ជាតិ
Konrad-Adenauer-Stiftung ថា លោក ប៉ែន សមិទ្ធិ លើកកម្ពស់គុណភាពសារព័ត៌មាននៅកម្ពុជា
×![]()
ដោយ: លីម តុលា
ភ្នំពេញ៖ លោក ប៉ែន សមិទ្ធិ ប្រធានក្លឹបអ្នកកាសែតកម្ពុជា និងជានិពន្ធនាយកកាសែតរស្មីកម្ពុជាតាំងពីទសវត្សរ៍៩០មកទទួលមរណៈភាពកាលពីព្រឹកមិញដោយរោគាពាធ។ លោក ប៉ែន សមិទ្ធិ ត្រូវបានសហគមន៍អ្នកកាសែតនៅក្នុងប្រទេសកម្ពុជា តំបន់ និងពិភពលោកចាត់ទុកថា គឺជាស្មេរមួយរូបដ៏មានទេពកោសល្យអស្ចារ្យ។ លោកបានចំណាយពេលស្ទើរពេញមួយជីវិតដើម្បីសេរីភាពសារព័ត៌មាននៅកម្ពុជា។ 
Denis Schrey, តំណាងអង្គការអាល្លឺម៉ង Konrad-Adenauer-Stiftung ប្រចាំនៅក្នុងប្រទេស កម្ពុជា បាននិយាយថា លោក ប៉ែន សមិទ្ធិ បានដើរតួនាទីយ៉ាងសំខាន់ក្នុងការលើកកម្ពស់គុណភាព និងក្រមសីលធម៌សារព័ត៌មាននៅក្នុងប្រទេសកម្ពុជា។ «ការបាត់បង់លោក ប៉ែន សមិទ្ធិ ធ្វើអោយ កម្ពុជាបាត់បង់អ្នកតស៊ូមតិដ៏សំខាន់ម្នាក់សម្រាប់ប្រព័ន្ធផ្សព្វផ្សាយឯករាជ្យនៅក្នុងប្រទេសកម្ពុជា»។ នេះគឺជាលើកឡើងរបស់លោក Denis Schrey។
Denis Schrey បានបន្តទៀតថា កម្ពុជាបានបាត់បង់មនុស្សដ៏ល្អម្នាក់ និងជាឪពុកដ៏ល្អម្នាក់។ សម្រាប់លោក Denis Schrey លោក ប៉ែន សមិទ្ធិ បានចំណាយពេលស្ទើរពេញមួយជីវិតក្នុងអាជីពជាអ្នកកាសែត។ លោកបានដើរតួនាទីដ៏សំខាន់ក្នុងការសម្របសម្រួលរវាងបណ្តាញព័ត៌មានក្នុងបរិបទនយោបាយមួយដែលមិនមែនសាមញ្ញធម្មតា។
លោក Pierre Gillette អតីនិពន្ធនាយកកាសែតបារាំង Cambodge Soir ក្នុងទសវត្សរ៍ឆ្នាំ៩០ និងឆ្នាំ២០០០ បានសម្តែងការសោកស្តាយជាពន់ពេកចំពោះមរណៈភាពលោក ប៉ែន សមិទ្ធិ។ លោក Pierre Gillette សរសេរនៅក្នុង Account Face Book របស់លោកថា លោកសូមគោរពចំពោះកម្រិតជំនាញវិជ្ជាជីវៈសារព័ត៌មានរបស់លោក ប៉ែន សមិទ្ធិ។
លោក គី សុខលីម អគ្គនាយកនៃសារព័ត៌មានអេឡិចត្រូវនិកថ្មីៗបានអត្ថាធិប្បាយថា លោក ប៉ែន សមិទ្ធិ គឺជាអ្នកកាសែតមួយរូបដែលគួរអោយគោរពជាទីបំផុត ពីព្រោះលោកមានចំណេះដឹងជំនាញសារព័ត៌មានពិតប្រាកដ និងមានបទពិសោធន៍សង្គមគួរជាទីកោតសរសើរ។
លោក ប៉ែន សមិទ្ធិ ត្រូវបានគេស្គាល់ថា គឺជាស្មេរមួយរូបដ៏ប៉ិនប្រសប់។ បទវិភាគ និងគំនិតវិភាគរបស់លោកមានលក្ខណៈស៊ីជម្រៅ និងគ្រប់ជ្រុងជ្រោយ។ លោក បានចំណាយពេលស្ទើរមួយជីវិតធ្វើជាអ្នកកាសែត។ លោកបានលាចាកលោកកាលពីព្រឹកមិញក្នុងអាយុ៥៤ឆ្នាំ។ លោក ប៉ែន សមិទ្ធិ បានបំពេញការងារជាអ្នកសារព័ត៌មានអោយកាសែតភ្នំពេញពីឆ្នាំ១៩៨០ ដល់ឆ្នាំ១៩៩៣ ។ ពីឆ្នាំ១៩៩៣ ដល់ឆ្នាំ២០១៥ លោកជានិពន្ធនាយកកាសែតរស្មីកម្ពុជា និងជាម្ចាស់គេហទំព័រព័ត៌មាន CEN។ ពីឆ្នាំ២០០០ដល់ឆ្នាំ២០១៥ លោកគឺជាស្ថាបនិក និងជាប្រធានក្លឹបអ្នកកាសែតកម្ពុជា៕
