ជាតិ
Google អាចឆ្លើយតបចម្ងល់យើងបានគ្រប់យ៉ាង ប៉ុន្តែព័ត៌មានភាគច្រើនមិនត្រឹមត្រូវឡើយ
×![]()
ហាណូយ-វៀតណាម៖ «នៅលើ Google យើងអាចមើលឃើញព័ត៌មានភ្លាមៗទៅតាមតម្រូវការ ប៉ុន្តែព័ត៌មានមួយចំនួនធំត្រឹមត្រូវឡើយ លើកលែងតែព័ត៌មានដែលសរសេរដោយអ្នកកាសែតអាជីពប៉ុណ្ណោះ»។ នេះជាការលើកឡើងរបស់លោក Yann Rousseau ប្រធានការិយាល័យកាសែតសេដ្ឋកិច្ចបារាំង Les Echos ប្រចាំក្រុងតូក្យូ នាបទបង្ហាញមួយដល់អ្នកកាសែតវៀតណាម និងកម្ពុជា ។
លោក Yann Rousseau អាយុ៤១ឆ្នាំ និងជាអតីតគ្រូបង្រៀនផ្នែកសារព័ត៌មានជាភាសាបារាំងនៅសាកលវិទ្យាល័យភូមិន្ទភ្នំពេញពីឆ្នាំ១៩៩៧ ដល់ឆ្នាំ១៩៩៩ ផងដែរនោះ បានលើកឡើងថា ៖ «បើទោះបីជាបច្ចេកវិទ្យារីកចម្រើនយ៉ាងណាក៏ដោយ ការផ្តល់ព័ត៌មានបែបវិជ្ជាជីវៈ នូវតែមានតម្លៃសម្រាប់អ្នកអាន និងអ្នកសិក្សាស្រាវជ្រាវ»។
ក្រោមការរៀបចំរបស់អង្គការអន្តរជាតិនៃប្រទេសប្រើភាសាបារាំង (OIF) លោក Yann ចូលរួមចែករំលែកបទពិសោធន៍ទាក់ទងនឹងជំនាញយកព័ត៌មានសេដ្ឋកិច្ចដល់អ្នកកាសែតវៀតណាមប្រមាណ២០នាក់ និងកម្ពុជាម្នាក់ នៅទីស្នាក់ការសារព័ត៌មានប្រចាំសប្តាហ៍ Le Courrier du Vietnam ក្នុងទីក្រុងហាណូយ ប្រទេសវៀតណាម ពីថ្ងៃទី២៣ ដល់ថ្ងៃទី២៧ ខែមីនា។
អ្នកកាសែតបារាំងដែលមានបទពិសោធន៍ការងារជាង១៥ឆ្នាំ បានលើកឡើងថា៖ «ការងាររបស់អ្នកកាសែតអាជីពគឺផ្តល់ព័ត៌មានពិតប្រាកដ តាមរយៈការទាក់ទង និងដកស្រង់ប្រភពត្រឹមត្រូវ។ យើងមិនអាចពឹង ឬចាំចម្លងព័ត៌មានតៗគ្នានៅលើ Google នោះឡើយ។ Google ផ្តល់ព័ត៌មានសំបូរបែប ប៉ុន្តែខ្ញុំហ៊ាននិយាយថា ៨០ភាគរយ គឺខុស និងបំភ្លើស»។
លោក Yann ដែលធ្លាប់បានបង្ហាត់បង្រៀនអ្នកកាសែតជើងចាស់មួយចំនួននៅកម្ពុជា ដូចជាលោក ប៉ែន បូណា លោក គី សុខលីម លោក ខ្វៃ អាទិត្យា និងលោក រស់ ឌីណា ជាដើមនោះ ក៏បានកត់សម្គាល់ផងដែរនូវការរីកចម្រើនសារព័ត៌មានផ្នែកសេដ្ឋកិច្ចនារយៈពេលប៉ុន្មានឆ្នាំចុងក្រោយនេះ។
