អន្តរជាតិ
ក្មេងស្រីឥណ្ឌាអាយុ ២ ឆ្នាំ បំបែកឯតទគ្គកម្មថ្នាក់ជាតិផ្នែកបាញ់ធ្នូ
×
ក្មេងស្រីឥណ្ឌាអាយុ ២ ឆ្នាំម្នាក់ បានបង្កើតកំណត់ត្រាជាតិថ្មីមួយ នៅក្នុងវិញ្ញាសារបាញ់ធ្នូដោយនាងបានក្លាយជាជនជាតិឥណ្ឌាវ័យក្មេងបំផុតក្នុងកំណត់ត្រាដែលអាចរកពិន្ទុបានច្រើនជាង ២០០ ពិន្ទុនៅក្នុងព្រឹត្តិការណ៍ប្រកួតជម្រុះផ្នែកបាញ់ធ្នូ នៅទូទាំងប្រទេស កាលពីដើមសប្ដាហ៍នេះ។ នេះបើយោងតាមការផ្សាយរបស់ BBC ។
កុមារី Dolly ShivaniCherukuri មកពីទីក្រុងVijaywadaភាគខាងត្បូងរដ្ឋ Andhra Pradesh មានអាយុ ២ ឆ្នាំ នឹងឈានចូល ៣ ឆ្នាំនៅសប្ដាហ៍ក្រោយនេះ។ Dollyបានបាញ់ព្រួញចំនួន ៣៦ក្នុងគោលដៅចម្ងាយ ៥ ម៉ែត្រ បន្ទាប់នាងត្រូវបាញ់ព្រួញចម្ងាយ ៧ ម៉ែត្រហើយនាងទទួលបានពិន្ទុសរុប ៣៨៨ដែលជាពិន្ទុមួយខ្ពស់ជាងគេបំផុតក្នុងចំណោមបេក្ខជនប្រកួត។
លទ្ធផលនៃការបាញ់ព្រួញរបស់នាងត្រូវបានគេបញ្ចូលទៅក្នុងសៀវភៅកំណត់ត្រាថ្នាក់ជាតិ របស់ប្រទេសឥណ្ឌា ដោយនាងបានក្លាយជាជនជាតិឥណ្ឌាវ័យក្មេងបំផុត ដែលមានជំនាញបាញ់ធ្នូ។ មន្ត្រីសមាគមបាញ់ធ្នូ gunjanAbrolរបស់ឥណ្ឌាបានប្រាប់ BBC ថា៖« យើងទាំងអស់គ្នាមានមោទនភាពចំពោះនាងហើយយើងមានការចាប់អារម្មណ៍ខ្លាំងណាស់»៕
© រក្សាសិទ្ធិដោយ thmeythmey.com