កីឡាជាតិ
ជាតិ
ស៊ីហ្គេម៖ ប៉េតង់កម្ពុជាបានមេដាយសំរឹទ្ធលើវិញ្ញាសាវាយគូចម្រុះ បុរស-នារី កីឡាការិនី ឌុច សោភ័ណ្ឌ និងកីឡាករ ថោង ឈឿន។រូបថត May Ratana
× កីឡាការិនី ឌុច សោភ័ណ្ឌ និងកីឡាករ ថោង ឈឿន បានប្រកួតចាញ់ក្រុមថៃ ដែលមានកីឡាការិនី Yoothong Nattaya និងកីឡាករ Sriboonpeng Sarawut ក្នុងលទ្ធផល ១៣-៧ នៅវគ្គពាក់កណ្តាលផ្តាច់ព្រ័ត្រនៅទីលាន Padang នាថ្ងៃទី៩ ខែមិថុនា នេះ។
កាលពីនៅវគ្គជម្រុះ ក្រុមកម្ពុជាបញ្ចប់ចំណាត់ថ្នាក់លេខ៤ ដោយបានឈ្នះហ្វីលីពីន ១៣-២ ឈ្នះឥណ្ឌូនេស៊ី ១៣-១ ឈ្នះថៃ ១១-៨ ឈ្នះសឹង្ហបុរី ១៣-២ ឈ្នះមីយ៉ាន់ម៉ារ ១២-៨ តែចាញ់ ម៉ាឡេស៊ី ១៣-៥ ចាញ់វៀតណាម ១៣-៨ និងចាញ់ឡាវ ១២-៩ ។
ជាមួយគ្នាផងដែរ វៀតណាមមានកីឡាការិនី Ngo Thi Huyen Tran និងកីឡាករ Tran Thach Lam បានយកឈ្នះក្រុមឡាវដែល មានកីឡាការិនី Vongsavath Chansamone និងកីឡាករ Fongsanouvong Zokananh។ ថៃ និងវៀតណាម ប៉ះគ្នានៅវគ្គផ្តាច់ព្រ័ត្រ ខណៈកម្ពុជា និង ឡាវ បានមេដាយសំរឹទ្ធ៕
© រក្សាសិទ្ធិដោយ thmeythmey.com