ជាតិ
សង្គមជាតិ
EUចំណាយ១០លានអឺរ៉ូក្នុងគម្រោងអាហារូបករណ៍ដល់ប្រទេសចំនួន៤ក្នុងអាស៊ាន
× សហភាពអឺរ៉ុប ចំណាយ១០លានអឺរ៉ូ ដល់ប្រទេស៤ ក្នុងតំបន់អាស៊ានចំនួន ដើម្បីជួយនិស្សិតនៃប្រទេសទាំងនេះឲ្យបានបន្តការសិក្សានៅក្នុងប្រទេសនានានៅក្នុងសហភាពអឺរ៉ុប។ អាហារូបករណ៍នេះត្រូវបានធ្វើឡើងក្នុងក្របខណ្ឌនៃការពង្រឹងគុណភាព សិក្សាថ្នាក់ឧត្ដមសិក្សា ក្នុងតំបន់អាស៊ាន។ គម្រោងនេះបង្ហាញឡើងតាមរយៈវេទិកាមួយដែលរៀបចំឡើងសហភាពអ៊ឺរ៉ុប នៅវិទ្យាស្ថានជាតិអប់រំ ថ្ងៃទី៨ ខែឧសភា ២០១៥ ។
សហភាពអឺរ៉ុបបានចំណាយ១០លានអឺរ៉ូ ក្នុងការបង្កើតកម្មវិធីមួយ ដែលមានឈ្មោះថា Share EU។ កម្មវិធីនេះ បានចែករំលែក ដោយការផ្ដល់ឱកាសអោយ និស្សិតនៅប្រទេសក្នុងតំបន់អាស៊ាន ចំនួន៤រួមមាន កម្ពុជា ឡាវ វៀតណាត និងមីយ៉ាន់ម៉ា ដើម្បីពួកគេអាចទទួលបាន អាហារូបករណ៍ ទៅសិក្សាប្រទេសមួយចំនួននៅតំបន់អឺរ៉ុប ដូចជាប្រទេសអាល្លីម៉ង់ បារាំង អ៊ីតាលី អេស្បាញ និងចក្រភពអង់គ្លេស ជាដើម។
ទីប្រឹក្សាជាន់ខ្ពស់ផ្នែកអប់រំប្រចាំនៅប្រទេសអង់គ្លេស លោក John law បានលើកឡើងពីគោលបំណងសំខាន់ដែលEU បង្កើតអោយមានគម្រោង Share EU នេះឡើង នោះគឺដើម្បីចល័ត និស្សិតពីតំបន់អាស៊ាន ទៅបណ្ដាប្រទេសអ៊ឹរ៉ុប ដើម្បីពួកគេទទួលបានជំនាញ និងចែករំលែក ចំនេះ ដឹងអោយគ្នាទៅវិញទៅមករវាងបណ្ដាប្រទេសជាអាស៊ាន ទៅបណ្ដា ប្រទេស នៅសហភាព អឺរ៉ុប។
ក្នុងនោះដែរ ដើម្បីសម្រេចបាននិងកិច្ចការទាំងនេះ សហភាពអ៊ឺរ៉ុប បានដាក់ចេញ នូវទិសដៅ ចំនួន៤សំខាន់គឹ ទី១.សហភាពអឺរ៉ុប និង សហការជាមួយក្រុមបច្ចេកទេស ក្រសួងអប់រំនៅ ក្នុងប្រទេសដែលជាតំបន់អាស៊ានទាំង៤ ក្នុងការដោះស្រាយបញ្ហាប្រឈម នៅក្នុងប្រព័ន្ធអប់រំ នៅថ្នាក់ឧត្ដមសិក្សា។ ទី២.សហភាពអឹរ៉ុបរួមទាំង DAAD ដែលជាដៃគូរអភិវឌ្ឍ និងធ្វើកា រចែករំលែពីបទពិសោធ និងចំណេះ ដឹង ក្នុងស្ថាប័នសិក្សានៅក្នុងតំបន់អាស៊ាន។ ទី៣.សហភាព អឹរ៉ុបនិងព្យាយាមភ្ជាប់ប្រព័ន្ធ ត្រេនហ្វឺរ ក្រេឌីត ដើម្បីចល័តសិស្សិដែលសិក្សានៅក្នុងតំបន់ អាស៊ាន ទៅកាន់តំបន់នៅក្នុងសហភាពអឹរ៉ុប។ និងទី៤.សហភាពអឺរ៉ុមានគម្រោង ផ្ដល់អាហា រូបករណ៍ចំនួន ៥០០កន្លែង ដល់ ប្រទេសជាតំបន់ អាស៊ានជាដើម។
វេទិកានេះជាកម្មវិធីមួយក្នុងចំនោមកម្មវិធីស្រដៀងគ្នាជាច្រើន ដែលត្រូវបាន រៀបចំឡើងនៅបណ្ដាលប្រទេស ចំនួន១១ ក្នុងក្របខណ្ឌនៃគម្រោង”ពិព័ណ៌ឧត្ដមសិក្សា អ៊ឺរ៉ុប នៅអាស៊ី (EHEF)ដែលត្រូវបានឧបត្ថម្ភដោយសហភាពអឹរ៉ុប និងត្រូវបានអនុវត្តគម្រោងដោយS ICI Dominus ចាប់ពីឆ្នាំ២០១៤ ដល់ឆ្នាំ២០១៦ ។ សូមបញ្ជាក់ផងដែរថា គម្រោងផ្ដល់អាហាររូបករណ៍របស់ សហភាពអ៊ឹរ៉ុបដែលមានឈ្មោះShare EUនេះត្រូវបានប្រកាសជាផ្លូវការនៅប្រទេសឥណ្ឌូនេស៊ី កាលពីសប្ដាហ៍មុន៕
© រក្សាសិទ្ធិដោយ thmeythmey.com