ជាតិ
គណៈកម្មការរៀបចំបុណ្យសពលោក ជា ស៊ីម មានពីប្រធានរដ្ឋសភាដល់អភិបាលរាជធានី
× ព្រះមហាក្សត្រ ព្រះបាទ ព្រះបរមនាថ នរោត្តម សីហមុនី បានត្រាស់បង្គាប់បង្កើតគណៈកម្មការរៀបចំពិធីបុណ្យសព លោក ជា ស៊ីម ដែលមានសមាសភាព២៧រូប ដែលភាគច្រើនគឺជាថ្នាក់ដឹកនាំកំពូលរបស់ប្រទេស។
យោងតាមព្រះរាជក្រឹត្យថ្ងៃទី៨មិថុនានេះ លោក ហេង សំរិន ដែលជាប្រធានរដ្ឋសភា គឺជាប្រធានគណៈកម្មការ លោកនាយករដ្ឋមន្ត្រី ហ៊ុន សែន ជាអនុប្រធាន និងលោក គង់ សំអុល រដ្ឋមន្ត្រីក្រសួងព្រះបរមរាជវាំងគឺជាអនុប្រធានអចិន្ត្រៃយ៍ និងលោក សាយ ឈុំ ក៏ជាអនុប្រធានគណៈកម្មការនេះ។
សមាសភាពបន្តបន្ទាប់មកទៀត គឺជាថ្នាក់ដឹកនាំព្រឹទ្ធសភា និងរដ្ឋសភារបស់គណបក្សប្រជាជនកម្ពុជា ឧបនាយករដ្ឋមន្ត្រី រដ្ឋមន្ត្រី ថ្នាក់ដឹកនាំកងប្រដាប់អាវុធនានា អភិបាលរាជធានីភ្នំពេញ។
យោងតាមព្រះរាជក្រឹត្យដដែល គណៈកម្មការនេះអាចបង្កើតអនុគណៈកម្មការជាជំនួយការរៀបចំពិធីបុណ្យសព តាមការចាំបាច់៕
© រក្សាសិទ្ធិដោយ thmeythmey.com