លោក ហ៊ុន ម៉ានី៖ គ្មានពាក្យដែលមានន័យស្មើមោទនភាពខ្ញុំចំពោះការប្រឹងប្រែងរបស់យុវជនខ្មែរ

ជាតិ

បទយកការណ៍ / បទសម្ភាសន៍

សង្គមជាតិ

លោក ហ៊ុន ម៉ានី៖ គ្មានពាក្យដែលមានន័យស្មើមោទនភាពខ្ញុំចំពោះការប្រឹងប្រែងរបស់យុវជនខ្មែរ

13, Apr 2015 , 5:59 pm

រូបភាព

លោក ហ៊ុន ម៉ានី ប្រធានសហភាពសហព័ន្ធយុវជនកម្ពុជា ផ្តល់បទសម្ភាសន៍ដល់សារព័ត៌មានថ្មីៗនៅក្បែរប្រសាទបាយ័ននៅរសៀលថ្ងៃចន្ទទី១៣មេសា

ដោយ: លាង ដឺលុច (Leang Delux)

សៀមរាប៖ មុនពិធីសម្ពោធព្រឹត្តិការណ៍អង្គរសង្ក្រាន្ត លោក ហ៊ុន ម៉ានី ប្រធានសហភាពសហព័ន្ធយុវជនកម្ពុជា កំពុងត្រួតពិនិត្យរាល់កម្មវិធីដែលត្រូវដំណើរក្នុងរយៈពេល៣ថ្ងៃ នៅទល់មុខប្រសាទអង្គរវត្ត និងពិសេសនៅក្បែរប្រាសាទបាយ័ន និងលានជល់ដំរី។ នៅក្នុងបទសម្ភាសន៍ជាមួយសារព័ត៌មានថ្មីៗនៅរសៀលថ្ងៃចន្ទទី១៣មេសានេះ លោក ហ៊ុន ម៉ានី បានអះអាងថារាល់កម្មវិធី និងសកម្មភាពទាំងអស់ត្រូវបានរៀបចំរួចជាស្រេចតាមការគ្រោងទុកសម្រាប់ពិធីសម្ពោធជាផ្លូវការនៅព្រឹកថ្ងៃអង្គារទី១៤ ដោយលោកនាយករដ្ឋមន្ត្រី ហ៊ុន សែន។ លោក ហ៊ុន ម៉ានី បានសំដែងការសប្បាយចិត្ត និងបង្ហាញមោទនភាពចំពោះយុវជនកម្ពុជាដែលជាអ្នករៀបចំកម្មវិធីថ្នាក់ជាតិបានសម្រេចតាមការគ្រោងទុក។