លោកលើកឡើងថា បើទោះបីជាមានការផ្តល់ព័ត៌មានដ៏សំបូរបែបតាមបណ្តាញអ៊ីនធ័រណិតក៏ដោយ ប៉ុន្តែស្នាដៃរបស់អ្នកយកព័ត៌មានអាជីពនៅតែជាតម្រូវការចាំបាច់ ហើយកាសែតជំនាញសេដ្ឋកិច្ចដែលទទួលបានប្រាក់ចំណូលខ្ពស់នោះ មានដូចជា Wall Street Journal, Financial Times, The Economist និង Les Echos ជាដើម៕
លោក Yann Rousseau អាយុ៤១ឆ្នាំ និងជាអតីតគ្រូបង្រៀនផ្នែកសារព័ត៌មានជាភាសាបារាំងនៅសាកលវិទ្យាល័យភូមិន្ទភ្នំពេញពីឆ្នាំ១៩៩៧ ដល់ឆ្នាំ១៩៩៩ ផងដែរនោះ បានលើកឡើងថា ៖ «បើទោះបីជាបច្ចេកវិទ្យារីកចម្រើនយ៉ាងណាក៏ដោយ ការផ្តល់ព័ត៌មានបែបវិជ្ជាជីវៈ នូវតែមានតម្លៃសម្រាប់អ្នកអាន និងអ្នកសិក្សាស្រាវជ្រាវ»។
ក្រោមការរៀបចំរបស់អង្គការអន្តរជាតិនៃប្រទេសប្រើភាសាបារាំង (OIF) លោក Yann ចូលរួមចែករំលែកបទពិសោធន៍ទាក់ទងនឹងជំនាញយកព័ត៌មានសេដ្ឋកិច្ចដល់អ្នកកាសែតវៀតណាមប្រមាណ២០នាក់ និងកម្ពុជាម្នាក់ នៅទីស្នាក់ការសារព័ត៌មានប្រចាំសប្តាហ៍ Le Courrier du Vietnam ក្នុងទីក្រុងហាណូយ ប្រទេសវៀតណាម ពីថ្ងៃទី២៣ ដល់ថ្ងៃទី២៧ ខែមីនា។ អ្នកកាសែតបារាំងដែលមានបទពិសោធន៍ការងារជាង១៥ឆ្នាំ បានលើកឡើងថា៖ «ការងាររបស់អ្នកកាសែតអាជីពគឺផ្តល់ព័ត៌មានពិតប្រាកដ តាមរយៈការទាក់ទង និងដកស្រង់ប្រភពត្រឹមត្រូវ។ យើងមិនអាចពឹង ឬចាំចម្លងព័ត៌មានតៗគ្នានៅលើ Google នោះឡើយ។ Google ផ្តល់ព័ត៌មានសំបូរបែប ប៉ុន្តែខ្ញុំហ៊ាននិយាយថា ៨០ភាគរយ គឺខុស និងបំភ្លើស»។
លោក Yann ដែលធ្លាប់បានបង្ហាត់បង្រៀនអ្នកកាសែតជើងចាស់មួយចំនួននៅកម្ពុជា ដូចជាលោក ប៉ែន បូណា លោក គី សុខលីម លោក ខ្វៃ អាទិត្យា និងលោក រស់ ឌីណា ជាដើមនោះ ក៏បានកត់សម្គាល់ផងដែរនូវការរីកចម្រើនសារព័ត៌មានផ្នែកសេដ្ឋកិច្ចនារយៈពេលប៉ុន្មានឆ្នាំចុងក្រោយនេះ។
លោកលើកឡើងថា បើទោះបីជាមានការផ្តល់ព័ត៌មានដ៏សំបូរបែបតាមបណ្តាញអ៊ីនធ័រណិតក៏ដោយ ប៉ុន្តែស្នាដៃរបស់អ្នកយកព័ត៌មានអាជីពនៅតែជាតម្រូវការចាំបាច់ ហើយកាសែតជំនាញសេដ្ឋកិច្ចដែលទទួលបានប្រាក់ចំណូលខ្ពស់នោះ មានដូចជា Wall Street Journal, Financial Times, The Economist និង Les Echos ជាដើម៕
© រក្សាសិទ្ធិដោយ thmeythmey.com
