អន្តរជាតិ
នយោបាយអន្តរជាតិ
×![]()
ដោយ: ថ្មីៗ
រដ្ឋាភិបាលរុស្ស៊ីបានប្រកាសជាថ្មីថា ខ្លួនមិនដែលមានបំណងប្រណាំងប្រជែងសព្វាវុធជាមួយអ្នកណាឡើយ។ រដ្ឋាភិបាលរុស្ស៊ីបានសង្កត់ធ្ងន់ថា រុស្ស៊ីមិនបានលើកទ័ពដាក់ក្បែរព្រំដែនអ្នកណាឡើយ ហើយបើគ្មានការបង្ករឿងពីខាងក្រៅ រុស្ស៊ីក៏មិនចាំបាច់ត្រូវបង្កើនទ័ពការពារខ្លួនដែរ។ ការលើកឡើងនេះដើម្បីឆ្លើយតបនឹងការចោទប្រកាន់របស់លោកខាងលិចដែលបញ្ជាក់ថារុស្ស៊ីកំពុងទាញពិភពលោកឲ្យចូលក្នុងសង្គ្រាមត្រជាក់ជាថ្មី។
លោក ជាវ សំណាង លម្អិតព័ត៌មាននេះ
ការប្រកាសបំពាក់ក្បាលគ្រាប់នុយក្លេអ៊ែរលើកាំជ្រួចអន្តរទ្វីបបន្ថែម និងអនុវត្តទំនើបកម្មយោធារុស្ស៊ី បានធ្វើឲ្យលោកខាងលិចជាពិសេសណាតូ និងសហរដ្ឋអាមេរិកខឹងផងភ័យផង។ អាមេរិក និងណាតូ បានហៅទង្វើរបស់ប្រមុខរដ្ឋរុស្ស៊ីថាជា ការបង្កគ្រោះថ្នាក់ និងព្យាយាមអូសទាញពិភពលោកឲ្យធ្លាក់ចូលក្នុងសង្គ្រាមត្រជាក់ជាថ្មី និងប្រើប្រាស់ការប្រណាំងប្រជែងអាវុធនុយក្លេអ៊ែរផង។
យ៉ាងណាក៏ដោយនៅថ្ងៃព្រហស្បតិ៍នេះរដ្ឋាភិបាលក្រេមឡាំងបានប្រកាសជាថ្មីទៀតថា រុស្ស៊ីគ្មានចេតនាប្រណាំងប្រជែងអាវុធជាមួយរដ្ឋណាមួយឡើយ។ សម្រាប់រដ្ឋាភិបាលក្រុងម៉ូស្គូ ការប្រឡូកក្នុងសកម្មភាពប្រជែងសព្វាវុធ នឹងធ្វើឲ្យសេដ្ឋកិច្ចរុស្ស៊ីទន់ខ្សោយ ប៉ុន្តែរុស្ស៊ីនៅតែរក្សាសិទ្ធិប្រើប្រាស់អំណាចស្វ័យការពារ ទប់ទល់រាល់សត្រូវខាងក្រៅ។
រុស្ស៊ីពង្រឹងកម្លាំងយោធា ដោយប្រើប្រាស់សិទ្ធិការពារខ្លួន ប្រឆាំងរាល់ការគំរាមកំហែងសន្តិសុខពីខាងក្រៅ។ អ្នកនាំពាក្យរដ្ឋាភិបាលក្រេមឡាំង Dmitry Peskov បានលើកឡើងថា រុស្ស៊ីមិនបានដឹកទ័ពទៅដាក់ព្រំដែនអ្នកណាមួយទេ ក្នុងគោលបំណងបង្កបញ្ហាឡើយ។ ប៉ុន្តែបក្សសម្ព័ន្ធយោធាណាតូឯណោះទេ ដែលបង្កើនចំនួនទ័ពឥតឈប់ និងចេះតែបញ្ជូនទ័ពមកកៀកជិតរុស្ស៊ីពីមួយថ្ងៃទៅមួយថ្ងៃ។ ដូច្នេះបើនិយាយថា រុស្ស៊ីចង់ប្រណាំងសព្វាវុធនិងទាញពិភពលោកឲ្យធ្លាក់ក្នុងសង្គ្រាមត្រជាក់ជាថ្មីនោះ នោះវាជារឿងមិនត្រឹមត្រូវសោះ។
