ជាតិ
នយោបាយជាតិ
លោក ម៉ៅ ពិសេស៖ខ្ញុំហ៊ានបបួលលោក ហ៊ុន សែន ស្បថ រឿងអ្វីខ្លាចក្រុមស្បថជំនួស
×![]()
លោក ម៉ៅ ពិសេស ប្រធានសហព័ន្ធនិស្សិតបញ្ញវន្តកម្ពុជា មិនចាប់អារម្មណ៍នឹងការបបួលស្បថនៅមុខព្រះអង្គដងកើរបស់ក្រុមនិស្សិតក្មេងវត្ត និងក្រុមសម្ព័ន្ធសេនានាគ ដែលមាននិន្នាការទៅរកគណបក្សប្រជាជនកម្ពុជាឡើយ។ លោកថា ក្រុមនិស្សិតទាំងនេះ គ្រាន់តែចង់បង្ហាញពីឆន្ទៈគាំទ្ររដ្ឋាភិបាល ដើម្បីតម្លៃតួនាទី នៅក្នុងក្រុមយុវជនគណបក្សកាន់អំណាចប៉ុណ្ណោះ។ ការឆ្លើយតបរបស់លោក ម៉ៅ ពិសេស បែបនេះធ្វើឡើងក្រោយពីក្រុមនិស្សិតមាននិន្នាការគាំទ្រគណបក្សប្រជាជន ថារូបលោកជាមនុស្សនិយាយបោកប្រាស់ មិនហ៊ានទៅស្បថជាមួយពួកគេនៅមុខព្រះអង្គដងកើ។
«ពួកគាត់ទាំងនោះដូចក្មេង ចរិតដូចក្មេងហ្នឹង។ខ្ញុំមិនចាប់អារម្មណ៍នឹងការបបួលខ្ញុំស្បថនៅមុខព្រះអង្គដងកើនោះទេ។ នេះជាការបញ្ជាក់របស់លោក ម៉ៅ ពិសេស ប្រធានសហព័ន្ធនិស្សិតបញ្ញវន្តកម្ពុជា ដែលកំពុងឆ្លើយតបនឹងក្រុមនិស្សិតបញ្ញវន្តដែលសុំចូលខ្លួនស្បថនៅមុខព្រះអង្គដងកើជំនួសលោកនាយរដ្ឋមន្ត្រី ហ៊ុន សែន ជាមួយលោកលោក ម៉ៅ ពិសេស ។
ប្រធានសហព័ន្ធនិស្សិតបញ្ញវន្តដែលមាននិន្នាការប្រឆាំងរដ្ឋាភិបាលរូបនេះ ទទួលស្គាល់ថា រូបលោកពិតជាបានទទួលលិខិតបបួលស្បថពីក្រុមនិស្សិតសម្ព័ន្ធសេនានាគពិតមែន។ តែលិខិតនោះគឺមិនត្រឹមត្រូវពោលគឺមិនបានបញ្ជាក់ពីពេលវេលាកំណត់ស្បថនៅព្រះអង្គដងកើឡើយ ដូច្នេះលោកមិនបានដឹងច្បាស់ពីពេលវេលានៃការស្បថនោះទេ។
លោក ម៉ៅ ពិសេស អះអាងថា លោកមិនខ្លាចនឹងប្រឈមមុខស្បថតទល់ជាមួយក្រុមនិស្សិតទាំងនោះឡើយ។ថ្លែងប្រាប់សារព័ត៌មានថ្មីៗ ប្រធានសហព័ន្ធនិស្សិតបញ្ញវន្តរូបនេះ បានឆ្លើយតបនឹងក្រុមនិស្សិតគាំទ្ររដ្ឋាភិបាលយ៉ាងដូច្នេះថា៖«បើពួកគាត់ដាក់លិខិតមកបបួលខ្ញុំស្បថម្ដងទៀតឲ្យបានត្រឹមត្រូវ ខ្ញុំនឹងពិចារណាស្បថជាមួយពួកគាត់។ខ្ញុំមិនខ្លាចពួកគាត់នោះទេ។ខ្ញុំហ៊ានបបួលលោកនាយករដ្ឋមន្ត្រីហ៊ុន សែន ស្បថ រឿងអ្វីខ្ញុំទៅខ្លាចពួកគាត់ ។ ពួកគាត់គ្រាន់តែសម្ដែងកេងចំណេញក្រេឌីត នៅក្នុងជួរគណបក្សខ្លួនប៉ុណ្ណោះ»។
