កីឡាជាតិ
លើកដំបូងក្នុងស៊ីហ្គេមដែលបាល់ទាត់កម្ពុជាមានគ្រាប់បាល់បញ្ចូលទីនៅរាល់ការប្រកួត
អ្នកចាំទីមីយ៉ាន់ម៉ារ Aung Wai Phyo ធ្វើឲ្យចាន់ វឌ្ឍនាកា ដួលនៅតំបន់គ្រោះថ្នាក់។ Photo: Andrew Ho/SINGSOC
×![]()
ក្រុមកីឡាបាល់ទាត់ជម្រើសជាតិកម្ពុជាអាយុក្រោម២៣ឆ្នាំ(U23) មិនអាចឈានទៅកាន់វគ្គពាក់កណ្តាលផ្តាច់ព្រ័ត្រជាលើកដំបូងក្នុងព្រឹត្តិការណ៍កីឡាស៊ីហ្គេមលើកទី២៨ទៅតាមទិសដៅដែលបានកំណត់ដោយសហព័ន្ធកីឡាបាល់ទាត់កម្ពុជាឡើងបន្ទាប់ពីចំណាត់ថ្នាក់ត្រឹមលេខ៤ក្នុងពូលរបស់ខ្លួន។ទោះបីជាយ៉ាងណាក៏ដោយកំណត់ត្រាមួយដែលគួរឲ្យកត់សម្គាល់នោះគឺកម្ពុជាបានស៊ុតបាល់បញ្ចូលទីនៅរាល់ការប្រកួតជាលើកដំបូងបំផុតបើគិតចាប់តាំងពីការបង្ហាញខ្លួន១៣លើកកន្លងមកក្នុងស៊ីហ្គេម។
កម្ពុជាបានបើកការប្រកួតរបស់ខ្លួននៅក្នុងពូលA ជាមួយនឹងជ័យជម្នះ៣-១លើហ្វីលីពីនប៉ុន្តែបានចាញ់ឥណ្ឌូនេស៊ី៦-១ចាញ់ម្ចាស់ផ្ទះសឹង្ហបុរី៣-១មុននឹងបញ្ចប់ការប្រកួតជាមួយនឹងលទ្ធផលស្មើ៣-៣ជាមួយមីយ៉ាន់ម៉ារ។
សម្រាប់ការប្រកួតទាំង៤លើកនៅក្នុងពូលរបស់ខ្លួនក្រុមU-23 កម្ពុជាទទួលបាននូវការកោតសរសើរផងនិងការស្តីបន្ទោសផង។ការស៊ុតបាល់បញ្ចូលទីសរុប៨គ្រាប់ដែល៣គ្រាប់សម្រេចដោយចាន់វឌ្ឍនាកា៣គ្រាប់រកបានដោយកែវសុខផេងនិង២គ្រាប់របស់ប្រាក់មុន្នីឧត្តមបានបង្ហាញឲ្យឃើញថាតំបន់ប្រយុទ្ធរបស់កម្ពុជាមានការវិវត្តទៅមុខដ៏គួរឲ្យកត់សម្គាល់ប៉ុន្តែស្របពេលជាមួយគ្នាកីឡាករនៅតំបន់ការពារទទួលរងនូវការរិះគន់បន្ទាប់ពីបណ្តោយឲ្យគូប្រកួតស៊ុតបាល់បញ្ចូលទីនៅនាទីចុងក្រោយនិងនាទីបន្ថែមដែលមានរហូតដល់ទៅ៦គ្រាប់ក្នុងការប្រកួត៤លើក។
ក្នុងជ័យជម្នះ៦-១លើកម្ពុជាក្រុមឥណ្ឌូនេស៊ីបានស៊ុតបាល់បញ្ចូលទីគ្រាប់ចុងក្រោយនៅនាទីទី៩០+៣ហើយម្ចាស់ផ្ទះសឹង្ហបុរីរកបានទាំងបីគ្រាប់នៅចុងតង់ (នាទី៤៥+១,៤៥+២និង៩០ ) នាពេលបំបាក់កម្ពុជា៣-១ហើយការប្រកួតដែលបញ្ចប់ក្នុងលទ្ធផលស្មើ៣-៣មីយ៉ាន់ម៉ារវាយបកបាន២គ្រាប់នៅនាទីទី៨៩និង៩០+។
