កីឡាជាតិ
ជាតិ
កីឡាករវាយកូនបាល់ ប៊ុន កេន្នី ឈានទៅវគ្គ១/៤ផ្តាច់ព្រ័ត្រដូច គឹម ដេលតុន និងកាអង់ទ្រេ ដារាវី កីឡាករ ប៊ុន កេន្នី
× កីឡាករវាយកូនបាល់កម្ពុជា ប៊ុន កេន្នី បានយកឈ្នះកីឡាករឡាវ Rasavaydy Vitaya ក្នុងលទ្ធផល ២-១ (៧-៦, ៥-៧, ៦-១) នៅលើទីលាន Kallang Tennis Center ដើម្បីឈានទៅកាន់វគ្គ១/៤ផ្តាច់ព្រ័ត្រលើវិញ្ញាសាឯកត្តជនបុរស។ កេន្នី ត្រូវឡើងទៅជួបកីឡាករថៃ WACHIRAMANOWONG Kittiphong ដែលបានយកឈ្នះកីឡាករហ្វីលីពីននៅវគ្គជម្រុះជុំទីពីរ។
ជាមួយគ្នានេះ ផងដែរ កីឡាករ គឹម ដេលតុន ដែលបានយកឈ្នះកីឡាករមីយ៉ាន់ម៉ារ ២-០ កាលពីថ្ងៃម្សិលមិញ ត្រូវប៉ះជាមួយកីឡាករថៃម្នាក់ទៀត ឈ្មោះ SORNBUTNARK Warit នៅវគ្គ១/៤ផ្តាច់ព្រ័ត្រដូចគ្នា។ ខណៈកីឡាការិនី កាអង់ទ្រេ ដារាវី ដែលបានយកឈ្នះកីឡាការិនីសឹង្ហបុរី កាលពីថ្ងៃម្សិលមិញ ត្រូវតទល់ជាមួយកីឡាការិនី ឥណ្ឌូនេស៊ី នៅវគ្គ១/៤ផ្តាច់ព្រ័ត្រ ដូចគ្នាសម្រាប់វិញ្ញាសាឯកត្តជនផ្នែកនារី៕
© រក្សាសិទ្ធិដោយ thmeythmey.com