ជាតិ
សង្គមជាតិ
Guinnessនឹងប្រកាសលទ្ធផលនំអន្សមយក្សនៅម៉ោង៥ល្ងាចនេះមុខលានជល់ដំរី
× សៀមរាប៖ តំណាងសមាគមចុងភៅកម្ពុជា បានឲ្យដឹងថា ក្បួនដង្ហែនំអន្សមយក្ស នឹងចាកចេញពីកន្លែងចំអិន ឆ្ពោះទៅកន្លែងតាំងបង្ហាញនៅម៉ោង២រសៀលនេះ។ តាមការបញ្ជាក់ពីប្រភពដដែល លទ្ធផលនៃការស្នើដាក់នំអន្សមយក្សក្នុងកំណត់ត្រាពិភពលោក នឹងត្រូវប្រកាសនៅល្ងាចនេះ ម៉ោងប្រមាណ៥ នៅមុខលានជល់ដំរី។
ការត្រួតពិនិត្យគុណភាព និងការថ្លឹងនំអន្សមយក្ស ដែលមានអ្នកស្រី Seyda Subasi Gamici តំណាងក្រុមការងាររបស់ Guinness World Records បានបិទបញ្ចប់ហើយនៅព្រឹកមិញនេះ។ យ៉ាងណា លទ្ធផលពិតប្រាកដ នៃការបំបែកឯតទគ្គកម្មពិភពលោក មិនទាន់ប្រកាសនៅឡើយទេ ដោយរង់ចាំរហូតដល់ល្ងាចនេះ។ តាមការបង្ហើប ឲ្យពេលឆ្អិត នំអន្សមយក្ស បានកើនមាឌលើសពីការកំណត់ គឺរហូតដល់ជាង៤តោន។ នេះបើតាមការបញ្ជាក់របស់លោក ឡុង បូរ៉ា អនុប្រធានសមាគមចុងភៅកម្ពុជា៕
© រក្សាសិទ្ធិដោយ thmeythmey.com