ជាតិ
នយោបាយជាតិ
លោក អេង ឆៃអ៊ាង ថ្កោលទោសការលួចដុតខ្លោងទ្វារអង្គរសង្រ្កាន្ត លោក អេង ឆៃអ៊ាង អ្នកតំណាងរាស្ត្រគណបក្សសង្គ្រោះជាតិ
× តំណាងរាស្ត្រគណបក្សសង្គ្រោះជាតិ លោក អេង ឆៃអ៊ាង បានថ្លែងថ្កោលទោសការលួចដុតខ្លោងទ្វារសង្ក្រាន្ត ដែលបានកើតឡើងនៅយប់ថ្ងៃទី៦ចូលថ្ងៃទី៧មេសានេះ។ មន្ត្រីជាន់ខ្ពស់គណបក្សសង្គ្រោះជាតិដែលបានរិះគន់រចនាបថនៃខ្លោងទ្វារអង្គរសង្ក្រាន្តតាមរយៈគណនីហ្វេសប៊ុករបស់លោកនោះ បានថ្លែងប្រាប់សារព័ត៌មានថ្មីៗនៅព្រឹកថ្ងៃទី៧មេសានេះ ថាលោកសោកស្តាយចំពោះការលួចដុតខ្លោងគ្រោងខ្លោងទ្វារអង្គរសង្រ្កាន្តនេះ។
«បើយើងមិនសប្បាយចិត្តចំពោះទិដ្ឋភាពណាក៏ដោយ យើងគ្រាន់តែឲ្យយោបល់ទៅគេ ឲ្យគេកែសម្រួលទៅបានហើយ។ ទង្វើលួចដុតបែបនេះ ខ្ញុំមិនគាំទ្រឡើយ»។ នេះជាការអត្ថាធិប្បាយរបស់លោក អេង ឆៃអ៊ាង។
ទោះយ៉ាងក៏ដោយ អ្នកតំណាងរាស្ត្រគណបក្សប្រឆាំងរូបនេះមិនបានចាត់ទុកឧបទ្ទវហេតុឆេះខ្លោងទ្វារអង្គរសង្ក្រាន្តដ៏ចម្រូងចម្រាស ថាជាហេតុការណ៍ធ្ងន់ធ្ងរដែលអាចធ្វើឲ្យប៉ះពាល់ដល់ចំនួនអ្នកទេសចរក្នុងពិធីចូលឆ្នាំខ្មែរខាងមុខនោះទេ។ ប៉ុន្តែលោក អេង ឆៃអ៊ាង ស្នើឲ្យអាជ្ញាធរបើកការស៊ើបអង្កេតត្រឹមត្រូវ មានតម្លាភាព ក្នុងការស្វែងរកជនល្មើសក្នុងហេតុការណ៍នេះ៕
© រក្សាសិទ្ធិដោយ thmeythmey.com