ជាតិ
ប្រធានរដ្ឋសភាកូរ៉េខាងត្បូង នឹងមកបំពេញទស្សនកិច្ច៤ថ្ងៃនៅកម្ពុជា
×
ប្រធានរដ្ឋសភានៃសាធារណរដ្ឋកូរ៉េ លោក ជុង អូយ វ៉ា(Chung Ui-Hwa)នឹងដឹកនាំគណៈប្រតិភូមកបំពេញទស្សនកិច្ចនៅកម្ពុជារយៈពេល៤ថ្ងៃ គឺចាប់ពីថ្ងៃទី១០ ដល់ទី១៣ខែឧសភា ខាងមុខ។
យោងតាមសេចក្តីប្រកាសព័ត៌មានរបស់អគ្គលេខាធិការដ្ឋានរដ្ឋសភា នៅក្នុងកំឡុងនៃដំណើរទស្សនកិច្ចរយៈពេល៤ថ្ងៃ នោះ ប្រធានរដ្ឋសភានៃសាធារណរដ្ឋកូរ៉េ នឹងជួបចរចារទ្វេភាគីជាមួយលោក ហេង សំរិន ប្រធានរដ្ឋសភា លោក សាយ ឈុំ ប្រធានស្តីទីព្រឹទ្ធសភា និងលោក នាយករដ្ឋមន្ត្រីហ៊ុន សែន ។
សេចក្តីប្រកាសព័ត៌មានដដែល ក៏បានឲ្យដឹងទៀតថា លោក ជុង អូយ វ៉ា ក៏នឹងធ្វើទស្សនកិច្ចនៅមជ្ឈមណ្ឌលគាំពារមាតា និងទារក អញ្ជើញទៅទស្សនាប្រាសាទអង្គរវត្ត
នៅក្រុងសៀមរាប ចូលរួមក្នុងពិធីបើកមជ្ឈមណ្ឌលភ្នែកមិត្តភាពកម្ពុជា-កូរ៉េ នៅមន្ទីរពេទ្យព្រះអង្គឌួង ក្នុងរាជធានីភ្នំពេញ ព្រមទាំងទៅទស្សនាសារមន្ទីរប្រល័យពូជសាសន៍ទួលស្លែង និងវាលពិឃាតជើងឯកផងដែរ៕
© រក្សាសិទ្ធិដោយ thmeythmey.com