កីឡាជាតិ
ជាតិ
ស៊ីហ្គេម៖ កីឡាបាល់បោះជម្រើសជាតិកម្ពុជាស៊ីមីយ៉ាន់ម៉ារ ១០៣-៥៤
× ក្រុមកីឡាបាល់បោះជម្រើសជាតិកម្ពុជា ធ្វើបានយ៉ាងល្អក្នុងការប្រកួតលើកទី២របស់ខ្លួនក្នុងពូល B នៃព្រឹត្តិការណ៍កីឡាស៊ីហ្គេមនៅលើទីលាន OCBC Arena ជាមួយនឹងជ័យជម្នះ ១០៣-៥៤ (១៩-៨, ២១-២៣, ២៩-១៦ និង៣៤-៧ ) លើក្រុមមីយ៉ាន់ម៉ារ នៅថ្ងៃទី១០ ខែមិថុនា នេះ ពោលគឺមួយថ្ងៃក្រោយចាញ់ក្រុមថៃ ៦៦ ទល់នឹង៧៨ ។
ក្រុមកម្ពុជាត្រូវបន្តប៉ះសឹង្ហបុរីនៅថ្ងៃស្អែក និងតទល់វៀតណាមនៅថ្ងៃទី១៣ ខែមិថុនា។ កីឡាករឆ្នើម សាក់ រតនា ដែលបានរងរបួសនាអំឡុងពេលនៃការប្រកួតជាមួយមីយ៉ាន់ម៉ារនោះ មិនមានស្ថានភាពធ្ងន់ធ្ងរឡើយ។ នេះបើតាមការអះអាងរបស់លោក Ken Gadaffi ទីប្រឹក្សាគណៈកម្មាធិការជាតិអូឡាំពិកកម្ពុជា។
ក្រុមកីឡាបាល់បោះកម្ពុជា៖
ជម្រើសដំបូង៖ Em William (៥), សាក់ រតនា (៦), Dar Anthony Dominic (៧), ទួន សុភាន (១០), Phatara Khvan (១២)
កីឡាករបម្រុង៖ សោម វណ្ណៈ (៤), អ៊ូច ផាណាត (៨), កុយ ចូណាថាន់ (៩), ពេក មិត្ត (១១)
គឹម វ៉េងងួន (១៣), សុខ តួ (១៤), ហួរ ពេជ្រប៊ុនជួរ (១៥)
គ្រូបង្វឹក៖ លោក Austin Koledoye (នីហ្សេរីយ៉ា) គ្រូជំនួយ៖ លោក កៅ កាន់ណាលី
© រក្សាសិទ្ធិដោយ thmeythmey.com