ជាតិ
×![]()
ដោយ: ថ្មីៗ
ភ្នំពេញ៖ នាថ្ងៃទី២៤ នេះ រដ្ឋមន្ត្រីក្រសួងអប់រំ លោក ហង់ ជួនណារ៉ុនបានថ្លែងក្នុងពិធីបើកសន្និបាតអប់រំ យុវជន និងកីឡាប្រចាំឆ្នាំ ២០១៥ ថា កម្ពុជាមានសាលាមត្តេយ្យសិក្សា និងសាលារៀនចំណេះទូទៅទាំងរដ្ឋ និងឯកជនសរុបចំនួន ១២,៨៦៣។ ក្នុងនោះថ្នាក់មតេយ្យសិក្សាចំនួន ៣៦៧៨ សាលាបឋមសិក្សាចំនួន ៧៣៤៨ អនុវិទ្យាល័យចំនួន ១២៩៥ និងវិទ្យាល័យចំនួន ៥៤២ ។ នៅក្នុងពិធីសន្និបាតអប់រំនេះ មានការចូលរួមពីមន្ត្រីអប់រំ និងតំណាងភាគីពាក់ព័ន្ធជាង ១ពាន់នាក់ ។
លោករដ្ឋមន្ត្រីបានបន្ថែមថា សិស្សសរុបនៅគ្រប់ភូមិសិក្សាសាធារណៈ និងឯកជនពីមត្តេយ្យសិក្សា ដល់មធ្យមសិក្សាចំនួន ៣ ១១២ ៩៦៩ នាក់ ក្នុងសិស្សនារីចំនួន ១ ៥២០ ៣១១ ស្មើនឹង ៤៨,៨ភាគរយ។ ចំពោះគ្រឹះស្ថានសិក្សាវិញ មានចំនួន ១១០កន្លែង ក្នុងនោះរដ្ឋចំនួន ៤៣ និងឯកជនចំនួន ៤៧ ដែលមានទីតាំងតាមរាជធានី ខេត្តចំនួន ១៩តំបន់ ។
លោក ហង់ ជួនណារ៉ុន បន្តថា និស្សិតចាប់ពីថ្នាក់បរិញ្ញាបត្ររងដល់បណ្ឌិតមានចំនួន ២៤៩ ០៩២ នាក់ នារី ១០៣ ៦៦១នាក់ ស្មើនឹង៤១,៦ភាគរយ។ បើតាមលោករដ្ឋមន្ត្រី បុគ្គលិកអប់រំទូទាំងប្រទេសមានចំនួន ១១៣ ៩៨៦ នាក់ ក្នុងនោះស្រីមានចំនួន ៤៨ ៣៤២នាក់ ត្រូវជា ៤២,៤១ភាគរយ៕
© រក្សាសិទ្ធិដោយ thmeythmey.com
«ស្មើរនេះ», «ថ្មើរនេះ» និង«ថ្មារនេះ» មួយណាត្រូវ?
ភ្នំពេញ 4 ថ្ងៃ
