ជាតិ
សង្គមជាតិ
×![]()
សៀមរាប៖ មានបុគ្គលិកនៅក្នុងក្រុមហ៊ុនខ្លះនៅខេត្តសៀមរាប ត្រូវបានថៅកែទម្លាក់ថ្លៃប្រាក់ខែ។ បញ្ហានេះដោយសារថៅកែបានយោងលើហេតុផល ពុំមានអតិថិជន ដែលធ្វើឲ្យចំណូលធ្លាក់ចុះ និងខ្លះទៀតរកលុយពីក្រៅដើម្បីទប់មុខរបររបស់ខ្លួនជាដើម។ បញ្ហាដដែលនេះ បានបង្ខំឲ្យបុគ្គលិកក្នុងក្រុមហ៊ុនខ្លះ ចុះធ្វើកូដកម្ម ដើម្បីទាមទារប្រាក់ខែដើមវិញ ហើយមានហាង ភោជនីយដ្ឋានខ្លះ ក៏ត្រូវបិទទ្វាផង ព្រោះមិនអាចធ្វើតាមសំណូមពររបស់បុគ្គលិកខ្លួន។
ចំនួនភ្ញៀវទេសចរ ចាប់ផ្តើមស្ងាត់ចាប់ពីខែឧសភា និងបន្តអួសបន្លាយរហូតដល់ខែតុលា។ នេះជារដូវកាលដែលគេហៅថា ឡូសេសិន (Low season) ដែលខ្មែរយើងហៅថា ខែស្ងាត់ភ្ញៀវនោះ។ មួយទៀត អំឡុងពេលនេះ ជារដូវប្រាំង ដែលក្តៅហួតហែង ហើយដែលភ្ញៀវទេសចរមិនចង់ដើរផង។
ខែឡូសេសិន បានធ្វើឲ្យប៉ះពាល់ច្រើនដល់សេដ្ឋកិច្ចកម្ពុជា។ ក្រៅពីចំណូលទេសចរណ៍ធ្លាក់ហើយនោះ ក្នុងនោះវាក៏ធ្វើឲ្យប៉ះពាល់ដល់បុគ្គលិក កម្មករ ដែលកំពុងបម្រើការងារក្នុងក្រុមហ៊ុន ភោជនីយដ្ឋាន និងហាងអាហារផង។ ជាក់ស្តែងនៅខេត្តសៀមរាប មានបុគ្គលិកខ្លះ គ្មានការងារធ្វើ ដោយសារឥទ្ធិពលខែស្ងាត់ភ្ញៀវនេះ។ បុគ្គលិកហាង ហ្វេសសិន កាហ្វេ យូរី ដ៏ធំមួយនៅសៀមរាប បានបញ្ចុះតម្លៃប្រាក់ឈ្នួល ដែលធ្វើឲ្យបុគ្គលិកផ្ទុះកូដកម្ម មិនចូលធ្វើការ។ លោក ម៉ម រិទ្ធី ដែលជាប្រធានសហជីពកម្មករ បានឲ្យដឹងថា នៅថ្ងៃចន្ទស្អែកនេះ បុគ្គលិក ហាងយូរី នឹងរៀបចំពាក្យបណ្តឹងតាមផ្លូវច្បាប់ ប្តឹងម្ចាស់ក្រុមហ៊ុន។
ក្រៅពីក្រុមហ៊ុន យូរី ហើយ គេក៏ឃើញមានហាងអាហារប៊ូហ្វេ ដែលមានបុគ្គលិកជាច្រើនមួយទៀត បង្ខំចិត្តបិទទ្វារដែរ ដោយផ្តើមហេតុដំបូង គឺការទម្លាក់ថ្លៃប្រាក់ខែបុគ្គលិកនេះឯង។ ហាងប៊ូហ្វេ ស្មាយ បានបិទទ្វារមួយរយៈ ដោយសារបុគ្គលិកធ្វើកូដកម្ម មិនពេញចិត្តចំពោះការសម្រេចរបស់ថៅកែ។ ប្រភពពីមគ្គុទ្ទេសក៍ខ្លះបាននិយាយថា ដោយសារហាងនេះគ្មានអថិតិជនអំឡុងខែគ្មានភ្ញៀវទេសចរដើរនេះ។ យ៉ាងណា ក្រោយបិទទ្វារមួយរយៈខ្លី ហាងអាហារ ប៊ូហ្វេ ស្មាយ បានបើកដំណើរការជាធម្មតាវិញហើយ។
នៅតាមសណ្ឋាគារ ក្នុងខេត្តសៀមរាបវិញ ក៏មិនខុសគ្នាដែរ បន្ទប់ជាច្រើននៅទំនេរ គ្មានអ្នកដេក។ ហាងលក់វត្ថុអនុស្សាវរីយ៍ ក៏គ្មានអ្នកទិញ ក្រុមមគ្គុទ្ទេសក៍ទេសចរណ៍ ដូចជាភាសាកូរ៉េ ជប៉ុន អង់គ្លេស រុស្សី និងឥណ្ឌូនេស៊ីជាដើមនោះ ក៏មានពេលសម្រាកនៅផ្ទះច្រើន ក្នុងមួយខែពួកគេដើរភ្ញៀវតែមួយក្រុមទៅពីរក្រុម និងខែខ្លះ ក៏គ្មានផង។
