កីឡាជាតិ
ជាតិ
វាយកូនបាល់៖ កាអង់ទ្រេ ដារាវី និង គឹម ដេលតុន ឈានទៅកាន់វគ្គ១/៤ កីឡាការិនីវាយកូនបាល់ខ្មែរកាត់បារាំង កាអង់ទ្រេ ដារាវី
× កីឡាការិនី កាអង់ទ្រេ ដារាវី និងកីឡាករ គឹម ដេលតុន (ឈ្មោះពេញ គឹម ដេលតុន សុផាន់ណា) បានឈានទៅកាន់វគ្គ១/៤ផ្តាច់ព្រ័ត្ររៀងៗខ្លួនលើការប្រកួតវិញ្ញាសាឯកត្តជននៃកីឡាវាយកូនបាល់ នៅទីលាន Kallang Tennis Centre ក្នុងព្រឹត្តិការណ៍កីឡាស៊ីហ្គេមនៅសឹង្ហបុរី។
នាការប្រកួតនៅថ្ងៃទី៩ ខែមិថុនា នេះ កម្ពុជាមានកីឡាការិនីពីរនាក់ចូលប្រកួតប្រជែងលើវិញ្ញាសាឯកត្តជននារីនៅវគ្គជម្រុះជុំទីពីរ ដោយ កាអង់ទ្រេ ដារាវី យកឈ្នះកីឡាការិនីម្ចាស់ផ្ទះសឹង្ហបុរី Wee Khee Yen ក្នុងលទ្ធផល ២-០ [៦-១ និង៦-២ ] ខណៈ កីឡាការិនី ស៊ុម ចិន្តា បានខកចិត្តដោយចាញ់កីឡាការិនីឡាវ Philavong Phonephathep ក្នុងលទ្ធផល ១-២ [៦-៣,៤-៦ និង៤-៦] ។
ចំពោះការប្រកួតវិញ្ញាសាឯកត្តជនផ្នែកបុរស កីឡាករ គឹម ដេលតុន បានយកឈ្នះកីឡាករមីយ៉ាន់ម៉ារ Thant Aung Myo ក្នុងលទ្ធផល ២-០ [៦-២ និង៦-៣] នាវគ្គជម្រុះជុំទីពីរ ដើម្បីឈានបន្តទៅកាន់វគ្គ១/៤ផ្តាច់ព្រ័ត្រផងដែរ៕
© រក្សាសិទ្ធិដោយ thmeythmey.com