ជាតិ
EDC ផ្អាកការផ្គត់ផ្គង់អគ្គិសនីនៅខណ្ឌចំនួន៣ នៅចុងសប្តាហ៍នេះ
× នៅថ្ងៃទី២៣ ឧសភានេះ អគ្គិសនីកម្ពុជានឹងផ្អាកការផ្គត់ផ្គង់អគ្គិសនី នៅខណ្ឌ៣ នៅក្នុងរាជធានីភ្នំពេញ គឺខណ្ឌមានជ័យ ខណ្ឌពោធិ៍សែនជ័យ ខណ្ឌច្បារអំពៅ។ នេះបើតាមសេចក្តីជូនដំណឹងរបស់អគ្គិសនីកម្ពុជា (EDC) កាលពីពេលថ្មីៗនេះ។
EDC ផ្អាកការផ្គត់ផ្គង់អគ្គិសនីនៅតំបន់ភ្លើងលេខប.ត១៦៤និងប.ត.៣៦៤ស្ថិតនៅក្នុងភូមិត្នោតសង្កាត់ស្ទឹងមានជ័យខណ្ឌមានជ័យតំបន់ភ្លើងលេខប.ត៤៣។ ក្នុងភូមិដំណាក់ត្រយឹងសង្កាត់ចោមចៅខណ្ឌពោធិ៍សែនជ័យតំបន់ភ្លើងមួយចំនួនដែលស្ថិតនៅភូមិដំណាក់ធំភូមិត្រពាំងថ្លឹងសង្កាត់ចោមចៅខណ្ឌពោធិ៍សែនជ័យ និងតំបន់ភ្លើងមួយចំនួនដែលស្ថិតនៅតាមបណ្តោយផ្លូវជាតិលេខ១ចាប់ពីសង្កាត់ច្បារអំពៅ១រហូតដល់សង្កាត់វាលស្បូវខណ្ឌច្បារអំពៅរាជធានីភ្នំពេញ។
សេចក្តីជូនដំណឹងបន្តថានៅថ្ងៃអាទិត្យទី២៤ខែឧសភា EDC នឹងផ្អាកការផ្គត់ផ្គង់អគ្គិសនីនៅតំបន់ភ្លើងលេខប.ត១៦៤និងប.ត.៣៦៤ស្ថិតនៅក្នុងភូមិត្នោតសង្កាត់ស្ទឹងមានជ័យខណ្ឌមានជ័យ។ តំបន់ភ្លើងមួយចំនួនដែលស្ថិតនៅតាមបណ្តោយផ្លូវជាតិលេខ៦A ចាប់ពីសង្កាត់ជ្រោយចង្វារ រហូតដល់សង្កាត់ព្រែកលៀបក្នុងខណ្ឌជ្រោយចង្វារ ។តំបន់ភ្លើងមួយចំនួនដែលស្ថិតនៅតាមបណ្តាយផ្លូវជាតិលេខ៤ ចាប់ពីភូមិអង្គកែវសង្កាត់ចោមចៅ រហូតដល់ភូមិថ្មដារក្នុងសង្កាត់កន្ទោក ខណ្ឌពោធិ៍សែនជ័យ និងតំបន់ភ្លើងមួយចំនួនដែលស្ថិតនៅតាមបណ្តោយផ្លូវជាតិលេខ១ចាប់ពីសង្កាត់ច្បារអំពៅ១រហូតដល់សង្កាត់វាលស្បូវខណ្ឌច្បារអំពៅរាជធានីភ្នំពេញ។
សេចក្តីជូនដំណឹងបានឲ្យដឹងថាការផ្អាកការផ្គត់ផ្គង់អគ្គិសនីនេះ គឺចាប់ពីម៉ោង៩ព្រឹកដល់ម៉ោង៥ល្ងាច ដើម្បីសម្រួលដល់ការអនុវត្តការងារជួលជុលផ្លាស់ប្តូរតម្លើងបរិក្ខារ និងរុះរើគន្លងខ្សែបណ្តាញ បង្កលក្ខណៈងាយស្រួលដល់ការដ្ឋានពង្រីកផ្លូវ៕
© រក្សាសិទ្ធិដោយ thmeythmey.com