ជាតិ
សង្គមជាតិ
ក្លឹបអ្នកជិះកង់ប្រមូលថវិកាបានជាង៦ពាន់ដុល្លារអាមេរិកជួយពេទ្យគន្ធបុប្ផា
×![]()
សៀមរាប៖ បន្ទាប់ពីបញ្ចប់ព្រឹត្តិការណ៍ជិះកង់ ប្រមូលថវិកាជួយមន្ទីរពេទ្យគន្ធបុប្ផាកាលពីថ្ងៃទី២៤ ឧសភាម្សិលមិញ តួលេខចុងក្រោយបានបង្ហាញថា ថវិកាជាង៦ពាន់ដុល្លារ ដែលបានពីការជិះកង់របស់ក្រុមយុវជន។ ព្រឹត្តិការណ៍ជិះកង់ រកថវិកាជួយពេទ្យគន្ធបុប្ផា រៀបចំឡើងដោយក្លឹបអ្នកជិះកង់ដើម្បីសហគមន៍ ហៅកាត់ថា (CCC)។
ព្រឹត្តិការណ៍ជិះកង់រកមូលនិធិជួយមន្ទីរពេទ្យគន្ធបុប្ផាខេត្តសៀមរាបលើកទី២ បានបញ្ចប់ហើយកាលពីម្សិលមិញ។ តួរលេខបឋម ទឹកប្រាក់ជាង៦ពាន់ដុល្លារសហរដ្ឋអាមេរិក ដែលប្រមូលបានពីការជិះកង់របស់ក្រុមហ៊ុនចំនួន ៣៣០នាក់។
លោក គិម ប៊ុនថាន់ ប្រធានក្លឹបអ្នកជិះកង់ដើម្បីសហគមន៍បានឲ្យដឹងថា រហូតមកដល់ពេលនេះ ចំនួនទឹកប្រាក់ពិតប្រាកដមិនទាន់អាចកំណត់បានទេ ដោយរង់ចាំការកាត់កងចំណាយផ្សេងៗ ។ យ៉ាងណា ប្រធានក្លឹបរូបនេះបានបូកតួរលេខត្រួសៗ ដោយក្នុងនោះឃើញថា មានទឹកប្រាក់មិនតិចជាង៦ពាន់ដុល្លារទេ ដែលប្រមូលបានពីការជិះកង់។ លោក ប៊ុនថាន់ បញ្ជាក់ថា ចំនួននេះលើសពីការគ្រោងទុក ដែលដំបូងឡើយលោករំពឹងថានឹងមានថវិកាតែជាង៥ពាន់ប៉ុណ្ណោះ ចំពោះព្រឹត្តិការណ៍ជិះកង់នៅឆ្នាំនេះ។
គួររម្លឹកថា នេះជាឆ្នាំទី២ហើយ ដែលក្លឹបអ្នកជិះកង់ដើម្បីសហគមន៍រៀបចំព្រឹត្តិការណ៍ជិះកង់ដើម្បីជួយពេទ្យគន្ធបុប្ផា។ កាលពីឆ្នាំ២០១៤កន្លងទៅ ព្រឹត្តិការណ៍នេះបានរកថវិកាចំនួន ២៥៤៣ដុល្លារអាមេរិក ជួយដល់ពេទ្យគន្ធបុប្ផា។ ក្លឹបអ្នកជិះកង់ដើម្បីសហគមន៍ គ្រោងនឹងរៀបចំព្រឹត្តិការណ៍នេះជាលើកទី៣នៅឆ្នាំក្រោយ ហើយរំពឹងថា នឹងមានអ្នកចូលរួមច្រើនជាងឆ្នាំនេះ៕
ព្រឹត្តិការណ៍ជិះកង់រកមូលនិធិជួយមន្ទីរពេទ្យគន្ធបុប្ផាខេត្តសៀមរាបលើកទី២ បានបញ្ចប់ហើយកាលពីម្សិលមិញ។ តួរលេខបឋម ទឹកប្រាក់ជាង៦ពាន់ដុល្លារសហរដ្ឋអាមេរិក ដែលប្រមូលបានពីការជិះកង់របស់ក្រុមហ៊ុនចំនួន ៣៣០នាក់។
លោក គិម ប៊ុនថាន់ ប្រធានក្លឹបអ្នកជិះកង់ដើម្បីសហគមន៍បានឲ្យដឹងថា រហូតមកដល់ពេលនេះ ចំនួនទឹកប្រាក់ពិតប្រាកដមិនទាន់អាចកំណត់បានទេ ដោយរង់ចាំការកាត់កងចំណាយផ្សេងៗ ។ យ៉ាងណា ប្រធានក្លឹបរូបនេះបានបូកតួរលេខត្រួសៗ ដោយក្នុងនោះឃើញថា មានទឹកប្រាក់មិនតិចជាង៦ពាន់ដុល្លារទេ ដែលប្រមូលបានពីការជិះកង់។ លោក ប៊ុនថាន់ បញ្ជាក់ថា ចំនួននេះលើសពីការគ្រោងទុក ដែលដំបូងឡើយលោករំពឹងថានឹងមានថវិកាតែជាង៥ពាន់ប៉ុណ្ណោះ ចំពោះព្រឹត្តិការណ៍ជិះកង់នៅឆ្នាំនេះ។
គួររម្លឹកថា នេះជាឆ្នាំទី២ហើយ ដែលក្លឹបអ្នកជិះកង់ដើម្បីសហគមន៍រៀបចំព្រឹត្តិការណ៍ជិះកង់ដើម្បីជួយពេទ្យគន្ធបុប្ផា។ កាលពីឆ្នាំ២០១៤កន្លងទៅ ព្រឹត្តិការណ៍នេះបានរកថវិកាចំនួន ២៥៤៣ដុល្លារអាមេរិក ជួយដល់ពេទ្យគន្ធបុប្ផា។ ក្លឹបអ្នកជិះកង់ដើម្បីសហគមន៍ គ្រោងនឹងរៀបចំព្រឹត្តិការណ៍នេះជាលើកទី៣នៅឆ្នាំក្រោយ ហើយរំពឹងថា នឹងមានអ្នកចូលរួមច្រើនជាងឆ្នាំនេះ៕
© រក្សាសិទ្ធិដោយ thmeythmey.com
«នាំអាត» និង«នាំអាទិ៍»មួយណាត្រឹមត្រូវ?
1 សប្តាហ៍
