ជាតិ
សង្គមជាតិ
លោក ថោង សារ៉ាត់ និងឪពុកម្តាយជាប់ពន្ធនាគារជាង២ឆ្នាំម្នាក់ ពីបទកាន់កាប់អាវុធខុសច្បាប់
×![]()
ភ្នំពេញ៖ នៅរសៀលថ្ងៃទី១៥ ខែមិថុនានេះ ចៅក្រមជំនុំជម្រះនៃសាលាដំបូងរាជធានីភ្នំពេញបានប្រកាសសាលក្រមសម្រេចឃុំខ្លួនលោក ថោង ចំរើន និងអ្នកស្រី កែវ សារី ក្នុងពន្ធនាគារចំនួន២ឆ្នាំម្នាក់ និងពិន័យប្រាក់ចំនួន ៦លានរៀល។ ចំណែកលោក ថោង សារ៉ាត់ និងអង្គរក្សម្នាក់ទៀតជាប់ពន្ធនាគារ ២ ឆ្នាំ ៦ខែ ពិន័យប្រាក់ចំនួនន ៦លានរៀលចូលរដ្ឋ ពីបទកាន់កាប់អាវុធខុសច្បាប់។
ការប្រកាសសាលក្រម នៅរសៀលនេះ ពុំមានវត្តចុងចោទលោក ថោង សារ៉ាត់ លោក ថោង ចំរើន និងអង្គរក្សម្នាក់ទៀតនោះទេ គឺមានតែវត្តមាន អ្នកស្រី កែវ សារី តែប៉ុណ្ណោះ។ បន្ទាប់ពីតុលាការប្រកាសសាលក្រមរួច អ្នកស្រី កែវ សារី មិនបានឆ្លើយតបអ្វីទាំងអស់ទៅកាន់សំណួររបស់អ្នកសារព័ត៌មាន នៅក្នុងតុលាការ។
មេធាវីការពារក្តីឲ្យឪពុកម្តាយលោក ថោង សារ៉ាត់ លោក លីម វណ្ណា បានបញ្ជាក់ប្រាប់អ្នកកាសែតថា តុលាការសម្រចសាលក្រមឃុំខ្លួនកូនក្ដីរបស់លោក ចំនួន២ឆ្នាំ និងបង់ជាទឹកប្រាក់ម្នាក់ ចំនួន៦លានរៀល។ មេធាវីបានបដិសេធសាលក្រមនេះថា កូនក្ដីរបស់លោកមិនបានប្រព្រឹត្តដូចការចោទប្រកាន់នោះទេ ហើយការសម្រេចនេះគឺជាភាពអយុត្តិធម៌សម្រាប់កូនក្ដីលោក។ លោកថា៖«ការចោទគ្មានធាតុផ្សំបទល្មើសគ្រប់គ្រាន់ទេ។ យើងនឹងបន្ដធ្វើបណ្តឹងទាស់រឿងនេះទៅកាន់សាលាឧទ្ធរណ៍ទៀត»។ តែយ៉ាងណា មេធាវីការពារក្តី មិនទាន់កំណត់ថ្ងៃដាក់បណ្តឹងទៅ ឧទ្ធរណ៍នោះទេ ដោយពួកគេរង់ចាំពិភាក្សាជាមួយកូនក្តីជាមុនសិន។
ដោយឡែកលោក ថោង សារ៉ាត់ និងអង្គរក្សម្នាក់ទៀត ឈ្មោះ តាំង សុខ ជាប់ពន្ធនាគារ ២ ឆ្នាំ ៦ខែ ពីបទកាន់កាប់អាវុធខុសច្បាប់ និងបង់ជាទឹកប្រាក់ម្នាក់ ៦លានរៀល។
តាមមាត្រា ៤៩០ នៃក្រមព្រហ្មទណ្ឌ បទកាន់កាប់ឬដឹកជញ្ជូនអាវុធដោយគ្មានការអនុញ្ញាត បានចែងថា គ្រប់បុគ្គលដែលនៅក្រៅលំនៅឋានរបស់ខ្លួនយកតាមខ្លួនឬ ដឹកជញ្ជូននូវអាវុធគ្រឿងផ្ទុះឬគ្រាប់រំសេវគ្រប់ប្រភេទដោយគ្មាន ការអនុញ្ញាតពីអាជ្ញាធរមានសមត្ថកិច្ចត្រូវផ្តន្ទាទោសដាក់ពន្ធនាគារពី ៦ ខែ ទៅ ៣ ឆ្នាំ និងពិន័យជាប្រាក់ពី ១ លានរៀល ទៅ ៦លានរៀល។
