អន្តរជាតិ
ក្រុមហ៊ុនមួយទារបំណុល១ពាន់ដុល្លារខុសមនុស្សត្រូវតុលាការបង្គាប់ឲ្យសងវិញជិត៨៣ លានដុល្លារ
×![]()
ដោយ: ថ្មីៗ
ទីភ្នាក់ងារនាំមុខការប្រមូលបំណុលមួយនៅសហរដ្ឋអាមេរិក ត្រូវតុលាការបង្គាប់ឲ្យសងប្រាក់គេវិញជិត ៨៣លានដុល្លារអាមេរិក ដោយសារតែក្រុមហ៊ុននេះច្រឡំទៅទារប្រាក់ពីស្ត្រីម្នាក់នៅរដ្ឋ Kansas ចំនួន ១០០០ ដុល្លារតែនាងមិនបានដឹងរឿងអ្វីនោះ។ នេះបើយោងតាមការផ្សាយរបស់កាសែត New York Daily News។
ប្រភពដដែលក៏បានផ្សាយថា អ្នកស្រី MariaGuadalupe Mejia អាយុ ៥១ ឆ្នាំ រស់នៅក្នុងរដ្ឋ Kansasសហរដ្ឋអាមេរិកបាននិយាយថានាងមានការភ័យខ្លាចជាខ្លាំងនៅពេលដែលទីភ្នាក់ងារប្រមូលបំណុល Portfolio Recovery Associates LLC បានបង្គាប់ឲ្យនាងសងប្រាក់ ១០០០ដុល្លារ។
អ្នកស្រី Mejia បានបញ្ជាក់ថា គាត់មិនបានខ្ចីលុយពីក្រុមហ៊ុនមួយនេះទេទោះបីជាស្វាមីរបស់គាត់និងគាត់ ជួបការលំបាកក្នុងការចិញ្ចឹមកូនក៏ដោយ។ អ្នកស្រីបានបន្ថែមថា៖«ខ្ញុំភ័យខ្លាចពួកគេនឹងរឹបអូសយកផ្ទះរបស់ខ្ញុំហើយខ្ញុំក៏ខ្លាចពួកគេចាប់ខ្ញុំយកទៅផងដែរ»។
តុលការនៅក្នុងតំបន់ Jackson County បានរកឃើញថាក្រុមហ៊ុនទារបំណុលមួយនេះ បានធ្វើសកម្មភាពព្យាបាទ អ្នកស្រីMejia ជាងមួយឆ្នាំ។ ប៉ុន្តែក្រុមហ៊ុនបានអះអាងថា ពួកគេមានការយល់ច្រឡំក្នុងការស្វែងរកមនុស្សម្នាក់ ដែលមានឈ្មោះស្រដៀងនឹងស្ត្រីម្នាក់នេះ។
ក្រោយពីស៊ើបអង្កេតក្នុងរឿងក្ដីនេះ តុលាការបានបញ្ជាឱ្យទីភ្នាក់ងារប្រមូលបំណុលមួយនេះ បង់ប្រាក់សំណងការខូចខាតចំនួន ៨២ ៩៩០ ០០០ ដុល្លារដល់ស្ត្រីរងគ្រោះ សម្រាប់ជាការព្រមាន ចំពោះបទល្មើសរំលោភលើច្បាប់និងការប្រមូលបំណុលដោយអយុត្តិធម៌ ។
អ្នកនាំពាក្យរបស់ទីភ្នាក់ងារប្រមូលបំណុលLLCលោក Michael McKeon បាននិយាយថាសាលក្រមនេះគឺចម្លែកណាស់ព្រោះលោកមិនដែលជួបប្រទះពីមុនមកព្រោះថាទំហំនៃការសងប្រាក់នេះគឺមិនយុត្តិធម៌សោះឡើយ៕
© រក្សាសិទ្ធិដោយ thmeythmey.com
