ជាតិ
សង្គមជាតិ
រូបភាព៖ អាជ្ញាធរជាតិអប្សរា
×![]()
សៀមរាប៖ នៅពេលដ៏ខ្លីខាងមុខនេះ កសិណអង្គរវត្តនឹងមានអាងចម្រោះទឹក ដើម្បីទប់ល្បាក់ដីខ្សាច់ ដែលហូរចាក់ទៅក្នុងកសិណ ហើយដែលអាចបង្កឲ្យកសិណអង្គររាក់ទៅ។ តាមគម្រោង អាងចម្រោះនេះ គ្រោងនឹងដាក់ឲ្យដំណើរការនៅដើមខែមិថុនាខាងមុខនេះ។
នាយកដ្ឋានគ្រប់គ្រប់គ្រងទឹកនៃអាជ្ញាធរជាតិអប្សរា បាននិងកំពុងរៀបចំអាងចម្រោះខ្សាច់ដ៏ធំមួយ ដើម្បីការពារភាពរីករាក់ នៃកសិណអង្គរវត្ត។ អាងចម្រោះនោះមានទំហំ ៩X៣៥ ម៉ែត្រ ហើយដែលអាចផ្ទុកដីខ្សាច់បានដល់ទៅ ៣៧០ម៉ែត្រគីប។
ក្នុងការចុះផ្សាយក្នុងទំព័រហ្វេសប៊ុករបស់ខ្លួន អាជ្ញាធរជាតិអប្សរាបានពន្យល់ថា អាងចម្រោះដីខ្សាច់ខាងលើនឹងអាចជួយទប់ខ្សាច់ រួមនិងកករធូលីផ្សេងៗ ដែលតែងហូរចូលក្នុងកសិណអង្គររៀងរាល់ឆ្នាំ ដែលជាហេតុធ្វើឲ្យកសិណឆាប់រាក់។ លោក ភឿង សុឃីម អនុប្រធាននាយកដ្ឋានគ្រប់គ្រងទឹកនៃអាជ្ញាធរជាតិអប្សរា បានបញ្ជាក់ថា ជារៀងរាល់ឆ្នាំមានល្បាក់ដីខ្សាច់ និងកករធូលីប្រហែលពី ២០ ទៅ២៥ ម៉ែត្រគីប ដែលហូរចាក់ចូលទៅក្នុងកសិណអង្គរវត្ត ដែលធ្វើឲ្យកសិណកាន់តែរាក់ និងធ្វើឲ្យទឹកមិនស្អាតជាដើម។
អាជ្ញាធរជាតិអប្សរា ដែលអះអាងថា ការកសាងអាងចម្រោះខ្សាច់នេះ ដើម្បីស្រោងស្រង់កសិណអង្គរវត្ត បានបញ្ជាក់ថា នៅសម័យដើមក៏មានអាងចម្រោះរបៀបនេះដែរ ដែលអាងនោះស្ថិតនៅច្រកបញ្ចូលទឹកបារាយណ៍ខាងលិច ដែលសព្វថ្ងៃហៅថា ត្រពាំងខ្យង ដែលមានតួនាទីធ្វើឲ្យទឹកថ្លាមុននឹងចាក់បញ្ចូលក្នុងបារាយណ៍។ បច្ចុប្បន្ន អាងចម្រោះទឹកនេះ កំពុងស្តារឡើងវិញផងដែរ។
គួរបញ្ជាក់ថា គម្រោងអាងចម្រោះខ្សាច់នៅកសិណអង្គរវត្ត ស្ថិតនៅច្រកសំពៅលូន ត្រង់ច្រកបញ្ចូលទឹកផ្នែកខាងជើង ឆៀងខាងលិចកសិណអង្គរវត្ត ដែលបែងចែកជា៣ដំណាក់កាល ឫ៣អាង។ អាងទី១ នៅខាងមុខ មានតួនាទីទប់កាកសំណល់ដែលធ្ងន់ៗ មានមែកឈើជាដើម។ អាងទី២ មានរាងជាធ្មេញរណា ដើរតួសំខាន់ជាងគេ ដែលធ្វើឲ្យល្បឿនទឹកស្ទើរតែស្មើសូន្យ ដែលកករខ្សាច់ ឫកករភាគល្អិតធ្លាក់រង ក្នុងអាងនេះ ពេលទឹកហៀរពីលើប្រហែលពី០.០៥ម ទៅ០.១ម មុននឹង ធ្លាក់ចូលអាងទី។ ចំណែកអាងទី៣ មានកម្ពស់ទាបជាងអាងទី២ បន្ដិច សម្រាប់រងកករចុងក្រោយមុននឹងហូរចូលក្នុងកសិណអង្គរ៕
