របួសអ្នកម្នាង អ៊ុក ផល្លា ត្រូវការពេលព្យាបាលយ៉ាងតិចមួយឆ្នាំ

ជាតិ

របួសអ្នកម្នាង អ៊ុក ផល្លា ត្រូវការពេលព្យាបាលយ៉ាងតិចមួយឆ្នាំ

05, May 2015 , 11:35 am

រូបភាព

ដោយ: ធឿន បញ្ញាឬទិ្ធ

ក្រោយពីទទួលបានការវះកាត់ជាលើកទី២ ត្រង់បញ្ហាឆ្អឹងកញ្ចឹងកដោយជោគជ័យរួចមក អ្នកម្នាង អ៊ុក ផល្លា ត្រូវការរយៈពេលយ៉ាងតិចមួយឆ្នាំ ដើម្បីសម្រាកព្យាបាលបញ្ហាផ្នែករបួសឲ្យបានជាសះស្បើយ។ នេះបើតាមលោក ញ៉េប ប៊ុនជិន អ្នកនាំពាក្យគណបក្សហ្វ៊ុនស៊ិនប៉ិច។

ថ្លែងប្រាប់សារព័ត៌មានថ្មីៗនៅថ្ងៃអង្គារនេះ លោក ញ៉េប ប៊ុនជិន មានប្រសាសន៍ថា បញ្ហារបួសត្រង់ផ្នែកកញ្ចឹងករបស់អ្នកម្នាង ផល្លានាពេលនេះ មិនទាន់ងាកកម្រើកបាននោះទេ។ «សុខភាពអ្នកម្នាងបានស្រួលបួលហើយ។ តែរបួសត្រង់កញ្ចឹងក ផ្នែកឆ្អឹងបានវះកាត់ជោគជ័យ ប៉ុន្ដែមិនទាន់អាចងាកបានទេ។ បើតាមគ្រូពេទ្យរបួសអ្នកម្នាង ត្រូវការពេលយ៉ាងតិចមួយឆ្នាំ ដើម្បីបន្ដព្យាបាលរបួស និងទាំងបញ្ហាផ្លូវចិត្ត »។ នេះបើតាមការបញ្ជាក់របស់លោក ញ៉េប ប៊ុនជិន។

អ្នកនាំពាក្យរូបនេះ ក៏មិនទាន់អាចបញ្ជាក់បានថា ព្រះអង្គម្ចាស់ រណឫទ្ធិ និងអ្នកម្នាង អ៊ុក ផល្លា នឹងត្រឡប់មកកាន់ប្រទេសកម្ពុជាវិញនៅពេលណាឡើយ។

គួរបញ្ជាក់ថា អ្នកម្នាង អ៊ុក ផល្លា ត្រូវបានបញ្ជូនទៅព្យាបាល នៅមន្ទីរពេទ្យក្នុងទីក្រុងបាងកក ប្រទេសថៃ ក្រោយពីជួបហេតុការណ៍គ្រោះថ្នាក់ចរាចរណ៍ កាលពីថ្ងៃទី ២៥ មេសាកន្លងទៅ៕

តើពាក្យ «សិទ្ធិ, សិទ្ធ» ប្រើខុសគ្នាដូចម្តេច?

9 ម៉ោង

ផ្សារដើមគរថ្មី លើផ្ទៃដី៣០ហិកតា ត្រូវបានដាក់ដំណើរការជាផ្លូវការហើយ

1 សប្តាហ៍

«ស្មើរនេះ», «ថ្មើរនេះ» និង«ថ្មារនេះ» មួយណាត្រូវ?

ភ្នំពេញ 2 ថ្ងៃ

តើពាក្យងារជា «សម្តេច» មានន័យដូចម្តេច?

4 ថ្ងៃ

រោងចក្រដំឡើងរថយន្តរបស់ក្រុមហ៊ុនជប៉ុនមួយទៀត បើកដំណើរការនៅកម្ពុជា

3 ថ្ងៃ

អត្ថបទពេញនិយមបន្ថែម