ជាតិ
ពីនេះ ពីនោះ
ផែនដីមិនដែលអួតក្អេងក្អាងថា ខ្លួនឯងវិសេសវិសាលឡើយ
× អត្ថបទដកស្រង់ចេញពីសៀវភៅ ខុង ជឺ ដែលប្រែសម្រួលដោយលោកគឹម ចាន់ណា និងរក្សាសិទ្ធិដោយគ្រឹះស្ថានបោះពុម្ពផ្សាយ Minds Book ។
ជឺ កុង សួរ ខុង ជឺ ថា៖ «ខ្ញុំអាចដាក់ខ្លួនឲ្យទាបជាងអ្នកដទៃបាន ប៉ុន្តែខ្ញុំនៅតែមិនយល់អំពីអត្ថន័យពិតអំពីការដាក់ខ្លួននេះនៅឡើយទេ។ តើលោកគ្រូជួយអធិប្បាយឲ្យខ្ញុំបានយល់ច្បាស់បន្តិចទេ»?
ខុង ជឺ ឆ្លើយ៖«គឺប្រៀបដូចផែនដីដូច្នោះដែរ។ ឯងយល់ស្របដែរឬទេថា ផែនដីស្ថិតនៅទាបជាងវត្ថុផងទាំងពួង ប៉ុន្តែបើជីកឲ្យជ្រៅចុះទៅ ក៏នឹងមានទឹកថ្លាឆ្វង់ហូរចេញមក។ បើសាបព្រោះគ្រាប់ធញ្ញជាតិទៅ វាក៏នឹងដុះលូតលាស់។ ដើមឈើព្រៃ ក៏ចម្រើនលូតលាស់។ បក្សាបក្សីក៏នាក់អាស្រ័យកើតកូនពូនចៅ។ សព្វសត្វមានជីវិតសុទ្ធតែកើតឡើងដោយសារផែនដី។ សេចក្តីស្លាប់ទាំងពួងសុទ្ធតែប្រគល់ទៅផែនដី។ ផែនដីទ្រាំទ្របានទាំងអស់ ចិញ្ចឹមសព្វសត្វដោយមិនរអ៊ូរទាំ ឬអួតក្អេងក្អាងអ្វីឡើយ។ អធិប្បាយបែបនេះ ឯងប្រហែលជាយល់បានហើយមែនទេ»?
© រក្សាសិទ្ធិដោយ thmeythmey.com