នាយកដ្ឋានគ្រប់គ្រប់គ្រងទឹកនៃអាជ្ញាធរជាតិអប្សរា បាននិងកំពុងរៀបចំអាងចម្រោះខ្សាច់ដ៏ធំមួយ ដើម្បីការពារភាពរីករាក់ នៃកសិណអង្គរវត្ត។ អាងចម្រោះនោះមានទំហំ ៩X៣៥ ម៉ែត្រ ហើយដែលអាចផ្ទុកដីខ្សាច់បានដល់ទៅ ៣៧០ម៉ែត្រគីប។
ក្នុងការចុះផ្សាយក្នុងទំព័រហ្វេសប៊ុករបស់ខ្លួន អាជ្ញាធរជាតិអប្សរាបានពន្យល់ថា អាងចម្រោះដីខ្សាច់ខាងលើនឹងអាចជួយទប់ខ្សាច់ រួមនិងកករធូលីផ្សេងៗ ដែលតែងហូរចូលក្នុងកសិណអង្គររៀងរាល់ឆ្នាំ ដែលជាហេតុធ្វើឲ្យកសិណឆាប់រាក់។ លោក ភឿង សុឃីម អនុប្រធាននាយកដ្ឋានគ្រប់គ្រងទឹកនៃអាជ្ញាធរជាតិអប្សរា បានបញ្ជាក់ថា ជារៀងរាល់ឆ្នាំមានល្បាក់ដីខ្សាច់ និងកករធូលីប្រហែលពី ២០ ទៅ២៥ ម៉ែត្រគីប ដែលហូរចាក់ចូលទៅក្នុងកសិណអង្គរវត្ត ដែលធ្វើឲ្យកសិណកាន់តែរាក់ និងធ្វើឲ្យទឹកមិនស្អាតជាដើម។
អាជ្ញាធរជាតិអប្សរា ដែលអះអាងថា ការកសាងអាងចម្រោះខ្សាច់នេះ ដើម្បីស្រោងស្រង់កសិណអង្គរវត្ត បានបញ្ជាក់ថា នៅសម័យដើមក៏មានអាងចម្រោះរបៀបនេះដែរ ដែលអាងនោះស្ថិតនៅច្រកបញ្ចូលទឹកបារាយណ៍ខាងលិច ដែលសព្វថ្ងៃហៅថា ត្រពាំងខ្យង ដែលមានតួនាទីធ្វើឲ្យទឹកថ្លាមុននឹងចាក់បញ្ចូលក្នុងបារាយណ៍។ បច្ចុប្បន្ន អាងចម្រោះទឹកនេះ កំពុងស្តារឡើងវិញផងដែរ។
គួរបញ្ជាក់ថា គម្រោងអាងចម្រោះខ្សាច់នៅកសិណអង្គរវត្ត ស្ថិតនៅច្រកសំពៅលូន ត្រង់ច្រកបញ្ចូលទឹកផ្នែកខាងជើង ឆៀងខាងលិចកសិណអង្គរវត្ត ដែលបែងចែកជា៣ដំណាក់កាល ឫ៣អាង។ អាងទី១ នៅខាងមុខ មានតួនាទីទប់កាកសំណល់ដែលធ្ងន់ៗ មានមែកឈើជាដើម។ អាងទី២ មានរាងជាធ្មេញរណា ដើរតួសំខាន់ជាងគេ ដែលធ្វើឲ្យល្បឿនទឹកស្ទើរតែស្មើសូន្យ ដែលកករខ្សាច់ ឫកករភាគល្អិតធ្លាក់រង ក្នុងអាងនេះ ពេលទឹកហៀរពីលើប្រហែលពី០.០៥ម ទៅ០.១ម មុននឹង ធ្លាក់ចូលអាងទី។ ចំណែកអាងទី៣ មានកម្ពស់ទាបជាងអាងទី២ បន្ដិច សម្រាប់រងកករចុងក្រោយមុននឹងហូរចូលក្នុងកសិណអង្គរ៕
© រក្សាសិទ្ធិដោយ thmeythmey.com
«ស្មើរនេះ», «ថ្មើរនេះ» និង«ថ្មារនេះ» មួយណាត្រូវ?
ភ្នំពេញ 21 ម៉ោង