បើយោងតាមកំណត់ត្រាប្រកួតកន្លងមកនេះជាលើកទី២ដែលកម្ពុជាបានស៊ុតបាល់បញ្ចូលទីសរុបចំនួន៨គ្រាប់ពីការប្រកួតក្នុងពូលនិងជាចំនួនដែលច្រើនបំផុតខណៈការសម្រេចលើកទី១បានកើតឡើងកាលពីឆ្នាំ១៩៩៧នៅប្រទេសឥណ្ឌូនេស៊ី។
ក្រុមបាល់ទាត់កម្ពុជាមិនដែលមានប្រវត្តិឡើងទៅកាន់វគ្គពាក់កណ្តាលផ្តាច់ព្រ័ត្រឡើយ។កំណត់ត្រាដែលល្អបំផុតគឺនៅក្នុងឆ្នាំ១៩៧១នៅម៉ាឡេស៊ីដោយកម្ពុជាស្ថិតក្នុងចំណាត់ថ្នាក់លេខបីដោយមាន៣ពិន្ទុស្មើក្រុមលេខ២ថៃប៉ុន្តែចាញ់ចំនួនគ្រាប់បាល់ដែលបានស៊ុតបញ្ចូលទី។នៅឆ្នាំ១៩៩៧កម្ពុជាបញ្ចប់ចំណាត់ថ្នាក់លេខបីផងដែរហើយទទួលបាន៦ពិន្ទុដែលជាពិន្ទុដ៏ខ្ពស់បំផុតរបស់ក្រុមកម្ពុជានៅក្នុងស៊ីហ្គេម។
ចំពោះកំណត់ត្រាដែលអាក្រក់បំផុតកម្ពុជាបញ្ចប់ចំណាត់ថ្នាក់ចុងគេបំផុតក្នុងពូលរហូតដល់៨លើកដោយ៥លើកគ្មានពិន្ទុរាប់ហើយ២លើកទទួលបាន១ពិន្ទុត្រឡប់មកផ្ទះវិញ។ការបង្ហាញខ្លួនឡើងវិញក្នុងព្រឹត្តិការណ៍ស៊ីហ្គេមនាឆ្នាំ១៩៩៥នៅប្រទេសថៃក្រុមបាល់ទាត់កម្ពុជាទទួលបានមេរៀនដ៏ខកចិត្តបំផុតដោយការប្រកួតចំនួន៤លើកត្រូវបានគូប្រជែងស៊ុតបញ្ចូលទីលើខ្លួនរហូតដល់៣២គ្រាប់និងគ្មានការវាយបកទៅវិញសូម្បីតែ១គ្រាប់៕
កម្ពុជាបានបើកការប្រកួតរបស់ខ្លួននៅក្នុងពូលA ជាមួយនឹងជ័យជម្នះ៣-១លើហ្វីលីពីនប៉ុន្តែបានចាញ់ឥណ្ឌូនេស៊ី៦-១ចាញ់ម្ចាស់ផ្ទះសឹង្ហបុរី៣-១មុននឹងបញ្ចប់ការប្រកួតជាមួយនឹងលទ្ធផលស្មើ៣-៣ជាមួយមីយ៉ាន់ម៉ារ។
សម្រាប់ការប្រកួតទាំង៤លើកនៅក្នុងពូលរបស់ខ្លួនក្រុមU-23 កម្ពុជាទទួលបាននូវការកោតសរសើរផងនិងការស្តីបន្ទោសផង។ការស៊ុតបាល់បញ្ចូលទីសរុប៨គ្រាប់ដែល៣គ្រាប់សម្រេចដោយចាន់វឌ្ឍនាកា៣គ្រាប់រកបានដោយកែវសុខផេងនិង២គ្រាប់របស់ប្រាក់មុន្នីឧត្តមបានបង្ហាញឲ្យឃើញថាតំបន់ប្រយុទ្ធរបស់កម្ពុជាមានការវិវត្តទៅមុខដ៏គួរឲ្យកត់សម្គាល់ប៉ុន្តែស្របពេលជាមួយគ្នាកីឡាករនៅតំបន់ការពារទទួលរងនូវការរិះគន់បន្ទាប់ពីបណ្តោយឲ្យគូប្រកួតស៊ុតបាល់បញ្ចូលទីនៅនាទីចុងក្រោយនិងនាទីបន្ថែមដែលមានរហូតដល់ទៅ៦គ្រាប់ក្នុងការប្រកួត៤លើក។
