ជាតិ
នយោបាយជាតិ
លោក អ៊ឹម សួស្តី ត្រូវបានតែងតាំងជាទីប្រឹក្សារដ្ឋាភិបាលមានឋានៈស្មើឧបនាយករដ្ឋមន្ត្រី
×![]()
ព្រះមហាក្សត្រកម្ពុជា បានចេញព្រះរាជក្រឹត្យតែងតាំងអតីតមន្ត្រីជាន់ខ្ពស់របស់គណៈកម្មាធិការជាតិរៀបចំការបោះឆ្នោតចំនួន ៥ រូប ឲ្យមានតួនាទីជាទីប្រឹក្សារដ្ឋាភិបាល ដែលមានឋានៈស្មើឧបនាយករដ្ឋមន្ត្រី និងរដ្ឋមន្ត្រី ។
បើតាមព្រះរាជក្រឹត្យចុះថ្ងៃទី ១១ ខែមេសា ឆ្នាំ ២០១៥ មន្ត្រីជាន់ខ្ពស់គ.ជ.ប ទាំង ៥ រូបនោះ មានដូចជា លោក អ៊ឹម សួស្តី អតីតប្រធានគ.ជ.ប ត្រូវតែងតាំងជាទីប្រឹក្សារដ្ឋាភិបាល មានឋានៈស្មើឧបនាយករដ្ឋមន្ត្រី លោកស្រី ស៊ីន ជុំបូ អតីតអនុប្រធានគ.ជ.ប តែងតាំងជាទីប្រឹក្សារដ្ឋាភិបាល មានឋានៈស្មើរដ្ឋមន្ត្រី លោក ហាវ៉ាណ ស៊ីវិល័យ លោក ស៊ិន ឌឹម លោក សោ សុភរី អតីតសមាជិកគ.ជ.ប តែងតាំងទីប្រឹក្សារដ្ឋាភិបាល មានឋានៈស្មើរដ្ឋមន្ត្រី ។
សូមបញ្ជាក់ថា ពីឆ្នាំ១៩៩៨ ដល់ ឆ្នាំ ២០០២ លោក អ៊ឹម សួស្តី កាន់តំណែងជាអគ្គលេខាធិការគ.ជ.ប ហើយចាប់តាំងពីឆ្នាំ ២០០២ ដល់ដើមខែមេសា ឆ្នាំ ២០១៥ លោកកាន់តំណែងជាប្រធានគ.ជ.ប ។ រីឯអ្នកស្រី ស៊ិន ជុំបូ កាន់តំណែងជាសមាជិកគ.ជ.ប ពីឆ្នាំ ២០០២ ដល់ ២០០៦ ហើយចាប់ពីឆ្នាំ ២០០៦ ដល់ដើមខែមេសា ឆ្នាំ ២០១៥ ធ្វើជាអនុប្រធានគ.ជ.ប ។
ចំណែក លោក ហាវ៉ាណ ស៊ីវិល័យ ធ្វើជាសមាជិកគ.ជ.ប ពីឆ្នាំ ២០០៦ ដល់ដើមខែមេសា ឆ្នាំ ២០១៥ លោក ស៊ិន ឌឹម ធ្វើជាសមាជិកគ.ជ.ប ពីឆ្នាំ ២០១២ ដល់ដើមខែមេសា ឆ្នាំ ២០១៥ និងលោក សោ សុភរី ធ្វើជាសមាជិកគ.ជ.ប ពីឆ្នាំ ២០០៨ ដល់ដើមខែមេសា ឆ្នាំ ២០១៥ ៕
© រក្សាសិទ្ធិដោយ thmeythmey.com
«ស្មើរនេះ», «ថ្មើរនេះ» និង«ថ្មារនេះ» មួយណាត្រូវ?
ភ្នំពេញ 20 ម៉ោង
