលមកកម្សាន្តអង្គរវត្ត បាននិយាយថា លោកយាយសប្បាយចិត្តជាខ្លាំង នៅពេលបានមកជាន់ទឹកដីអង្គរវត្តរបស់ខ្មែរ។ លោកយាយ រឿន ប្រាប់ថា លោកយាយ ចាប់អារម្មណ៍នឹងព្រះពុទ្ធរូប និងក្បួរក្បាច់ចម្លាក់ក្នុងប្រាសាទអង្គរអង្គរវត្ត។ បើទោះជាមានវ័យជរាទៅហើយ តែរាងកាយលោកយាយ រឿន ហាក់មិនទាន់ជរានោះទេ លោកយាយនៅមានកម្លាំង ក្រោយពេលដើរក្នុងប្រាសាទរយៈពេលប្រមាណជិត៤ម៉ោងរួចមក។
ក្បែរលោកយាយ រឿន គឺលោកយាយ ពេជ្រ។ យាយ ពេជ្រ មានអារម្មណ៍មិនខុសគ្នានឹងអ្នកឯទៀតៗនោះទេ គឺគាត់រីករាយ នៅពេលបំណង ដែលធ្លាប់ប៉ងមកលេងអង្គរវត្តបានសម្រេច។ ពេលវេលាមានសម្រាប់យាយ ពេជ្រ ដែលនៅមិនឆ្ងាយប៉ុន្មានពីអង្គរវត្ត ប៉ុន្តែថវិកា ជាមូលហេតុដែលធ្វើឲ្យលោកយាយ និងក្រុមគ្រួសារ មិនបានលទ្ធភាពពិតប្រាកដ៕
នៅព្រឹកថ្ងៃអាទិត្យនេះ ដោយមានការឧបត្ថម្ភពីក្លឹបអ្នកជិះកង់ដើម្បីសហគមន៍ ហៅកាត់ថា CCC ក្រុមមនុស្សចាស់ ដែលមានគ្នាប្រមាណ១០០នាក់ ក្នុងភូមិចំនួន៤ នៅឃុំរើ ស្រុកពួក ខេត្តសៀមរាប បានមកស្គាល់ប្រាសាទអង្គរវត្តជាលើកដំបូង។ ក្រុមមនុស្សចាស់ទាំងនោះ មានអាយុចន្លោះពី៦០ ទៅ៧០ឆ្នាំ មកពីភូមិក្បាលក្រពើ ភូមិសំបួរ ភូមិខ្នារឆ្នាំង និងភូមិអំពិល។
តាមការឲ្យដឹងពីប្រធានក្លឹបអ្នកជិះកង់ដើម្បីសហគមន៍ គោលបំណងសំខាន់ក្នុងការរៀបចំដំណើរទស្សនកិច្ចរបស់ក្រុមមនុស្សចាស់នេះឡើង គឺដើម្បីឲ្យពលរដ្ឋខ្មែរ ជាពិសេសចាស់ៗ ដែលពុំធ្លាប់ស្គាល់ប្រាសាទអង្គរវត្ត ដែលជាអច្ឆរិយរបស់ពិភព បានឃើញម្តងក្នុងមួយឆាកជីវិតរបស់ពួកគាត់។ លោក គឹម ប៊ុនថាន់ បញ្ជាក់ថា មូលហេតុដែលធ្វើឲ្យលោកមានគំនិតរៀបចំកម្មវិធីនេះឡើង ក្រោយពេលលោក និងសមាជិកឯទៀត ឧស្សាហ៍ចុះទៅតំបន់ដាច់ស្រយាល។ ពួកគេបានសួរក្រុមមនុស្សចាស់ពីអង្គរវត្ត ប៉ុន្តែពួកគាត់ឆ្លើយថា មិនធ្លាប់បានឃើញអង្គរវត្តទេពីមុនមក។ លោក ប៊ុនថាន់៖« វាបានធ្វើឲ្យយើងភ្ញាក់ផ្អើលមែនទែន នៅពេលដែលពួកយើង បានឮសំដីទាំងនោះ»។
លោកយាយ អែម រឿន អាយុ៧២ឆ្នាំ នៅក្នុងក្រុមមនុស្សដែលមកកម្សាន្តអង្គរវត្ត បាននិយាយថា លោកយាយសប្បាយចិត្តជាខ្លាំង នៅពេលបានមកជាន់ទឹកដីអង្គរវត្តរបស់ខ្មែរ។ លោកយាយ រឿន ប្រាប់ថា លោកយាយ ចាប់អារម្មណ៍នឹងព្រះពុទ្ធរូប និងក្បួរក្បាច់ចម្លាក់ក្នុងប្រាសាទអង្គរអង្គរវត្ត។ បើទោះជាមានវ័យជរាទៅហើយ តែរាងកាយលោកយាយ រឿន ហាក់មិនទាន់ជរានោះទេ លោកយាយនៅមានកម្លាំង ក្រោយពេលដើរក្នុងប្រាសាទរយៈពេលប្រមាណជិត៤ម៉ោងរួចមក។
ក្បែរលោកយាយ រឿន គឺលោកយាយ ពេជ្រ។ យាយ ពេជ្រ មានអារម្មណ៍មិនខុសគ្នានឹងអ្នកឯទៀតៗនោះទេ គឺគាត់រីករាយ នៅពេលបំណង ដែលធ្លាប់ប៉ងមកលេងអង្គរវត្តបានសម្រេច។ ពេលវេលាមានសម្រាប់យាយ ពេជ្រ ដែលនៅមិនឆ្ងាយប៉ុន្មានពីអង្គរវត្ត ប៉ុន្តែថវិកា ជាមូលហេតុដែលធ្វើឲ្យលោកយាយ និងក្រុមគ្រួសារ មិនបានលទ្ធភាពពិតប្រាកដ៕
© រក្សាសិទ្ធិដោយ thmeythmey.com
«ស្មើរនេះ», «ថ្មើរនេះ» និង«ថ្មារនេះ» មួយណាត្រូវ?
ភ្នំពេញ 3 ថ្ងៃ
