ក្រុមអ្នកជិះកង់នៅសៀមរាបលះបង់ធនធានផ្ទាល់ខ្លួនបង្កើតព្រឹត្តិការណ៍ជួយដល់ពេទ្យគន្ធបុប្ផា

ជាតិ

បទយកការណ៍ / បទសម្ភាសន៍

ក្រុមអ្នកជិះកង់នៅសៀមរាបលះបង់ធនធានផ្ទាល់ខ្លួនបង្កើតព្រឹត្តិការណ៍ជួយដល់ពេទ្យគន្ធបុប្ផា

14, May 2015 , 1:31 pm

រូបភាព

ដោយ: អុីសា រ៉ហានី (Isa Rohany)

សៀមរាប៖ ក្លឹបអ្នកជិះកង់ដើម្បីសហគមន៍ ហៅកាត់ថា (CCC) ដែលគេស្គាល់ថាជាក្រុមយុវជន ដែលមានទឹកចិត្តស្រលាញ់បរិស្ថាន និងជួយសង្គម បានរៀបចំព្រឹត្តិការណ៍ជិះកង់ប្រចាំជាលើកទី២ ដើម្បីរកមូលនិធិជួយមន្ទីរពេទ្យគន្ធបុប្ផា ខេត្តសៀមរាប។ ក្រុមCCC ដែលគេដឹងថា ជាបុគ្គលិក ប្រធានក្រុមហ៊ុន និងម្ចាស់ហាងលក់ដូរដែរនោះ បានចំណាយនូវធនធានផ្ទាល់គ្រប់បែបយ៉ាង ដើម្បីរៀបចំកម្មវិធីមនុស្សធម៌ ជួយមន្ទីរពេទ្យគន្ធបុប្ផា។ ការជិះកង់ដើម្បីរកមូលនិធិជួយពេទ្យគន្ធបុប្ផា នឹងរៀបចំឡើងនៅថ្ងៃទី ២៤ ឧសភា ដែលមានអ្នកចូលរួមប្រមាណ៣០០នាក់ ហើយអ្នករៀបចំរំពឹងថា ពួកគេនឹងអាចរកថវិកាបានជាង៥ពាន់ដុល្លារ សម្រាប់ជួយមន្ទីរពេទ្យគន្ធបុប្ផានៅឆ្នាំទី២នេះ។

ខាងក្រោមនេះ ជាបទសម្ភាសន៍រវាងអ្នកសារព័ត៌មានថ្មីៗប្រចាំខេត្តសៀមរាប និងលោក គិម ប៊ុនថាន់ ប្រធានក្លឹបអ្នកជិះកង់ដើម្បីសហគមន៍ Cycling Community Club (CCC)។ តើ ព្រឹត្តិការណ៍ជិះកង់មានអ្វីប្លែកខ្លះ សូមអញ្ជើញស្តាប់៖