កន្លងមកលោក ម៉ៅ ពិសេស ដែលជាប្រធានសហព័ន្ធនិស្សិតបញ្ញវន្តកម្ពុជា បានប្រកាសចេញមុខស្បថតទល់ជាមួយលោក នាយករដ្ឋមន្ត្រីហ៊ុន សែន នៅមុខព្រះអង្គដងកើ កាលពីថ្ងៃទី៩មិថុនា។
លិខិតលោក ម៉ៅ ពិសេសស្នើទៅលោកនាយករដ្ឋមន្ត្រី ហ៊ុន សែននោះ បានសរសេរថា៖«ខ្ញុំសូមចេញមុខចូលរួមស្បថតទល់ជាមួយសម្តេចនៅមុខព្រះអង្គដងកើ ដើម្បីបញ្ជាក់ពីភាពស្អាតស្អំរបស់សម្តេច និងគណបក្សប្រជាជនចំពោះការចោទប្រកាន់ថាគណបក្សប្រជាជន បានលួចបន្លំលទ្ធផលបោះឆ្នោតកាលពីពេលបោះឆ្នោតឆ្នាំ២០១៣កន្លងមក»។ លិខិតដដែលបន្តថា៖«ប្រសិនបើសម្តេចមិនហ៊ានចូលស្បថជាមួយខ្ញុំនោះទេ បញ្ជាក់ថាសម្តេចបានចាញ់ឆ្នោតកាលពីឆ្នាំ២០១៣ ពិតប្រាកដមែន ហើយគណប្រជាជនទទួលបាន៦៨អាសនៈ គឺបានមកពីការលួចបន្លំ»។
នៅព្រឹកថ្ងៃទី២១មិថុនានេះ ក្រុមនិស្សិតក្មេងវត្ត ក្រុមសម្ព័ន្ធសេនានាគ និងក្រុមឆន្ទៈយុវជនឆ្លងដែនជាច្រើននាក់ ដែលមាននិន្នាការទៅរកគណបក្សប្រជាជនកម្ពុជា បាននាំគ្នាមកមុខព្រះអង្គដងកើ ដើម្បីស្បថជាមួយលោក ម៉ៅ ពិសេស ប្រធានសហព័ន្ធនិស្សិតបញ្ញវន្តកម្ពុជា។ ប៉ុន្ដែការស្បថនេះ មិនបានប្រព្រឹត្តដូចការគ្រោងទុកនោះទេ ដោយសារតែភាគីសហព័ន្ធនិស្សិតបញ្ញវន្តកម្ពុជាលោក ម៉ៅ ពិសេស មិនមានវត្តមាននៅមុខព្រះអង្គដងកើនោះឡើយ។
តំណាងបញ្ញវន្ដនិស្សិតក្មេងវត្តលោក ចៅ សម្បត្តិ ដែលសុំចូលខ្លួនស្បថតទល់ជាមួយលោក ម៉ៅ ពិសេស ជំនួសលោកនាយករដ្ឋមន្ត្រី ហ៊ុន សែន បានចោទលោក ម៉ៅ ពិសេសវិញថា «ជាមនុស្សប្រជាភិថុតប្រជាពលរដ្ឋ ចេះតែនិយាយប្រោកប្រាស់ មិនពិត។ ចេះតែនិយាយតែមិនធ្វើ»។
