ជាតិ
លោកហ៊ុន សែន៖ ខ្ញុំមិនចង់ឲ្យគេថាអាងខ្លួនជានាយករដ្ឋមន្ត្រី យកកូនគេដាក់គុក
×![]()
ដោយ: ខន ចំប៉ា
ថ្លែងនៅក្នុងពិធីសម្ពោធស្ពានអ្នកលឿងនៅថ្ងៃចន្ទនេះ លោកនាយករដ្ឋមន្ត្រី ហ៊ុន សែន បានស្នើឲ្យតុលាការកាត់ទោស ស្ត្រីដែលបានបើករថយន្តបុកអង្គរក្ស និងរបងផ្ទះរបស់លោកតាមផ្លូវច្បាប់ ប៉ុន្តែអនុញាតឲ្យក្រៅឃុំ ក្រោមការត្រួតពិនិត្យរបស់តុលាការ កុំឲ្យគេថាឬអាងខ្លួនជានាយករដ្ឋមន្ត្រី យកកូនគេទៅដាក់គុក។
មានសំឡេង
លោក ហ៊ុន សែន បានលើកឡើងទៀតថា៖នេះសំណាងហើយ នៅពេលបើកបុកអង្គរក្ស និងរបងផ្ទះរបស់លោក អង្គរក្សគេមិនបាញ់សម្លាប់ ព្រោះឥឡូវនេះ បញ្ហាឡានដាក់គ្រាប់បែកអត្តឃាតមានច្រើនណាស់ ហើយកាលពីប៉ុន្មានខែមុន នៅសេតវិមានរបស់អាមេរិក គ្រាន់តែបើករថយន្ត ប៉ូលិសឃាត់មិនស្តាប់គេបាញ់សម្លាប់ចោលតែម្តង។
សូមរំលឹកផងដែរថា កញ្ញា អ៊ុង កុលហ្សានិច ត្រូវបាននគរបាលចរាចរណ៍ផ្លូវគោកឃាត់ខ្លួនកាលពីម៉ោង២:១០នាទីទៀបភ្លឺ ឆ្លងចូលថ្ងៃទី១ខែមេសា បន្ទាប់ពីបើករថយន្តបុកអង្គរក្ស និងរបងផ្ទះលោកនាយករដ្ឋមន្ត្រី ហ៊ុន សែន។ កញ្ញា អ៊ុង កុលហ្សានិច ត្រូវបានបញ្ជូនខ្លួនទៅកាន់សាលាដំបូងរាជធានីភ្នំពេញ កាលពីថ្ងៃទី២ ខែមេសា កន្លងទៅ ក្រោមបទចោទចំនួន៣ រួមមាន«បើកបរក្នុងស្ថានភាពស្រវឹង ធ្វើឲ្យខូចខាតទ្រព្យសម្បត្តិសាធារណៈ និងបង្ករបួសស្នាម» ៕
© រក្សាសិទ្ធិដោយ thmeythmey.com
«ស្មើរនេះ», «ថ្មើរនេះ» និង«ថ្មារនេះ» មួយណាត្រូវ?
ភ្នំពេញ 17 ម៉ោង