ក្នុងជ័យជម្នះ៦-១លើកម្ពុជាក្រុមឥណ្ឌូនេស៊ីបានស៊ុតបាល់បញ្ចូលទីគ្រាប់ចុងក្រោយនៅនាទីទី៩០+៣ហើយម្ចាស់ផ្ទះសឹង្ហបុរីរកបានទាំងបីគ្រាប់នៅចុងតង់ (នាទី៤៥+១,៤៥+២និង៩០ ) នាពេលបំបាក់កម្ពុជា៣-១ហើយការប្រកួតដែលបញ្ចប់ក្នុងលទ្ធផលស្មើ៣-៣មីយ៉ាន់ម៉ារវាយបកបាន២គ្រាប់នៅនាទីទី៨៩និង៩០+។
បើយោងតាមកំណត់ត្រាប្រកួតកន្លងមកនេះជាលើកទី២ដែលកម្ពុជាបានស៊ុតបាល់បញ្ចូលទីសរុបចំនួន៨គ្រាប់ពីការប្រកួតក្នុងពូលនិងជាចំនួនដែលច្រើនបំផុតខណៈការសម្រេចលើកទី១បានកើតឡើងកាលពីឆ្នាំ១៩៩៧នៅប្រទេសឥណ្ឌូនេស៊ី។
ក្រុមបាល់ទាត់កម្ពុជាមិនដែលមានប្រវត្តិឡើងទៅកាន់វគ្គពាក់កណ្តាលផ្តាច់ព្រ័ត្រឡើយ។កំណត់ត្រាដែលល្អបំផុតគឺនៅក្នុងឆ្នាំ១៩៧១នៅម៉ាឡេស៊ីដោយកម្ពុជាស្ថិតក្នុងចំណាត់ថ្នាក់លេខបីដោយមាន៣ពិន្ទុស្មើក្រុមលេខ២ថៃប៉ុន្តែចាញ់ចំនួនគ្រាប់បាល់ដែលបានស៊ុតបញ្ចូលទី។នៅឆ្នាំ១៩៩៧កម្ពុជាបញ្ចប់ចំណាត់ថ្នាក់លេខបីផងដែរហើយទទួលបាន៦ពិន្ទុដែលជាពិន្ទុដ៏ខ្ពស់បំផុតរបស់ក្រុមកម្ពុជានៅក្នុងស៊ីហ្គេម។
ចំពោះកំណត់ត្រាដែលអាក្រក់បំផុតកម្ពុជាបញ្ចប់ចំណាត់ថ្នាក់ចុងគេបំផុតក្នុងពូលរហូតដល់៨លើកដោយ៥លើកគ្មានពិន្ទុរាប់ហើយ២លើកទទួលបាន១ពិន្ទុត្រឡប់មកផ្ទះវិញ។ការបង្ហាញខ្លួនឡើងវិញក្នុងព្រឹត្តិការណ៍ស៊ីហ្គេមនាឆ្នាំ១៩៩៥នៅប្រទេសថៃក្រុមបាល់ទាត់កម្ពុជាទទួលបានមេរៀនដ៏ខកចិត្តបំផុតដោយការប្រកួតចំនួន៤លើកត្រូវបានគូប្រជែងស៊ុតបញ្ចូលទីលើខ្លួនរហូតដល់៣២គ្រាប់និងគ្មានការវាយបកទៅវិញសូម្បីតែ១គ្រាប់៕
© រក្សាសិទ្ធិដោយ thmeythmey.com
«គូលី»មានន័យច្បាស់លាស់ដូចម្តេច?
1 សប្តាហ៍