គួរបញ្ជាក់ថា ល្បែងបបួលគ្នាស្បថរវាងក្រុមនិស្សិតបញ្ញវន្ត ដែលមាននិន្នាការគាំទ្រគណបក្សប្រឆាំង និងម្ខាងទៀតមាននិន្នាការគាំទ្រគណបក្សកាន់អំណាចនាពេលនេះ គឺធ្វើឡើងក្រោយពីលោកនាយករដ្ឋមន្ត្រី ហ៊ុន សែន គ្រោងបបួលលោក សម រង្ស៊ី ប្រធានគណបក្សសង្គ្រោះជាតិ និងជាដៃគូរសន្ទនាជាមួយលោក ស្បថនៅមុខព្រះអង្គដងកើ តាមរយៈវប្បធម៌សន្ទនា ដែលលោក សម រង្ស៊ី តែងតែចោទរដ្ឋាភិបាលលោក ហ៊ុន សែន ថា បានលួចសន្លឹកឆ្នោតកាលពីឆ្នាំ២០១៣កន្លងទៅ៕
«ពួកគាត់ទាំងនោះដូចក្មេង ចរិតដូចក្មេងហ្នឹង។ខ្ញុំមិនចាប់អារម្មណ៍នឹងការបបួលខ្ញុំស្បថនៅមុខព្រះអង្គដងកើនោះទេ។ នេះជាការបញ្ជាក់របស់លោក ម៉ៅ ពិសេស ប្រធានសហព័ន្ធនិស្សិតបញ្ញវន្តកម្ពុជា ដែលកំពុងឆ្លើយតបនឹងក្រុមនិស្សិតបញ្ញវន្តដែលសុំចូលខ្លួនស្បថនៅមុខព្រះអង្គដងកើជំនួសលោកនាយរដ្ឋមន្ត្រី ហ៊ុន សែន ជាមួយលោកលោក ម៉ៅ ពិសេស ។
ប្រធានសហព័ន្ធនិស្សិតបញ្ញវន្តដែលមាននិន្នាការប្រឆាំងរដ្ឋាភិបាលរូបនេះ ទទួលស្គាល់ថា រូបលោកពិតជាបានទទួលលិខិតបបួលស្បថពីក្រុមនិស្សិតសម្ព័ន្ធសេនានាគពិតមែន។ តែលិខិតនោះគឺមិនត្រឹមត្រូវពោលគឺមិនបានបញ្ជាក់ពីពេលវេលាកំណត់ស្បថនៅព្រះអង្គដងកើឡើយ ដូច្នេះលោកមិនបានដឹងច្បាស់ពីពេលវេលានៃការស្បថនោះទេ។
លោក ម៉ៅ ពិសេស អះអាងថា លោកមិនខ្លាចនឹងប្រឈមមុខស្បថតទល់ជាមួយក្រុមនិស្សិតទាំងនោះឡើយ។ថ្លែងប្រាប់សារព័ត៌មានថ្មីៗ ប្រធានសហព័ន្ធនិស្សិតបញ្ញវន្តរូបនេះ បានឆ្លើយតបនឹងក្រុមនិស្សិតគាំទ្ររដ្ឋាភិបាលយ៉ាងដូច្នេះថា៖«បើពួកគាត់ដាក់លិខិតមកបបួលខ្ញុំស្បថម្ដងទៀតឲ្យបានត្រឹមត្រូវ ខ្ញុំនឹងពិចារណាស្បថជាមួយពួកគាត់។ខ្ញុំមិនខ្លាចពួកគាត់នោះទេ។ខ្ញុំហ៊ានបបួលលោកនាយករដ្ឋមន្ត្រីហ៊ុន សែន ស្បថ រឿងអ្វីខ្ញុំទៅខ្លាចពួកគាត់ ។ ពួកគាត់គ្រាន់តែសម្ដែងកេងចំណេញក្រេឌីត នៅក្នុងជួរគណបក្សខ្លួនប៉ុណ្ណោះ»។
កន្លងមកលោក ម៉ៅ ពិសេស ដែលជាប្រធានសហព័ន្ធនិស្សិតបញ្ញវន្តកម្ពុជា បានប្រកាសចេញមុខស្បថតទល់ជាមួយលោក នាយករដ្ឋមន្ត្រីហ៊ុន សែន នៅមុខព្រះអង្គដងកើ កាលពីថ្ងៃទី៩មិថុនា។
