U-23 កម្ពុជាប្រកួតចុងក្រោយជាមួយមីយ៉ាន់ម៉ារនៅម៉ោង៧ និង៣០នាទីល្ងាចនេះ

កីឡាជាតិ

U-23 កម្ពុជាប្រកួតចុងក្រោយជាមួយមីយ៉ាន់ម៉ារនៅម៉ោង៧ និង៣០នាទីល្ងាចនេះ

10, Jun 2015 , 4:20 pm

រូបភាព

ដោយ: ថ្មីៗ

ក្រុមកីឡាបាល់ទាត់យុវជនជម្រើសជាតិកម្ពុជាអាយុក្រោម២៣ឆ្នាំ (U-23) ត្រូវប្រកួតបង្គ្រប់កិច្ចចុងក្រោយក្នុងពូល A ជាមួយមីយ៉ាន់ម៉ារនៅវេលាម៉ោង៧ និង៣០នាទីល្ងាចនេះ នៅកីឡដ្ឋាន JalanBesar។ បរាជ័យ២ប្រកួតជាប់ៗគ្នាបាននាំឲ្យ កម្ពុជាធ្លាក់ចេញពីការប្រកួតដូចហ្វីលីពីន ខណៈមីយ៉ាន់ម៉ារដែលឈ្នះទាំងបីប្រកួតកន្លងមក មានកៅអីរួចជាស្រេចក្នុងឈានទៅកាន់វគ្គពាក់កណ្តាលផ្តាច់ព្រ័ត្រក្នុងយុទ្ធនាការស៊ីហ្គេមលើកទី២៨ ។

នាជំនួបចុងក្រោយក្នុងព្រឹត្តិការណ៍កីឡាស៊ីហ្គេម មីយ៉ាន់ម៉ារដែលជាម្ចាស់ផ្ទះកាលពីឆ្នាំ២០១៣ បានយកឈ្នះកម្ពុជាក្នុងលទ្ធផល ៣-០ ។ សម្រាប់ពូល A នេះ ម្ចាស់ផ្ទះសឹង្ហបុរី និងឥណ្ឌូនេស៊ី ត្រូវតទល់គ្នានៅ ថ្ងៃស្អែក សម្រាប់កៅអីវគ្គពាក់កណ្តាលផ្តាច់ព្រ័ត្រ ។ នៅក្នុងពូល B វៀតណាម និងថៃ មានកៅអីរួចទៅហើយ ដោយម៉ាឡេស៊ី ឡាវ ទីម័រខាងកើត និងប្រ៊ុយណេ បានហាលអាវ។

U-23 កម្ពុជា ធ្លាប់ឈ្នះមីយ៉ាន់ម៉ារក្នុងលទ្ធផល ៣-១ កាលពីព្រឹត្តិការណ៍ស៊ីហ្គេមឆ្នាំ១៩៩៧នៅក្នុងទីក្រុងហ្សារតា ប្រទេសឥណ្ឌូនេស៊ី ដោយនៅកាលណោះ កីឡាករហុក សុចិត្រា រកបាន២គ្រាប់ និងតុន វុទ្ធី ជួយបាន១គ្រាប់។ នៅឆ្នាំនោះ ផងដែរ កម្ពុជាបញ្ចប់យុទ្ធនាការនៅវគ្គជម្រុះជាមួយនឹងការទទួលបាន៦ពិន្ទុជាលើកដំបូង។

ជាមួយគ្នានេះផងដែរ ជ័យជម្នះ នឹងនាំឲ្យក្រុមជម្រើសជាតិទទួលប្រាក់រង្វាន់១ម៉ឺនដុល្លារអាមេរិកពីសហព័ន្ធកីឡាបាល់ទាត់កម្ពុជា និង១ម៉ឺនដុល្លារអាមេរិកបន្ថែមទៀតពីលោកនាយករដ្ឋមន្ត្រី ហ៊ុន សែន៕

ផ្សារដើមគរថ្មី លើផ្ទៃដី៣០ហិកតា ត្រូវបានដាក់ដំណើរការជាផ្លូវការហើយ

5 ថ្ងៃ

ដំណឹងបឋម៖ ករណីផ្ទុះឃ្លាំងគ្រាប់នៅបន្ទាយភូមិភាគ៣ ក្រុងច្បារមន មានអ្នកស្លាប់ និងរបួសច្រើននាក ...

6 ថ្ងៃ

«ស្មើរនេះ», «ថ្មើរនេះ» និង«ថ្មារនេះ» មួយណាត្រូវ?

ភ្នំពេញ 15 ម៉ោង

តើពាក្យងារជា «សម្តេច» មានន័យដូចម្តេច?

3 ថ្ងៃ

តើពាក្យ «ដុតដៃដុតជើង» មានន័យដូចម្តេច?

1 សប្តាហ៍

អត្ថបទពេញនិយមបន្ថែម