ជាតិ
សង្គមជាតិ
EDCភ្ជាប់ចរន្តអគ្គិសនីតំលៃ៦១០រៀល បានជិត៨ម៉ឺនបន្ទប់ហើយ
× គិតត្រឹមថ្ងៃទី២៧ ខែឧសភា ឆ្នាំ២០១៥ អគ្គិសនីកម្ពុជា បានតភ្ជាប់ចរន្តអគ្គិសនី ក្នុងតំលៃ ៦១០រៀល ជូនដល់កម្មករ កម្មការិនី និយោជិត និងនិស្សិតដែលស្នាក់នៅផ្ទះជួល បានចំនួន៧៧,០៣៥បន្ទប់ហើយ។ នេះបើយោងតាមសេចក្តីប្រកាសព័ត៌មាន របស់អគ្គិសនីកម្ពុជា។
យុទ្ធនាការចុះតភ្ជាប់ចរន្តអគ្គិសនីតំលៃ៦១០រៀល ក្នុងមួយគីឡូវ៉ាត់ម៉ោង សម្រាប់អ្នកប្រើក្រោម ៥០គីឡូវ៉ាត់ម៉ោងក្នុងមួយខែ បានចាប់ផ្តើមកាលពីថ្ងៃទី២៩ ខែធ្នូ ឆ្នាំ២០១៤ ហើយគ្រោងបញ្ចប់នៅខែកក្កដា ឆ្នាំ២០១៥ខាងមុខ។
យុទ្ធនាការតបណ្តាញអគ្គិសនី និងដំឡើងកុងទ័រជូនអ្នកជួលបន្ទប់ និងជួលផ្ទះ ជំហានទី២ កំពុងធ្វើឡើងក្នុងខណ្ឌសែនសុខ ខណ្ឌពោធិ៍សែនជ័យ ព្រែកព្នៅ ខណ្ឌចំការមន ខណ្ឌច្បារអំពៅ ខណ្ឌជ្រោយចង្វារ ខណ្ដមានជ័យ និងខណ្ឌឫស្សីកែវ៕
© រក្សាសិទ្ធិដោយ thmeythmey.com