កីឡាជាតិ
ជាតិ
វៀតណាមឡើងឈរលើថៃនៅពូល B ស្របពេលមីយ៉ាន់ម៉ារបំបាក់ឥណ្ឌូនេស៊ីក្នុងពូល A ក្រុមកីឡាករមីយ៉ាន់ម៉ារ អបអរគ្រាប់បាល់ស៊ុតបញ្ចូលទី។ Photo by Lawrence Tan/SINGSOC
× ក្រុមកីឡាបាល់ទាត់ជម្រើសជាតិអាយុក្រោម២៣ឆ្នាំវៀតណាម បានឡើងទៅឈរលើថៃវិញ បន្ទាប់ពីពួកគេបានយកឈ្នះម៉ាឡេស៊ី ៥-១ នាការប្រកួតលើកទីពីរក្នុងពូល A នៃព្រឹត្តិការណ៍កីឡាស៊ីហ្គេមលើកទី២៨ ។ ស្របពេលជាមួយគ្នា មីយ៉ាន់ម៉ារបានបើកឆាកជាមួយនឹងជ័យជម្នះ ៤-២ លើឥណ្ឌូនេស៊ី សម្រាប់ការប្រកួតពូល A នៅថ្ងៃទី២ ខែមិថុនា ដូចគ្នា។
នៅក្នុងពូល B ក្រោយការប្រកួតពីរលើករៀងៗខ្លួន វៀតណាម និងថៃ មាន៦ពិន្ទុដូចគ្នា ប៉ុន្តែខុសត្រង់ចំនួនគ្រាប់ស៊ុតបញ្ចូលទី។ ម៉ាឡេស៊ី និងឡាវ មានជ័យជម្នះមួយប្រកួតរៀងៗខ្លួន រីឯទីម័រខាងកើត និងប្រ៊ុយណេ មិនទាន់ស្គាល់រសជាតិនៃជ័យជម្នះឡើយ។
សម្រាប់ពូល A មីយ៉ាន់ម៉ារបើកឆាកជាមួយនឹងជ័យជម្នះ ៤-២ លើឥណ្ឌូនេស៊ី។ មីយ៉ាន់ម៉ារឡើងឈរពីលើម្ចាស់ផ្ទះសឹង្ហបុរី ដែលបានយកឈ្នះហ្វីលីពីន ១-០ កាលពីថ្ងៃចន្ទ។ កម្ពុជាត្រូវប្រកួតលើកដំបូងរបស់ខ្លួនដោយប៉ះជាមួយហ្វីលីពីនវេលាល្ងាចម៉ោង៧ និង៣០នាទី ថ្ងៃទី៣ ខែមិថុនា នៅ Jalan Besar Stadium៕
© រក្សាសិទ្ធិដោយ thmeythmey.com