កីឡាជាតិ
ស៊ីហ្គេម៖ ប៉េតង់កម្ពុជាចូលក្នុងតំបន់មេដាយពីរវិញ្ញាសាទៀតហើយ
× ក្រុមកីឡាប៉េតង់កម្ពុជា វាយគូនារី និងវាយគូបុរស បានឈានទៅកាន់វគ្គពាក់កណ្តាលផ្តាច់ព្រ័ត្ររៀងៗ បន្ទាប់ពីឆ្លងកាត់ការប្រកួតដ៏តឹងតែងនៅលើទីលាន Padang ប្រទេសសឹង្ហបុរី ពីរថ្ងៃចុងក្រោយនេះ។
សម្រាប់វិញ្ញាសាវាយគូនារី កីឡាការិនី កែ ឡេង និងអ៊ុក ស្រីមុំ បានបញ្ចប់ចំណាត់ថ្នាក់លេខ២នៅវគ្គជម្រុះ ក្រោយជ័យជម្នះ ១១-៧ លើមីយ៉ាន់ម៉ា ១៣-៨ លើឡាវ ១៣-០ លើម៉ាឡេស៊ី ១៣-៧លើសឹង្ហបុរី ១៣-០ លើហ្វីលីពីន និងចាញ់វៀតណាម ១៣-៦ ។
នៅវគ្គពាក់កណ្តាលផ្តាច់ព្រ័ត្រ កែ ឡេង និងអ៊ុក ស្រីមុំ ប៉ះជាមួយក្រុមថៃ ដែលមានកីឡាការិនី ThamakordThongsriនិង WongchuvejPhantipha ខណៈកីឡាការិនី វៀតណាម Ngo ThiHuyen Tran និង Nguyen ThiThiជួបកីឡាការិនីឡាវ KeovongsothSiphachanhនិង SisavathChindavone។
ចំពោះវិញ្ញាសាវាយគូបុរស កីឡាករ ឌី សុបញ្ញា និងយឹម សុភ័ណ្ឌ បានបញ្ចប់ចំណាត់ថ្នាក់លេខ៤នៅវគ្គជម្រុះ ជាមួយនឹងជ័យជម្នះ ១៣-០ លើមីយ៉ាន់ម៉ារ ១៣-១ លើប្រ៊ុយណេ ១៣-២លើឡាវ ១១-៩លើម៉ាឡេស៊ី តែចាញ់សឹង្ហបុរី ១៣-០ ថៃ ១៣-១ វៀតណាម ១៣-០ ។
នៅវគ្គពាក់កណ្តាលផ្តាច់ព្រ័ត្រ ឌី សុបញ្ញា និងយឹម សុភ័ណ្ឌ ប៉ះជាមួយក្រុមថៃ ដែលមានកីឡាករ Phusa-At Thaloengkiatនិង SriboonpengSarawuthខណៈកីឡាករម៉ាឡេស៊ី MusminSaifulBahriនិងTemiziMohamadNuzulAzwanប៉ះកីឡាករក្រុមកីឡាករវៀតណាម Ngo Ron និង Tran Thach Lam៕
© រក្សាសិទ្ធិដោយ thmeythmey.com