លិខិតលោក ម៉ៅ ពិសេសស្នើទៅលោកនាយករដ្ឋមន្ត្រី ហ៊ុន សែននោះ បានសរសេរថា៖«ខ្ញុំសូមចេញមុខចូលរួមស្បថតទល់ជាមួយសម្តេចនៅមុខព្រះអង្គដងកើ ដើម្បីបញ្ជាក់ពីភាពស្អាតស្អំរបស់សម្តេច និងគណបក្សប្រជាជនចំពោះការចោទប្រកាន់ថាគណបក្សប្រជាជន បានលួចបន្លំលទ្ធផលបោះឆ្នោតកាលពីពេលបោះឆ្នោតឆ្នាំ២០១៣កន្លងមក»។ លិខិតដដែលបន្តថា៖«ប្រសិនបើសម្តេចមិនហ៊ានចូលស្បថជាមួយខ្ញុំនោះទេ បញ្ជាក់ថាសម្តេចបានចាញ់ឆ្នោតកាលពីឆ្នាំ២០១៣ ពិតប្រាកដមែន ហើយគណប្រជាជនទទួលបាន៦៨អាសនៈ គឺបានមកពីការលួចបន្លំ»។
នៅព្រឹកថ្ងៃទី២១មិថុនានេះ ក្រុមនិស្សិតក្មេងវត្ត ក្រុមសម្ព័ន្ធសេនានាគ និងក្រុមឆន្ទៈយុវជនឆ្លងដែនជាច្រើននាក់ ដែលមាននិន្នាការទៅរកគណបក្សប្រជាជនកម្ពុជា បាននាំគ្នាមកមុខព្រះអង្គដងកើ ដើម្បីស្បថជាមួយលោក ម៉ៅ ពិសេស ប្រធានសហព័ន្ធនិស្សិតបញ្ញវន្តកម្ពុជា។ ប៉ុន្ដែការស្បថនេះ មិនបានប្រព្រឹត្តដូចការគ្រោងទុកនោះទេ ដោយសារតែភាគីសហព័ន្ធនិស្សិតបញ្ញវន្តកម្ពុជាលោក ម៉ៅ ពិសេស មិនមានវត្តមាននៅមុខព្រះអង្គដងកើនោះឡើយ។
តំណាងបញ្ញវន្ដនិស្សិតក្មេងវត្តលោក ចៅ សម្បត្តិ ដែលសុំចូលខ្លួនស្បថតទល់ជាមួយលោក ម៉ៅ ពិសេស ជំនួសលោកនាយករដ្ឋមន្ត្រី ហ៊ុន សែន បានចោទលោក ម៉ៅ ពិសេសវិញថា «ជាមនុស្សប្រជាភិថុតប្រជាពលរដ្ឋ ចេះតែនិយាយប្រោកប្រាស់ មិនពិត។ ចេះតែនិយាយតែមិនធ្វើ»។
គួរបញ្ជាក់ថា ល្បែងបបួលគ្នាស្បថរវាងក្រុមនិស្សិតបញ្ញវន្ត ដែលមាននិន្នាការគាំទ្រគណបក្សប្រឆាំង និងម្ខាងទៀតមាននិន្នាការគាំទ្រគណបក្សកាន់អំណាចនាពេលនេះ គឺធ្វើឡើងក្រោយពីលោកនាយករដ្ឋមន្ត្រី ហ៊ុន សែន គ្រោងបបួលលោក សម រង្ស៊ី ប្រធានគណបក្សសង្គ្រោះជាតិ និងជាដៃគូរសន្ទនាជាមួយលោក ស្បថនៅមុខព្រះអង្គដងកើ តាមរយៈវប្បធម៌សន្ទនា ដែលលោក សម រង្ស៊ី តែងតែចោទរដ្ឋាភិបាលលោក ហ៊ុន សែន ថា បានលួចសន្លឹកឆ្នោតកាលពីឆ្នាំ២០១៣កន្លងទៅ៕
© រក្សាសិទ្ធិដោយ thmeythmey.com
«នាំអាត» និង«នាំអាទិ៍»មួយណាត្រឹមត្រូវ?
1 សប្តាហ៍