គួររម្លឹកថា អំឡុងសវនាការអស់រយៈពេលប្រមាណ ៤ម៉ោង កាលពីរសៀលថ្ងៃទី២០ ខែឧសភា ឧកញ៉ា ថោង សារ៉ាត់ ដែលត្រូវបានចោទប្រកាន់ថា ជាអ្នកផ្តើមគំនិតនៅក្នុងករណីបាញ់សម្លាប់ឧកញ៉ា អ៊ឹង ម៉េងជឺ កាលពីថ្ងៃទី២២ ខែវិច្ឆិកា ឆ្នាំ២០១៤ និងបទចោទប្រកាន់មួយទៀត ពាក់ព័ន្ធនឹងករណីកាន់កាប់អាវុធខុសច្បាប់។ ជាមួយគ្នានេះ លោក ថោង ចំរើន និងលោកស្រី កែវ សារី ដែលត្រូវជាឪពុកម្តាយលោក ថោង សារ៉ាត់ ដែលត្រូវបាន ចោទប្រកាន់ពាក់ព័ន្ធនឹងការកាន់កាប់អាវុធគ្មានច្បាប់អនុញ្ញាត ក៏បានចូលរួមសវនាការផងដែរ។
ចៅក្រមជំនុំជម្រះលោក ឃី ឆៃ បានប្រាប់តុលាការថា នគរបាលបានចុះទៅផ្ទះរបស់អ្នកទាំងបីនាក់កាលពីខែធ្នូ បន្ទាប់ពីករណីឃាតកម្មលើឧញ៉ា អ៊ឹង ម៉េងជឺ ដោយរកឃើញគ្រាប់កាំភ្លើង និងអាវុធចំនួន ១៥ដើម ក្នុងនោះ កាំភ្លើង AK-47 ចំនួនបួនដើម។ លោកបញ្ជាក់ថា ក្នុងចំណោមអាវុធ ទាំងអស់ ពួកគេមានអាជ្ញាប័ណ្ណស្របច្បាប់កាន់កាប់តែពីរប៉ុណ្ណោះ។
ជាមួយគ្នាកាលនោះ ឧត្តមសេនីយ៍ទោ មាស វណ្ណា នាយករងខុទ្ទាកាល័យក្រសួងការពារជាតិ បានថ្លែងបញ្ជាក់ប្រាប់តុលាការថា ក្រសួងបានចេញអាជ្ញាប័ណ្ណកាំភ្លើងចំនួន ៩ដើមដល់លោក ថោង សារ៉ាត់ កាលពីខែមិថុនា ឆ្នាំ២០១៤ និង ២ដើមទៅលោក ថោង ចំរើន និងលោកស្រី កែវ សារី សម្រាប់បំពេញបេសកកម្ម។ លោកថា៖«លិខិតអនុញ្ញាតប្រើប្រាស់កាំភ្លើងទាំង ១១ ដើមនេះ នៅមានសុពលភាពនៅឡើយ សម្រាប់បំពេញបេសកកម្មឲ្យក្រសួង។ ប៉ុន្តែខ្ញុំមិនអាចបញ្ជាក់លើសពីនេះទេ ព្រោះនេះ ការសម្ងាត់របស់ជាតិ»៕
ការប្រកាសសាលក្រម នៅរសៀលនេះ ពុំមានវត្តចុងចោទលោក ថោង សារ៉ាត់ លោក ថោង ចំរើន និងអង្គរក្សម្នាក់ទៀតនោះទេ គឺមានតែវត្តមាន អ្នកស្រី កែវ សារី តែប៉ុណ្ណោះ។ បន្ទាប់ពីតុលាការប្រកាសសាលក្រមរួច អ្នកស្រី កែវ សារី មិនបានឆ្លើយតបអ្វីទាំងអស់ទៅកាន់សំណួររបស់អ្នកសារព័ត៌មាន នៅក្នុងតុលាការ។
មេធាវីការពារក្តីឲ្យឪពុកម្តាយលោក ថោង សារ៉ាត់ លោក លីម វណ្ណា បានបញ្ជាក់ប្រាប់អ្នកកាសែតថា តុលាការសម្រចសាលក្រមឃុំខ្លួនកូនក្ដីរបស់លោក ចំនួន២ឆ្នាំ និងបង់ជាទឹកប្រាក់ម្នាក់ ចំនួន៦លានរៀល។ មេធាវីបានបដិសេធសាលក្រមនេះថា កូនក្ដីរបស់លោកមិនបានប្រព្រឹត្តដូចការចោទប្រកាន់នោះទេ ហើយការសម្រេចនេះគឺជាភាពអយុត្តិធម៌សម្រាប់កូនក្ដីលោក។ លោកថា៖«ការចោទគ្មានធាតុផ្សំបទល្មើសគ្រប់គ្រាន់ទេ។ យើងនឹងបន្ដធ្វើបណ្តឹងទាស់រឿងនេះទៅកាន់សាលាឧទ្ធរណ៍ទៀត»។ តែយ៉ាងណា មេធាវីការពារក្តី មិនទាន់កំណត់ថ្ងៃដាក់បណ្តឹងទៅ ឧទ្ធរណ៍នោះទេ ដោយពួកគេរង់ចាំពិភាក្សាជាមួយកូនក្តីជាមុនសិន។
