សង្គមអន្តរជាតិ
អន្តរជាតិ
ទឹកដោះមនុស្សស្រស់មានលក់នៅក្នុងហាងមួយនៅជប៉ុន
×
« ខ្ញុំសុំទឹកដោះមនុស្សស្រស់មួយកែវមក! »។ ស្តាប់មើលទៅ ការស្នើរបស់អតិថិជននេះហាក់ដូចជាប្លែកត្រចៀកបន្តិច ប៉ុន្តែបើនៅប្រទេសជប៉ុនវិញវាគ្មានអ្វីប្លែកនោះទេ។ ទឹកដោះមនុស្សគឺជាភេសជ្ជៈពិសេសប្រចាំហាងBonyu Barដែលស្ថិតនៅក្នុងសង្កាត់ក្រហមនៃក្រុងតូក្យូ។ ស្ត្រីវ័យក្មេងអាយុក្រោម ៣០ ឆ្នាំបីនាក់ដែលស្ថិតក្នុងអំឡុងពេលផលិតទឹកដោះនៅរង់ចាំបម្រើសេចក្តីត្រូវការរបស់អតិថិជនជានិច្ច។
ទឹកដោះមនុស្សស្រស់នេះមួយកែវតម្លៃ២ ០០០ យ៉េន (ស្មើនឹង ១៥ អឺរ៉ូ)។ បើចំណាយ៥ ០០០ យ៉េន (៣៨ អឺរ៉ូ)ភ្ញៀវអាចសុំបៅដោះផ្ទាល់តែម្តង ដោយមានការអង្អែលក្បាលថ្នមៗពី «ស្ត្រីមេដោះ» ដែលខ្លួនបានជ្រើសរើស។
ភ្ញៀវប្រចាំរបស់ហាងនេះភាគច្រើនមានអាយុចន្លោះពី ៣០ ដល់ ៤០ ឆ្នាំ តែក៏អាចមានភ្ញៀវខ្លះអាយុដល់៦០ឆ្នាំដែរ។ មកទល់ពេលនេះ អាជ្ញាធរជប៉ុនមិនបានប្រឆាំងអ្វីនឹងគំនិតនេះទេ។ វាជាការពិតណាស់ដែលថា «ទឹកដោះម្តាយ»គឺជាឱសថដ៏ល្អមួយប្រឆាំងនឹងជំងឺ៕
© រក្សាសិទ្ធិដោយ thmeythmey.com