សម្រាប់រុស្ស៊ី ការតបតវិញដោយអាវុធ ជាសិទ្ធិ និងយុទ្ធសាស្ត្ររបស់រុស្ស៊ីប៉ុណ្ណោះ ព្រោះរុស្ស៊ីមិនអាចនៅស្ងៀមរង់ចាំឲ្យគេជាន់ឡើយ។ បើមានការពង្រាយសព្វាវុធតាមព្រំដែនរុស្ស៊ីដូចអាមេរិកចង់បានមែននោះ ការប្រឈមមុខដាក់គ្នាដោយអាវុធនឹងចៀសមិនរួចឡើយ។
ដោយសារវិបត្តិនៅអ៊ុយក្រែននិងការលេបយកទឹកដី Crimea សហរដ្ឋអាមេរិក និង សមាជិកណាតូ បានលេសដើម្បីដាក់កងទ័ព ធ្វើសមយុទ្ធយោធាបន្តបន្ទាប់គ្នា ហើយអ្វីដែលរុស្ស៊ីចាត់ទុកជាគ្រោះថ្នាក់នោះ គឺគម្រោងដាក់អាវុធធុនធ្ងន់ និងការតំឡើងប្រព័ន្ធការពារដែនអាកាសរបស់អាមេរិកនៅអឺរ៉ុបខាងកើត និងបាល់ទិក។ រដ្ឋបាល់ទិកមួយចំនួនកំពុងតែប្រឹងបញ្ចុះបញ្ចូលឲ្យក្រុងវ៉ាស៊ីនតោនការពារខ្លួន ដោយពង្រាយទ័ព និងអាវុធ ព្រោះពួកគេភ័យថា មិនយូរមិនឆាប់រុស្ស៊ីនឹងវាតទីដល់ដីពួកគេដូចគ្នា។
ជុំវិញរឿងពង្រាយទ័ពនិងអាវុធទៅអឺរ៉ុបរបស់អាមេរិក ប្រហែលជាមិនមែនជារឿងងាយស្រួលឡើយ។ កន្លងមកអ្នកនយោបាយអាមេរិកនៅបន្តខ្វែងគំនិតគ្នាជុំវិញវិធានការដែលត្រូវប្រើប្រាស់ដើម្បីដាក់គំនៀបលើរុស្ស៊ីដែលលូកដៃក្នុងបញ្ហាអ៊ុយក្រែន។ វិធានការក្តៅ ប្រហែលជាមិនមែនជាវិធានការចាំបាច់ និងត្រឹមត្រូវដែលអាមេរិកត្រូវរើសយកមកប្រើជាមួយរុស្ស៊ីឡើយ ព្រោះវាជាយុទ្ធសាស្ត្រដ៏គ្រោះថ្នាក់មួយ៕
លោក ជាវ សំណាង លម្អិតព័ត៌មាននេះ
ការប្រកាសបំពាក់ក្បាលគ្រាប់នុយក្លេអ៊ែរលើកាំជ្រួចអន្តរទ្វីបបន្ថែម និងអនុវត្តទំនើបកម្មយោធារុស្ស៊ី បានធ្វើឲ្យលោកខាងលិចជាពិសេសណាតូ និងសហរដ្ឋអាមេរិកខឹងផងភ័យផង។ អាមេរិក និងណាតូ បានហៅទង្វើរបស់ប្រមុខរដ្ឋរុស្ស៊ីថាជា ការបង្កគ្រោះថ្នាក់ និងព្យាយាមអូសទាញពិភពលោកឲ្យធ្លាក់ចូលក្នុងសង្គ្រាមត្រជាក់ជាថ្មី និងប្រើប្រាស់ការប្រណាំងប្រជែងអាវុធនុយក្លេអ៊ែរផង។
យ៉ាងណាក៏ដោយនៅថ្ងៃព្រហស្បតិ៍នេះរដ្ឋាភិបាលក្រេមឡាំងបានប្រកាសជាថ្មីទៀតថា រុស្ស៊ីគ្មានចេតនាប្រណាំងប្រជែងអាវុធជាមួយរដ្ឋណាមួយឡើយ។ សម្រាប់រដ្ឋាភិបាលក្រុងម៉ូស្គូ ការប្រឡូកក្នុងសកម្មភាពប្រជែងសព្វាវុធ នឹងធ្វើឲ្យសេដ្ឋកិច្ចរុស្ស៊ីទន់ខ្សោយ ប៉ុន្តែរុស្ស៊ីនៅតែរក្សាសិទ្ធិប្រើប្រាស់អំណាចស្វ័យការពារ ទប់ទល់រាល់សត្រូវខាងក្រៅ។