ដោយឡែកលោក ថោង សារ៉ាត់ និងអង្គរក្សម្នាក់ទៀត ឈ្មោះ តាំង សុខ ជាប់ពន្ធនាគារ ២ ឆ្នាំ ៦ខែ ពីបទកាន់កាប់អាវុធខុសច្បាប់ និងបង់ជាទឹកប្រាក់ម្នាក់ ៦លានរៀល។
តាមមាត្រា ៤៩០ នៃក្រមព្រហ្មទណ្ឌ បទកាន់កាប់ឬដឹកជញ្ជូនអាវុធដោយគ្មានការអនុញ្ញាត បានចែងថា គ្រប់បុគ្គលដែលនៅក្រៅលំនៅឋានរបស់ខ្លួនយកតាមខ្លួនឬ ដឹកជញ្ជូននូវអាវុធគ្រឿងផ្ទុះឬគ្រាប់រំសេវគ្រប់ប្រភេទដោយគ្មាន ការអនុញ្ញាតពីអាជ្ញាធរមានសមត្ថកិច្ចត្រូវផ្តន្ទាទោសដាក់ពន្ធនាគារពី ៦ ខែ ទៅ ៣ ឆ្នាំ និងពិន័យជាប្រាក់ពី ១ លានរៀល ទៅ ៦លានរៀល។
គួររម្លឹកថា អំឡុងសវនាការអស់រយៈពេលប្រមាណ ៤ម៉ោង កាលពីរសៀលថ្ងៃទី២០ ខែឧសភា ឧកញ៉ា ថោង សារ៉ាត់ ដែលត្រូវបានចោទប្រកាន់ថា ជាអ្នកផ្តើមគំនិតនៅក្នុងករណីបាញ់សម្លាប់ឧកញ៉ា អ៊ឹង ម៉េងជឺ កាលពីថ្ងៃទី២២ ខែវិច្ឆិកា ឆ្នាំ២០១៤ និងបទចោទប្រកាន់មួយទៀត ពាក់ព័ន្ធនឹងករណីកាន់កាប់អាវុធខុសច្បាប់។ ជាមួយគ្នានេះ លោក ថោង ចំរើន និងលោកស្រី កែវ សារី ដែលត្រូវជាឪពុកម្តាយលោក ថោង សារ៉ាត់ ដែលត្រូវបាន ចោទប្រកាន់ពាក់ព័ន្ធនឹងការកាន់កាប់អាវុធគ្មានច្បាប់អនុញ្ញាត ក៏បានចូលរួមសវនាការផងដែរ។
ចៅក្រមជំនុំជម្រះលោក ឃី ឆៃ បានប្រាប់តុលាការថា នគរបាលបានចុះទៅផ្ទះរបស់អ្នកទាំងបីនាក់កាលពីខែធ្នូ បន្ទាប់ពីករណីឃាតកម្មលើឧញ៉ា អ៊ឹង ម៉េងជឺ ដោយរកឃើញគ្រាប់កាំភ្លើង និងអាវុធចំនួន ១៥ដើម ក្នុងនោះ កាំភ្លើង AK-47 ចំនួនបួនដើម។ លោកបញ្ជាក់ថា ក្នុងចំណោមអាវុធ ទាំងអស់ ពួកគេមានអាជ្ញាប័ណ្ណស្របច្បាប់កាន់កាប់តែពីរប៉ុណ្ណោះ។
ជាមួយគ្នាកាលនោះ ឧត្តមសេនីយ៍ទោ មាស វណ្ណា នាយករងខុទ្ទាកាល័យក្រសួងការពារជាតិ បានថ្លែងបញ្ជាក់ប្រាប់តុលាការថា ក្រសួងបានចេញអាជ្ញាប័ណ្ណកាំភ្លើងចំនួន ៩ដើមដល់លោក ថោង សារ៉ាត់ កាលពីខែមិថុនា ឆ្នាំ២០១៤ និង ២ដើមទៅលោក ថោង ចំរើន និងលោកស្រី កែវ សារី សម្រាប់បំពេញបេសកកម្ម។ លោកថា៖«លិខិតអនុញ្ញាតប្រើប្រាស់កាំភ្លើងទាំង ១១ ដើមនេះ នៅមានសុពលភាពនៅឡើយ សម្រាប់បំពេញបេសកកម្មឲ្យក្រសួង។ ប៉ុន្តែខ្ញុំមិនអាចបញ្ជាក់លើសពីនេះទេ ព្រោះនេះ ការសម្ងាត់របស់ជាតិ»៕
© រក្សាសិទ្ធិដោយ thmeythmey.com
«ប្រេសិត»មានន័យដូចម្តេច?
7 ថ្ងៃ
