ជាតិ
នយោបាយជាតិ
លោក មាជ សុវណ្ណារ៉ា នឹងត្រូវចូលបំភ្លឺក្នុងសវនាការអង្គសេចក្ដីរកខុសត្រូវ
×![]()
ដោយ: ថ្មីៗ
លោក មាជ សុវណ្ណារ៉ា នឹងត្រូវចូលបំភ្លឺតាមដីការកោះហៅរបស់សាលាដំបូងរាជធានីភ្នំពេញ នៅថ្ងៃ១៩ ឧសភា ស្អែកនេះ ក្នុងសវនាការអង្គសេចក្ដីរកខុសត្រូវ ពាក់ព័ន្ធនឹងករណីហិង្សានៅជិតទីលានប្រជាធិបតេយ្យកាលពីថ្ងៃទី១៥ កក្កដា ឆ្នាំ២០១៤កន្លងទៅ។
ជុំវិញការកោះហៅនេះ កន្លងមកមេធាវីការពារក្ដីលោក មាជ សុវណ្ណារ៉ា ធ្លាប់ប្រាប់សារព័ត៌មានថ្មីៗថា ការកោះហៅរបស់តុលាការនាពេលនេះ គឺជាដំណើរការល្អដែលតុលាការបានពន្លឿនតាមនិតិវិធីរបស់ខ្លួន។ តែយ៉ាងណារូបលោក នៅតែអះអាងការពារកូនក្ដីលោកថា មិនបានប្រព្រឹត្តិខុសតាមការចោទប្រកាន់ឡើយ។
លោក មាជ សុវណ្ណារ៉ា និងសកម្មជនគណបក្សសង្គ្រោះជាតិ ចំនួន៤រូបផ្សេងទៀត ត្រូវបានតុលាការដោះលែងឲ្យនៅក្រៅឃុំបណ្ដោះអាសន្នកាលពីថ្ងៃទី ១៣ មេសា កន្លងទៅ។
គួរបញ្ជាក់ថា តំណាងរាស្ត្រគណបក្សសង្គ្រោះជាតិ ដែលត្រូវតុលាការកោះហៅឲ្យចូលបំភ្លឺជាថ្មីបន្តបន្ទាប់ ពាក់ព័ន្ធនឹងករណីហិង្សាកាលពីឆ្នាំមុនមានលោក កែវ ភិរម្យ លោក ម៉ែន សុថាវរិន្ទ លោក ហូរ វ៉ាន់ លោក រៀល ខេមរិន្ទ្រ លោក នុត រំដួល និងលោក ឡុង រី។ ហើយលោក កឹម សុខា ក៏ត្រូវបានកោះហៅសាកសួរក្នុងសំណុំរឿងនេះដែរ បន្ទាប់ពីលោកស្រី មូ សុខហួរ បានចូលបំភ្លឺតាមការកោះហៅ កាលពីថ្ងៃទី១១ ឧសភាកន្លងមក៕
© រក្សាសិទ្ធិដោយ thmeythmey.com