Denis Schrey, តំណាងអង្គការអាល្លឺម៉ង Konrad-Adenauer-Stiftung ប្រចាំនៅក្នុងប្រទេស កម្ពុជា បាននិយាយថា លោក ប៉ែន សមិទ្ធិ បានដើរតួនាទីយ៉ាងសំខាន់ក្នុងការលើកកម្ពស់គុណភាព និងក្រមសីលធម៌សារព័ត៌មាននៅក្នុងប្រទេសកម្ពុជា។ «ការបាត់បង់លោក ប៉ែន សមិទ្ធិ ធ្វើអោយ កម្ពុជាបាត់បង់អ្នកតស៊ូមតិដ៏សំខាន់ម្នាក់សម្រាប់ប្រព័ន្ធផ្សព្វផ្សាយឯករាជ្យនៅក្នុងប្រទេសកម្ពុជា»។ នេះគឺជាលើកឡើងរបស់លោក Denis Schrey។
Denis Schrey បានបន្តទៀតថា កម្ពុជាបានបាត់បង់មនុស្សដ៏ល្អម្នាក់ និងជាឪពុកដ៏ល្អម្នាក់។ សម្រាប់លោក Denis Schrey លោក ប៉ែន សមិទ្ធិ បានចំណាយពេលស្ទើរពេញមួយជីវិតក្នុងអាជីពជាអ្នកកាសែត។ លោកបានដើរតួនាទីដ៏សំខាន់ក្នុងការសម្របសម្រួលរវាងបណ្តាញព័ត៌មានក្នុងបរិបទនយោបាយមួយដែលមិនមែនសាមញ្ញធម្មតា។
លោក Pierre Gillette អតីនិពន្ធនាយកកាសែតបារាំង Cambodge Soir ក្នុងទសវត្សរ៍ឆ្នាំ៩០ និងឆ្នាំ២០០០ បានសម្តែងការសោកស្តាយជាពន់ពេកចំពោះមរណៈភាពលោក ប៉ែន សមិទ្ធិ។ លោក Pierre Gillette សរសេរនៅក្នុង Account Face Book របស់លោកថា លោកសូមគោរពចំពោះកម្រិតជំនាញវិជ្ជាជីវៈសារព័ត៌មានរបស់លោក ប៉ែន សមិទ្ធិ។
លោក គី សុខលីម អគ្គនាយកនៃសារព័ត៌មានអេឡិចត្រូវនិកថ្មីៗបានអត្ថាធិប្បាយថា លោក ប៉ែន សមិទ្ធិ គឺជាអ្នកកាសែតមួយរូបដែលគួរអោយគោរពជាទីបំផុត ពីព្រោះលោកមានចំណេះដឹងជំនាញសារព័ត៌មានពិតប្រាកដ និងមានបទពិសោធន៍សង្គមគួរជាទីកោតសរសើរ។
លោក ប៉ែន សមិទ្ធិ ត្រូវបានគេស្គាល់ថា គឺជាស្មេរមួយរូបដ៏ប៉ិនប្រសប់។ បទវិភាគ និងគំនិតវិភាគរបស់លោកមានលក្ខណៈស៊ីជម្រៅ និងគ្រប់ជ្រុងជ្រោយ។ លោក បានចំណាយពេលស្ទើរមួយជីវិតធ្វើជាអ្នកកាសែត។ លោកបានលាចាកលោកកាលពីព្រឹកមិញក្នុងអាយុ៥៤ឆ្នាំ។ លោក ប៉ែន សមិទ្ធិ បានបំពេញការងារជាអ្នកសារព័ត៌មានអោយកាសែតភ្នំពេញពីឆ្នាំ១៩៨០ ដល់ឆ្នាំ១៩៩៣ ។ ពីឆ្នាំ១៩៩៣ ដល់ឆ្នាំ២០១៥ លោកជានិពន្ធនាយកកាសែតរស្មីកម្ពុជា និងជាម្ចាស់គេហទំព័រព័ត៌មាន CEN។ ពីឆ្នាំ២០០០ដល់ឆ្នាំ២០១៥ លោកគឺជាស្ថាបនិក និងជាប្រធានក្លឹបអ្នកកាសែតកម្ពុជា៕
© រក្សាសិទ្ធិដោយ thmeythmey.com