គេមិនអាចដឹងពិតប្រាកដ នៃចំនួនភ្ញៀវទេសចរដើរកម្សាន្តខេត្តសៀមរាប អំឡុងខែស្ងាត់ភ្ញៀវនេះបានឡើយទេ។ មន្ទីរទេសចរណ៍ខេត្តសៀមរាបបានលើកហេតុផលថា ខ្លួនមានភាពយឺតយ៉ាវចំពោះការបូកសរុបរបាយការណ៍ទេសចរនេះ ចាប់ពីខែមេសាមក៕
ចំនួនភ្ញៀវទេសចរ ចាប់ផ្តើមស្ងាត់ចាប់ពីខែឧសភា និងបន្តអួសបន្លាយរហូតដល់ខែតុលា។ នេះជារដូវកាលដែលគេហៅថា ឡូសេសិន (Low season) ដែលខ្មែរយើងហៅថា ខែស្ងាត់ភ្ញៀវនោះ។ មួយទៀត អំឡុងពេលនេះ ជារដូវប្រាំង ដែលក្តៅហួតហែង ហើយដែលភ្ញៀវទេសចរមិនចង់ដើរផង។
ខែឡូសេសិន បានធ្វើឲ្យប៉ះពាល់ច្រើនដល់សេដ្ឋកិច្ចកម្ពុជា។ ក្រៅពីចំណូលទេសចរណ៍ធ្លាក់ហើយនោះ ក្នុងនោះវាក៏ធ្វើឲ្យប៉ះពាល់ដល់បុគ្គលិក កម្មករ ដែលកំពុងបម្រើការងារក្នុងក្រុមហ៊ុន ភោជនីយដ្ឋាន និងហាងអាហារផង។ ជាក់ស្តែងនៅខេត្តសៀមរាប មានបុគ្គលិកខ្លះ គ្មានការងារធ្វើ ដោយសារឥទ្ធិពលខែស្ងាត់ភ្ញៀវនេះ។ បុគ្គលិកហាង ហ្វេសសិន កាហ្វេ យូរី ដ៏ធំមួយនៅសៀមរាប បានបញ្ចុះតម្លៃប្រាក់ឈ្នួល ដែលធ្វើឲ្យបុគ្គលិកផ្ទុះកូដកម្ម មិនចូលធ្វើការ។ លោក ម៉ម រិទ្ធី ដែលជាប្រធានសហជីពកម្មករ បានឲ្យដឹងថា នៅថ្ងៃចន្ទស្អែកនេះ បុគ្គលិក ហាងយូរី នឹងរៀបចំពាក្យបណ្តឹងតាមផ្លូវច្បាប់ ប្តឹងម្ចាស់ក្រុមហ៊ុន។
ក្រៅពីក្រុមហ៊ុន យូរី ហើយ គេក៏ឃើញមានហាងអាហារប៊ូហ្វេ ដែលមានបុគ្គលិកជាច្រើនមួយទៀត បង្ខំចិត្តបិទទ្វារដែរ ដោយផ្តើមហេតុដំបូង គឺការទម្លាក់ថ្លៃប្រាក់ខែបុគ្គលិកនេះឯង។ ហាងប៊ូហ្វេ ស្មាយ បានបិទទ្វារមួយរយៈ ដោយសារបុគ្គលិកធ្វើកូដកម្ម មិនពេញចិត្តចំពោះការសម្រេចរបស់ថៅកែ។ ប្រភពពីមគ្គុទ្ទេសក៍ខ្លះបាននិយាយថា ដោយសារហាងនេះគ្មានអថិតិជនអំឡុងខែគ្មានភ្ញៀវទេសចរដើរនេះ។ យ៉ាងណា ក្រោយបិទទ្វារមួយរយៈខ្លី ហាងអាហារ ប៊ូហ្វេ ស្មាយ បានបើកដំណើរការជាធម្មតាវិញហើយ។
នៅតាមសណ្ឋាគារ ក្នុងខេត្តសៀមរាបវិញ ក៏មិនខុសគ្នាដែរ បន្ទប់ជាច្រើននៅទំនេរ គ្មានអ្នកដេក។ ហាងលក់វត្ថុអនុស្សាវរីយ៍ ក៏គ្មានអ្នកទិញ ក្រុមមគ្គុទ្ទេសក៍ទេសចរណ៍ ដូចជាភាសាកូរ៉េ ជប៉ុន អង់គ្លេស រុស្សី និងឥណ្ឌូនេស៊ីជាដើមនោះ ក៏មានពេលសម្រាកនៅផ្ទះច្រើន ក្នុងមួយខែពួកគេដើរភ្ញៀវតែមួយក្រុមទៅពីរក្រុម និងខែខ្លះ ក៏គ្មានផង។
គេមិនអាចដឹងពិតប្រាកដ នៃចំនួនភ្ញៀវទេសចរដើរកម្សាន្តខេត្តសៀមរាប អំឡុងខែស្ងាត់ភ្ញៀវនេះបានឡើយទេ។ មន្ទីរទេសចរណ៍ខេត្តសៀមរាបបានលើកហេតុផលថា ខ្លួនមានភាពយឺតយ៉ាវចំពោះការបូកសរុបរបាយការណ៍ទេសចរនេះ ចាប់ពីខែមេសាមក៕
© រក្សាសិទ្ធិដោយ thmeythmey.com
«គូលី»មានន័យច្បាស់លាស់ដូចម្តេច?
1 សប្តាហ៍