រុស្ស៊ីពង្រឹងកម្លាំងយោធា ដោយប្រើប្រាស់សិទ្ធិការពារខ្លួន ប្រឆាំងរាល់ការគំរាមកំហែងសន្តិសុខពីខាងក្រៅ។ អ្នកនាំពាក្យរដ្ឋាភិបាលក្រេមឡាំង Dmitry Peskov បានលើកឡើងថា រុស្ស៊ីមិនបានដឹកទ័ពទៅដាក់ព្រំដែនអ្នកណាមួយទេ ក្នុងគោលបំណងបង្កបញ្ហាឡើយ។ ប៉ុន្តែបក្សសម្ព័ន្ធយោធាណាតូឯណោះទេ ដែលបង្កើនចំនួនទ័ពឥតឈប់ និងចេះតែបញ្ជូនទ័ពមកកៀកជិតរុស្ស៊ីពីមួយថ្ងៃទៅមួយថ្ងៃ។ ដូច្នេះបើនិយាយថា រុស្ស៊ីចង់ប្រណាំងសព្វាវុធនិងទាញពិភពលោកឲ្យធ្លាក់ក្នុងសង្គ្រាមត្រជាក់ជាថ្មីនោះ នោះវាជារឿងមិនត្រឹមត្រូវសោះ។
សម្រាប់រុស្ស៊ី ការតបតវិញដោយអាវុធ ជាសិទ្ធិ និងយុទ្ធសាស្ត្ររបស់រុស្ស៊ីប៉ុណ្ណោះ ព្រោះរុស្ស៊ីមិនអាចនៅស្ងៀមរង់ចាំឲ្យគេជាន់ឡើយ។ បើមានការពង្រាយសព្វាវុធតាមព្រំដែនរុស្ស៊ីដូចអាមេរិកចង់បានមែននោះ ការប្រឈមមុខដាក់គ្នាដោយអាវុធនឹងចៀសមិនរួចឡើយ។
ដោយសារវិបត្តិនៅអ៊ុយក្រែននិងការលេបយកទឹកដី Crimea សហរដ្ឋអាមេរិក និង សមាជិកណាតូ បានលេសដើម្បីដាក់កងទ័ព ធ្វើសមយុទ្ធយោធាបន្តបន្ទាប់គ្នា ហើយអ្វីដែលរុស្ស៊ីចាត់ទុកជាគ្រោះថ្នាក់នោះ គឺគម្រោងដាក់អាវុធធុនធ្ងន់ និងការតំឡើងប្រព័ន្ធការពារដែនអាកាសរបស់អាមេរិកនៅអឺរ៉ុបខាងកើត និងបាល់ទិក។ រដ្ឋបាល់ទិកមួយចំនួនកំពុងតែប្រឹងបញ្ចុះបញ្ចូលឲ្យក្រុងវ៉ាស៊ីនតោនការពារខ្លួន ដោយពង្រាយទ័ព និងអាវុធ ព្រោះពួកគេភ័យថា មិនយូរមិនឆាប់រុស្ស៊ីនឹងវាតទីដល់ដីពួកគេដូចគ្នា។
ជុំវិញរឿងពង្រាយទ័ពនិងអាវុធទៅអឺរ៉ុបរបស់អាមេរិក ប្រហែលជាមិនមែនជារឿងងាយស្រួលឡើយ។ កន្លងមកអ្នកនយោបាយអាមេរិកនៅបន្តខ្វែងគំនិតគ្នាជុំវិញវិធានការដែលត្រូវប្រើប្រាស់ដើម្បីដាក់គំនៀបលើរុស្ស៊ីដែលលូកដៃក្នុងបញ្ហាអ៊ុយក្រែន។ វិធានការក្តៅ ប្រហែលជាមិនមែនជាវិធានការចាំបាច់ និងត្រឹមត្រូវដែលអាមេរិកត្រូវរើសយកមកប្រើជាមួយរុស្ស៊ីឡើយ ព្រោះវាជាយុទ្ធសាស្ត្រដ៏គ្រោះថ្នាក់មួយ៕
© រក្សាសិទ្ធិដោយ thmeythmey.com
